Fréttablaðið - 15.06.2022, Síða 15

KYNN INGARBLAÐ
ALLT
MIÐVIKUDAGUR 15. júní 2022
Endaði óvænt í Dúbaí
Karítas Ármann upplifði skemmtileg og spennandi ævintýri í Dúbaí síðasta vetur þar sem
hún starfaði hjá Kempinski Hotel Mall of the Emirates hótelinu eftir að hafa lokið námi við
César Ritz hótelskólann í Sviss. Í sumar starfar hún hjá fjölskyldufyrirtækinu. 2
Karítas Ármann starfaði síðasta vetur hjá Kempinski Hotel Mall of the Emirates hótelinu í Dúbaí. MYND/GÍGJA DÖGG EINARSDÓTTIR
jme@frettabladid.is
Vísindamenn uppgötvuðu nýlega
áður óþekkt lífríki í árfarvegi á um
500 metra dýpi í Ross íshellunni,
stærstu íshellu Antarktíku. Nýsjá­
lenskir vísindamenn frá National
Institute of Water and Atmos­
pheric Research (NIWA), bræddu
þar holu í gegnum íshelluna að
neðanjarðará, eða öllu heldur
neðaníssá, sem er rúmlega 10 kíló­
metra löng, 250 metra breið og 250
metra djúp. „Ímyndaðu þér svæði
á stærð við höfnina í Sydney, úr ís
og snjó,“ segir Craig Stevens, haf­
fræðingur hjá NIWA.
Iðandi af marflóm
Þarna niðri er ótrúlega dimmt og
kalt enda of djúpt í ísnum til að
sólarljós nái að skína þar. Vísinda­
menn urðu því hissa þegar þeir
létu rannsóknartækin síga niður í
ána og fundu þar árfarveg sem var
iðandi af marflóm.
„Að sjá öll þessi dýr syndandi í
kringum myndavélina merkir að
þarna er augljóslega mikilvægt
vistkerfisferli í gangi, sem við
munum rannsaka frekar,“ segir
Craig. „Stundum sáum við mikla
mergð en öðrum stundum voru fá
dýr á ferli. Þessi breytileiki er hluti
af því sem gerir þetta svona spenn­
andi,“ bætir hann við.
Veröldin undir ísmassa Antark­
tíku er enn ráðgáta, enda er tölu­
vert flókið að komast að þessum
neðaníssám. Fyrir utan veðrið þá
þarf að bora í gegnum þykkan ís
og senda niður dróna eða mynda­
vélabúnað. Þetta er ástæða þess að
hið fræga skip Ernest Shackletons,
the Endurance, fannst ekki fyrr en
meira en öld eftir að það týndist. n
Lífið undir ísnum
Vistkerfi finnst á 500 metra dýpi í
stærstu íshellu Antarktíku.