Vesturbæjarblaðið - des. 2021, Qupperneq 12

12 Vesturbæjarblaðið NÓVEMBER 2021
Tjörnin, frístundamiðstöð
Vesturbæjar, Miðborgar og Hlíða
er tilnefnd til hinna íslensku
menntaverðlauna 2021 fyrir
framúrskarandi frístunda­
starf. Það er mikill heiður að
frístundastarf sé tilnefnt til
menntaverðlaunanna í flokki A
sem fjallar um menntaum bætur.
Að verðlaununum standa;
Embætti forseta Íslands, mennta­
og menningarmálaráðuneyti,
samgöngu­ og sveitar stjórnar­
ráðuneyti, Félag um mennta­
rannsóknir, Grunnur – félag
fræðslustjóra og stjórnenda
skólaskrifstofa, Kennaradeild
Háskólans á Akureyri, Kennara­
samband Íslands, Listaháskóli
Íslands, Menntamálastofnun,
Mennta vísindasvið Háskóla
Íslands, Miðstöð skólaþróunar
við Háskólann á Akureyri,
Samband íslenskra sveitar­
félaga,, Samtök áhugafólks um
skólaþróun, Skóla­ og frístunda­
svið Reykjavíkurborgar.
Þessir aðilar hafa tekið
höndum saman um að veita
árlega viðurkenningu fyrir fram­
úrskar andi skólastarf eða aðrar
umbætur í menntamálum. Um
200 starfsmenn starfa í Tjörninni
og sinna um 4.000 börnum og
unglingum. Undir Tjörnina heyra
12 frístundaheimili og félags­
miðstöðvar sem vinna í nánu
samstarfi við grunnskólana í
borgarhlutanum og aðra sem að
koma að uppeldisumhverfi barna.
Guðrún Kaldal er framkvæmda­
stjóri Tjarnarinnar.
Að koma til móts við
ólíkar þarfir
Með tilkomu nýrrar mennta­
stefnu í Reykjavík hefur starfið
vaxið og dafnað og viðurkenning
á mikilvægi frístundastarfsins
hefur aukist. Nú fara nánast öll
börn sem hefja grunnskólagöngu
í frístundaheimili sem teljast hluti
af grunnmenntun barna. Mikil
þátttaka er bæði í félagsmið­
stöðvum og frístundaheimilum
Tjarnar innar og ánægja með
starfið er mikil. Markmiðið með
starfi frístundamiðstöðvarinnar
Tjarnarinnar er að koma til móts
við þarfir ólíkra einstaklinga,
stuðla að alhliða þroska þeirra
og búa þá undir virka þátttöku
í lýðræðissamfélagi sem tekur
örum breytingum. Tjörnin hefur
verið framsækin og leitt mörg
þróunar­ og nýsköpunarverk­
efni frá því að hún tók til starfa
árið 2016 og meðal annars verið
leiðandi í lýðræðis­ og mann­
réttindavinnu með börnum og
unglingum í Reykjavík.
Vottuð réttindafrístunda-
heimili
Hinsegin félagsmiðstöð
Sam tak anna 78 og frístunda­
mið stöðvar innar Tjarnar innar
er dæmi um metnaðarfullt
verkefni en hún er fyrir börn og
unglinga á aldrinum 12 til 18 ára.
Réttindaganga frístunda heimila
Tjarnarinnar er farin ár hvert en
þá minna börn á Barnasáttmála
Sameinuðu þjóðanna og réttindi
barna. Einnig hafa öll frístunda­
heimili og félagsmiðstöðvar
Tjarnarinnar í Vesturbæ hlotið
vottun sem réttindafrístunda­
heimili og félagsmiðstöðvar en
þar er vottun frá UNICEF um
að unnið sé eftir Barnasáttmála
sameinuðu þjóðanna.
Tjörnin vinnur eftir mennta­
stefnu Reykjavíkurborgar og
til þess er nýtt stefnumiðuð
stjórnun í því skini innleiða alla
færniþætti í starfinu. Leitast er
við að vinna eftir þeim aðferðum
sem kenndar eru við heiltæka
nálgun og samvirkni (e. sys­
tematic improvement) og mikil
áhersla á samvinnu og samstarf
allra í uppeldisumhverfi barnsins.
Megináhersla er á að greina og
byggja á styrkleikum barna og
unglinga. Fyrir ár hvert er gefin
út starfsáætlun þar sem lesa má
betur um hvernig unnið er eftir
menntastefnu og frístundastefnu
Reykjavíkurborgar. Starfsáætlun
má finna á heimasíðu Tjarnar­
innar, www.tjornin.is.
Vakið athygli innanlands
og utan
Starf Tjarnarinnar hefur vakið
athygli á landsvísu og út fyrir
landsteinana. Flotinn, flakk­
andi félagsmiðstöð var tilnefnd
sem gott dæmi um verkefni í
borg hjá Safe Nordic Cities og
Hinsegin félagsmiðstöð hlaut
viðurkenningu frá Norrænu
ráðherranefndinni.
Nokkur dæmi um þróunar­
verkefni sem starfsmenn Tjarnar­
innar hafa unnið að:
Vaxandi valdefling: Efling
fagmennsku í frístundastarfi í
samstarfi við Háskóla Íslands:
Vinnustofur um sjálfseflingu og
félagsfærni. Meginmarkmiðið er
að finna leiðir í frístundastarfi til
að auka vellíðan og farsæld í lífi
barna, unglinga og starfsmanna.
Flotinn viðbót
við almennar
félagsmiðstöðvar
Hinsegin félagsmiðstöð Tjarnar­
innar og Samtakanna 78: Félags­
miðstöðin sinnir öllum þeim
unglingum á höfuð borgar svæðinu
sem hafa áhuga á fjölbreytileika.
Flotinn, flakkandi félags miðstöð:
Flotinn er viðbót við almennar
félagsmiðstöðvar sem starfa í
hverfum borgar innar á vegum
frístundamiðstöðva. Flotinn
starfar þvert á borgina og er ekki
bundinn við eitt ákveðið hverfi og
sinnir vett vangs vinnu í borginni.
Flotinn vaktar hópamyndun
og er til staðar fyrir unglinga.
Flotinn fer líka um borgina eftir að
úti vistar tíma líkur.
Treystum böndin: Forvarnar­
átak: Treystum böndin er
samstarf og samtal við foreldra
og fræðsla um verndandi þætti
í uppeldisumhverfi barna og
unglinga. Í tengslum við verkefnið
hefur frístundamiðstöðin Tjörnin
gefið út handbók um foreldrarölt
og verið foreldrum innan handar
við að sinna foreldrarölti.
Tjörnin tilnefnd til hinna
íslensku menntaverðlauna
Nokkur þeirra um 200 manna og kvenna sem starfa í Tjörninni.
Lava Show opnar
á Granda fyrir
næsta sumar
Icelandic Lava Show, sem heldur úti lifandi hraunsýningu í
Vík í Mýrdal, hefur undirritað samkomulag við EB Invest sem
kemur inn í eigendahóp félagsins með fjármagn til að standa
straum af opnun á nýrri sýningu á vegum félagsins.
Þrjú ár eru síðan Icelandic Lava Show opnaði. Í tilkynningu
fra félaginu segir að reksturinn hafi vaxið hratt í fyrstu en
kórónuveirufaraldurinn reyndist hins vegar áskorun fyrir félagið.
Vel gangi þó að vinna úr aðstæðum og þá segir að staða félagsins
hafi aldrei verið sterkari.
Fyrsti áfanginn í framtíðaráformum félagsins er opnun
sýningar í Reykjavík en hún kemur til viðbótar við sýninguna sem
fyrir er í Vík í Mýrdal. Félagið hefur þegar tryggt sér húsnæði á
Granda og vinna er komin af stað svo hægt verði að opna fyrir
næsta sumar. Birgir Örn Birgisson, fyrrum forstjóri Domino's á
Íslandi, fer fyrir EB Invest. Starfsemi Icelandic Lava Show felst
í að endurskapa aðstæður eldgoss með því að bræða alvöru
hraun upp í 1.100°C og hella því inn í sýningarsal fullan af fólki.
Aðstandendur sýningarinnar segja að hvergi annars staðar í
heiminum sé hægt að komast í návígi við rauðglóandi hraun með
öruggum hætti.
Aðstandendur Lava Show. Ragnar Þórir Guðgeirsson, Hildur
Árnadóttir, Birgir Örn Birgisson, Ragnhildur Ágústsdóttir og
Júlíus Ingi Jónsson.
Vesturhlíð 2 | Fossvogi | s. 551 1266 | utfor@utfor.is | utfor.is
VIÐ ÞJÓNUM ALLAN SÓLARHRINGINN
Útfararþjónusta
í yfir 70 ár
Skemmuvegi 44m • Kópavogi
www.bilarogtjon.is