Morgunblaðið - 26.01.2022, Page 8

Ég er ekki mikið fyrir að fara út á lífið
en þykir samt gaman að uppgötva
góða og rólega bari; þar sem barþjón-
arnir vita sínu viti og leggja metnað í
störf sín. Ég rambaði á einn slíkan á
dögunum, á Ritz-Carlton-hótelinu í
Kankún í Mexíkó, en þar fann ég á bak
við barborðið hann Javier Castillo –
glerfínan og glaðbeittan heimamann
og sannkallaðan galdrakarl með hrist-
arann og jiggerinn.
Maður á alltaf að ráðfæra sig við
barþjóna og athuga hvaða drykkjum
þeir mæla með, því það eru iðulega
drykkirnir sem þeir leggja mestan
metnað í og nota til að fá útrás fyrir
sköpunargleðina. Varð úr að panta Old
Fashioned með Bulleit-búrbon sem
uppistöðuna.
Klassísku hanastélin eru heppileg til
að meta hæfni barþjóna en það sem
réð valinu í þetta skiptið var þó fyrst
og fremst að Javier upplýsti mig um að
hótelið hefði þurft að blanda sinn eigin
bitter því birgðirnar voru á þrotum hjá
innflytjanda Angostura í Mexíkó.
Uppskriftin kallar á búrbon, sykur-
mola, ögn af vatni og tvær skvettur af
Angostura. Javier færði drykkinn upp
á næsta stig með því að bera eld að
kanilstöngum og leyfa reyknum að
húða glasið að innan, auk þess sem
hann kreisti olíurnar úr appelsínu-
berki yfir glasið og laumaði kirsuberi
ofan í drykkinn til að skreyta og
bragðbæta.
Tíu stig af tíu mögulegum.
Grunar mig að það hafi ekki síst ver-
ið bitterinn hans Javiers sem gerði
blönduna svona góða og væri upplagt
ef einhver á markaðsdeild Ritz-
Carlton kveikti á perunni og kæmi því
í kring að bitter með nafni og merki
hótelkeðjunnar færi í dreifingu um all-
an heim.
„Teygir bragðið“
Hvað eiga barþjónar annars til
bragðs að taka þegar lykilhráefni eins
og Angostura vantar? Angostura er
bráðmerkileg vara sem enginn bar-
þjónn getur verið án. Það má svo sem
nota aðra bittera til að blanda góð
hanastél, en Angstura er hinn staðlaði
bitter, og flaskan auðþekkjanleg: með
allt of stóran merkimiða sem kom til
vegna prentmistaka en varð síðan
órjúfanlegur hluti af vörumerkinu.
Saga Angostura hefst í Venesúela
og greina heimildir frá því að snemma
á 19. öld hafi læknir í herliði Simóns
Bolívar bruggað þar áfenga en heilsu-
bætandi mixtúru úr alls kyns jurtum
af svæðinu. Varð Angostura fljótt að
Hvað gerir barþjónn
þegar bitterinn klárast?
HIÐ LJÚFA LÍF
Ljósmynd/Youssef Diop
Það stóð ekki á barþjóninum þegar blaða-
maður gerðist svo kræfur að biðja um litla
flösku af bitternum til að taka með sér.
8 MORGUNBLAÐIÐ MIÐVIKUDAGUR 26. JANÚAR 2022SJÓNARHÓLL
EGGERT
V
ið Íslendingar höfum flest verið stolt af stöðu
okkar í orkumálum, enda er full ástæða til
þess. Við framleiðum mikið af grænni orku
sem er tvímælalaust framlag til betra loftslags á jörð-
inni. Eftirspurnin eftir hreinni orku er að aukast og
hún verður sífellt verðmætari.
Þróunin er líka á fleygiferð. Fyrir 10 dögum gengu
bresk stjórnvöld til samninga við 12 fyrirtæki um
nýtingu 17 hafsvæða við Skotland til framleiðslu á 25
þúsund megavöttum af uppsettu afli vindorkuvera. Af
þeim eru 14 þúsund megavött sem verða framleidd af
fljótandi vindmyllum, þ.e.a.s. stagaðar vindmyllur
sem fljóta því þær eru þar sem dýpi er of mikið. Um
allan heim eru önnur eins stórverkefni að fara af
stað. Það er meðal annars vegna þess að sjónmengun
er minni og á hafi úti eru
vindgæði mikil, svo notað sé
hugtak sem er framandi okk-
ur Íslendingum. Að Bretlandi
undanskildu eru fljótandi
vindorkugarðar í bígerð í
Noregi, Spáni, Svíþjóð, Dan-
mörku, Suður-Kóreu, Kína,
Taívan, Ástralíu og Banda-
ríkjunum, svo fáein lönd séu
nefnd.
Vindorkuver á hafi úti búa
til fjölmörg viðvarandi störf,
langt umfram það sem Ís-
lendingar eru vanir af rekstri
virkjana. Í skýrslu ferða-
mála-, iðnaðar- og nýsköpunarráðherra um nýjar að-
ferðir við orkuöflun sem lögð var fyrir Alþingi í nóv-
ember 2018 er vísað til rannsóknar um hversu mörg
störf fylgja uppbyggingu vindmyllugarða. Þar kemur
fram að 2,5 störf verða til fyrir hvert uppsett mega-
vatt í vindorku og 0,43 varanleg störf verða til per
megavatt á rekstrartíma. Alþjóðleg reynsla af vind-
orkuverum á hafi úti er að þau séu mun mannafls-
frekari en vindorkuver á landi.
Vindorka er þannig stóriðja í sjálfu sér. Hafsækinn
vindiðnaður hefur orðið til þess að algjör bylting er
að verða í atvinnumálum á austurströnd Bretlands.
Svæði sem hafa búið við fjöldaatvinnuleysi í áratugi
sjá nú loks til sólar. Á síðasta ári kom út skýrsla í
Bretlandi þar sem sérfræðingar spá að um 70 þús-
und ný störf verði til í vindiðnaði á Bretlandi fram til
ársins 2026.
Tækifæri í vindorku á landi eru einnig mikil. Ef
við styrkjum raforkukerfið og grípum þau tækifæri
sem bjóðast í vindorku á Íslandi batnar nýting raf-
orkukerfisins svo til muna og við getum betur safnað
vatni í lónin þegar vindar blása. Þá værum við ekki
að brenna olíu í orkuskorti. Það er brýnt umhverfis-
og loftslagsmál að framleiða vindorku hér á landi.
Þá verður að nefna að erlendir aðilar hafa sýnt
Íslandi áhuga í gerð vindorkugarða á hafi úti. Til að
gæta gagnsæis þá höfum við hjá KOM ráðgjöf
aðstoðað aðila sem eru að þróa hugmyndir um
vindorkugarða við austurströnd landsins. Það verk-
efni, sem heitir Kári Energy,
gengur út á að framleiða 2.000
MW af orku beint til útflutnings
til Bretlands, enda er orkuverð
þar mun hærra en hér. Slíkt
verkefni gæti orðið bylting á
austanverðu landinu, en hundruð
starfa, þyrlur og ljósleiðarateng-
ingar yrðu óhjákvæmilegir fylgi-
fiskar þess verkefnis. Ný atvinnu-
stoð yrði til með tilheyrandi
uppbyggingu nýrrar þekkingar
og reynslu, sem Íslendingum hef-
ur tekist vel að nýta áfram í öðr-
um verkefnum og flytja til út-
landa.
Hér er um að ræða græna og vistvæna fram-
kvæmd með endurkræfum áhrifum. Kára-verkefnið
yrði mikilsvert framlag Íslands til að vinna gegn
hnattrænni hlýnun. Þótt hér á landi sé fólk sem haldi
að við getum bjargað jörðinni með meinlætalífi munu
66 milljónir Breta áfram þurfa að hlaða símana sína,
bílana, keyra lestirnar, horfa á Netflix og ekki síst
kveikja á katlinum.
Í stað þess að Bretar brenni gasi til að knýja raf-
ala getur íslenskur vindur ristað brauðið og hitað
teið í Bretlandi og séð uppáhaldsleikvöngum okkar
allra fyrir lýsingu á kvöldin. Það yrði eitthvað til að
ylja sér við, á meðan norðangarrinn gnauðar við
gluggann á vetrarkvöldum.
ORKUMÁL
Friðjón R. Friðjónsson
framkvæmdastjóri KOM
Framtíðin er fljótandi
”
Hafsækinn vindiðnaður
hefur orðið til þess að
algjör bylting er að
verða í atvinnumálum á
austurströnd Bretlands.
Svæði sem hafa búið
við fjöldaatvinnuleysi í
áratugi sjá nú loks til
sólar.
Hágæða
vinnuföt
í miklu úrvali
Sérmerkjum fyrir fyrirtæki
Verkfæri og festingar
vinnuföt fást einnig í
Mikið úrval af öryggisvörum
HAGI ehf • Stórhöfða 37 • 110 Reykjavík • S. 414 3700 • hagi@hagi.is • hagi.is • Hagi ehf HILTI
Opið: 8-18 virka daga – 10-12 laugardaga