Fréttablaðið - 12.07.2022, Síða 10
n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is, FRÉTTASTJÓRAR: Aðalheiður Ámundadóttir adalheidur@
frettabladid.is , Garðar Örn Úlfarsson gar@frettabladid.is . Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
VEFSTJÓRI: Einar Þór Sigurðsson einarthor@frettabladid.is, MARKAÐURINN: Guðmundur Gunnarsson ggunnars@frettabladid.is, HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir
kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Það að gera
ráð fyrir
því að eldri
einstakl-
ingur sem
býr með
forsjáraðila
barns
taki við
hlutverki
foreldris
er ekki í
nokkrum
takti við
samtím-
ann.
Björk
Eiðsdóttir
bjork
@frettabladid.is
Lilja Rafney
Magnúsdóttir
varaþingmaður
VG, fyrrverandi
formaður atvinnu-
veganefndar
Strandveiðar hafa sýnt og sannað að vera ein
öflugasta byggðaaðgerð sem VG kom á sumarið
2009. Vinstri græn undir minni forystu í atvinnu-
veganefnd leiddu þverpólitíska vinnu á sl. kjör-
tímabili í að endurskoða strandveiðikerfið í ljósi
reynslunnar. Mikið samráð var við félagasamtök
sjómanna, horft til öryggismála og hagsmuna
fiskvinnslunnar, fiskmarkaða og eflingar atvinnu
strandveiðibyggðanna.
Fyrir árið 2018 hafði strandveiðibátum farið
fækkandi og ólympískar veiðar stundaðar með
tilheyrandi hættu á sjóslysum. Landhelgisgæslan
taldi reynsluna af 48 daga kerfinu vera góða og val
á veiðidögum stuðlaði að auknu öryggi sjómanna
og lögfesting 48 daga tryggði öryggið enn betur. Það
var því ekki síst öryggisþátturinn sem vó þungt í að
tryggja yrði öllum landshlutum 12 daga í mánuði út
sumarið.
Stór meirihluti sjómanna hefur verið ánægður
með þessar breytingar, það hefur úttekt Byggða-
stofnunar sýnt. Strandveiðisjómenn kalla eðlilega
eftir því að verkinu sem hófst sé lokið og aflaheim-
ildir til 48 daga séu tryggðar.
Landssamband smábátaeigenda og Strandveiði-
félagið styðja kröfuna um 48 daga og nýverið sendu
formenn 4 svæðisfélaga smábátaeigenda á Norður-
og Austurlandi ráðherra erindi þar sem óskað er
eftir að 48 daga kerfið sé fest í sessi með tryggum
aflaheimildum, þetta styðja öll félög innan LS og
fullri sátt lýst yfir með 48 daga kerfið.
Á öllum landsvæðum er mismunandi milli ára
fjöldi báta, veðurfar, fiskgengd og hvort fiskur er stór
eða smár og hver sóknargeta báta er eftir stærð.
Stefna VG er að auka hlut strandveiða í félags-
lega kerfinu upp í 5,8% í skrefum og brýnt að hefja
þá vinnu strax í haust og nýta m.a. hluta almenna
byggðakvótans og rækju- og skelbætur til þess að
tryggja varanlega 48 daga ásamt veiðar út þetta
sumar. Strandveiðar eru stórt byggðamál, keflið er
nú í höndum VG að leiða þá vinnu í höfn sem VG
hóf og tryggja öryggi og afkomu strandveiðibyggða
varanlega! n
Gerum betur
Strand-
veiðisjó-
menn kalla
eðlilega
eftir því að
verkinu
sem hófst
sé lokið.
Eftir kirfilega ígrundað val á framhalds-
skóla tók umsóknarferlið við hjá syni
mínum, með tilheyrandi eftirvæntingu
yfir því hvort draumaframhaldsskól-
inn ákvæði að hýsa hann og mennta.
Að umsóknarfresti loknum vöktuðum við
mæðgin tölvupóst okkar beggja og bréfalúguna
og spennan óx með degi hverjum. Þegar svo á
samfélagsmiðlum tóku að birtast gleðifréttir um
inngöngu ungmenna í þessa eða hina mennta-
stofnunina fóru að renna tvær grímur á þessa
móður, enda hafði ekkert tilboð um skólavist
borist syninum.
Eftir nokkurra daga óvissu var ráðgátan þó
leyst. Skólinn hafði sent sambýlismanni mínum
svarið – og það ratað í ruslhólf póstforrits hans.
Sambýlismaður minn er þó ekki faðir unglings-
ins. Faðir hans, sem deilir með mér forræði, fékk
engan póst. Fyrirmæli fylgdu um að skólavist
yrði staðfest með greiðslu skólagjalda og því
væri mikilvægt að draga ekki greiðslu. Þegar mér
barst sms um að greiðsluseðill væri kominn í
heimabankann endurhlóð ég bankann ansi oft
þar til ég fattaði að sambýlismaðurinn hefði að
sjálfsögðu fengið rukkunina.
Sextán ára unglingurinn minn er sem sagt, að
því er virðist, orðinn hans. Það er eitthvað sem
okkur yfirsást í smáa letrinu þegar við skráðum
okkur í sambúð fyrir fjórum árum síðan. Fyrsta
hugsun mín og fleiri sem af heyrðu, var að kyn
réði einhverju í þessum efnum og karlinn á
bænum fengi þannig vitneskjuna og reikning-
ana. Hugmyndin er sem betur fer ekki alveg svo
afdönkuð – hann er bara elstur á bænum. En
værum við þó stödd um tveimur áratugum aftar
á dagatalinu hefði það þó verið rétt ályktað því
til ársins 1997 var það karlinn á bænum sem var
aðalfjölskyldunúmerið: Heimilisfólk var skráð
undir hans kennitölu.
Við erum nú á einu lögheimilistengslanúmeri,
áður fjölskyldunúmeri. Ný lög um skráningu
einstaklinga tóku gildi árið 2020 og þar með var
hugtakinu fjölskyldunúmer breytt í lögheimilis-
tengsl sem er skilgreint sem auðkennisnúmer
fyrir þá einingu sem tilgreinir sameiginlegt
lögheimili. Nú í vor hóf Þjóðskrá miðlun á forsjá
og geta notendur þannig óskað eftir aðgangi að
slíkum upplýsingum. En þó nota sumir enn téð
lögheimilistengslanúmer til að draga ályktanir
um fjölskyldu- og forsjárvensl barna.
Fátt er íslenskara en samsettar og flóknar fjöl-
skyldur, svo það að gera ráð fyrir því að eldri ein-
staklingur sem býr með forsjáraðila barns taki
við hlutverki foreldris er ekki í nokkrum takti
við samtímann. Það skref sem var tekið í vor um
að Þjóðskrá miðli nú upplýsingum um forsjá er
í rétta átt, nú þurfa notendur bara að nýta sér þá
þjónustu og uppfæra kerfi sín og þankagang. n
Aðalnúmerið
ÞRIÐJUDAGA KL. 19.00 OG 21.00
MATUR OG HEIMILI
MEÐ SJÖFN ÞÓRÐAR
ser@frettabladid.is
Dóttir
Það var með stolti sem lands-
menn horfðu á stelpurnar sínar
leika nokkurn veginn við hvurn
sinn fingur á víðum völlum
Manchester-borgar um helgina,
enda léku þær Belgana oftar en
ekki grátt, þótt sigur hafi ekki
náðst á endanum. En úr því
verður bætt í næsta leik, enda
mun leynivopnið að lokum
duga til að hafa sigur á and-
stæðingunum.
Það hlýtur nefnilega að vera
svolítið ruglingslegt og að
vonum líka truflandi að elta ell-
efu leikmenn úti á vellinum sem
allir heita það sama í endann á
nafninu.
Bláa hafið
Annars verður að taka hattinn
ofan fyrir þeim fjölda lands-
manna sem lagt hafa leið sína
í Langhastar-skíri til að hvetja
þessa knattspyrnusnillinga
okkar, en ekki var ónýtt fyrir
áhorfendur sem heima sátu
að horfa á bláa hafið liðast um
stúkuna, svo eftir var tekið af
ensku myndatökumönnunum,
að ekki sé talað um daldrandi
fyrirganginn hjá þessari sömu
sveit sem kæfði á svipstundu
ræfilslega tilraun belgísku
áhorfendanna til að yfirgnæfa
víkingaklappið sem tekið var
á tólftu mínútu. Þá var allur
vindur úr þeim belg, hafi hann
verið einhver fyrir. n
SKOÐUN FRÉTTABLAÐIÐ 12. júlí 2022 ÞRIÐJUDAGUR