Morgunblaðið - 21.05.2022, Side 8

8 FRÉTTIR
Innlent
MORGUNBLAÐIÐ LAUGARDAGUR 21. MAÍ 2022
Skýrsla stjórnar
Kynning ársreiknings
Stjórnarkjör
Tryggingafræðileg athugun
Fjárfestingarstefna sjóðsins
Kosning endurskoðanda
. Tillögur um breytingar á samþykktum sjóðsins
Laun stjórnarmanna
Önnur mál
Ársfundur
Frjálsa lífeyrissjóðsins
Dagskrá
Skráning á fundinn og vefstreymi hans fer fram á frjalsi.is.
Sjálfkjörið er í varastjórn. Boðið verður upp á rafræna og skriflega kosningu
í aðalstjórn. Rafrænni kosningu lýkur á morgun, sunnudaginn 22. maí kl. 12.00.
Skrifleg kosning fyrir þá sem kjósa ekki rafrænt fer fram á ársfundinum sjálfum.
Fundargögn, aðgengi að rafrænni kosningu, upplýsingar um frambjóðendur
til stjórnar og aðrar upplýsingar um fundinn má nálgast á frjalsi.is
Við komu á fundinn þurfa sjóðfélagar að framvísa skilríkjum með mynd.
Stjórn sjóðsins hvetur sjóðfélaga til að mæta á fundinn.
Ársfundur Frjálsa lífeyrissjóðsins verður haldinn
mánudaginn 23. maí kl. 17.15 í höfuðstöðvum
Arion banka, Borgartúni 19.
Björn Bjarnason
skrifar á vef sinn
að útilokunartilraun
Samfylkingarinnar
gagnvart Sjálfstæðis-
flokknum, sem sé við-
leitni sem hafi legið að
baki stofnun Samfylk-
ingarinnar árið 1999,
hafi gengið sér til húðar
í nýafstöðnum kosn-
ingum.
- - -
Björn segir enn
reynt að halda lífi í
þessari tilraun „við myndun meiri-
hluta í borgarstjórn Reykjavíkur.
Hún birtist þar í því fordæmi Dags
B. Eggertssonar, fráfarandi borg-
arstjóra, að neita að eiga símtal við
Hildi Björnsdóttur, oddvita sjálf-
stæðismanna. Meira að segja Kol-
brúnu Bergþórsdóttur, menningar-
ritstjóra Fréttablaðsins, blöskrar sú
framkoma átrúnaðargoðsins og seg-
ir í leiðara í dag:
„Auðvitað á Dagur sín feilskot,
það er til dæmis skrýtið að hinn
prúði borgarstjóri hafi ekki séð
ástæðu til að svara símtölum frá
Hildi Björnsdóttur, leiðtoga Sjálf-
stæðismanna í borginni.“
- - -
Ástandið er nú þannig í Samfylk-
ingunni að dv.is segir vinnu-
staðasálfræðing reyna að stilla til
friðar í þingflokknum. Nálgast
starfshættir Samfylkingarinnar á
þingi nú æ meira það sem tíðkast
hefur meðal Pírata. Viðreisn límir
flokkana saman í borgarstjórninni
og það verður ef til vill að ráði sál-
fræðings sem Píratar og Samfylking
mynda einn þingflokk.“
- - -
Þetta er dapurleg upprifjun á
sögu Samfylkingarinnar, sem á
sér auk útilokunarmarkmiðsins það
aðalmarkmið að véla Ísland inn í
ESB eins og rifjaðist upp við innrás
Rússa í Úkraínu. Sjaldan hafa stjórn-
málaflokkar lagst jafn lágt og ESB-
flokkarnir íslensku á þeirri stundu.
Dagur B.
Eggertsson
Flokkur
með markmið
STAKSTEINAR
Hildur
Björnsdóttir
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Embætti sóttvarnalæknis segir að
sýking af völdum svonefndrar apa-
bóluveiru sé afar sjaldgæf en ekki sé
útilokað að hún berist hingað til
lands. Eru almenningur og heil-
brigðisstarfsmenn beðin um að hafa
greininguna í huga, sérstaklega hjá
þeim sem hafa verið á ferð erlendis
og eru með einkennandi útbrot.
Sóttvarnalæknir segir í tilkynn-
ingu að sýkinga af völdum apabólu-
veiru hafi orðið vart í nokkrum lönd-
um í Evrópu að undanförnu, t.d
Bretlandi, Portúgal, Spáni, Ítalíu,
Belgíu og Svíþjóð en einnig hefur
sjúkdómurinn greinst í Bandaríkj-
unum og Kanada.
Fram kemur að apabóla stafi af
veiru sem er náskyld bólusóttarveiru
og er hann einkum þekktur hjá dýr-
um en einnig mönnum. Smit frá dýr-
um til manna séu sjaldgæf og sömu-
leiðis smit milli manna.
Sjúkdómurinn hafi til þessa aðal-
lega verið greindur í Mið- og Vestur-
Afríku en sé nú að greinast í Evrópu
hjá einstaklingum sem sumir hverjir
hafi verið í Afríku en aðrir ekki. Smit
berst í fólk með náinni snertingu ým-
ist sem dropasmit með hósta/hnerra
eða sem snertismit með vessa sem
myndast í útbrotum á húð. Margir
þeirra sem nú eru að greinast eru
karlar sem stunda kynlíf með körl-
um og talið er líklegt að smit hafi
borist með kynmökum í þeim hópi.
Meðgöngutími sýkingarinnar er
yfirleitt ein til tvær vikur en getur
verið allt upp í þrjár vikur. Sótt-
varnalæknir segir að sjúkdómurinn
sé yfirleitt vægur og gangi yfir af
sjálfsdáðum á einni til tveimur vik-
um. Hjá um 3% smitaðra geti hann
hins vegar verið alvarlegur og valdið
dauða einkum hjá ónæmisbældum
einstaklingum og börnum.
Það sem einkennir sjúkdóminn
eru klæjandi útbrot sem gjarnan
byrja í andliti en færast síðan niður
líkamann, þar með talið kynfæri. Í
framhaldinu verða útbrotin að bólum
með vessa sem líkjast hlaupabólu og
er vessinn smitandi. Þegar bólurnar
hafa þornað er einstaklingurinn ekki
lengur smitandi. Sjúkdómsmyndin
getur líkst öðrum sjúkdómum eins
og hlaupabólu eða sárasótt.
Bólusetning með bóluefni gegn
bólusótt er talin geta verndað gegn
smiti en aðgengi að slíkum bóluefn-
um er takmarkað. Lyfjameðferð
með veirulyfinu tecovirimat er talin
geta gagnast við sýkingunni en það
lyf er ekki á markaði hér.
Apabólusmit
sögð sjaldgæf
- Ekki útilokað að veiran berist hingað
Skeljungur hf. hafði betur gegn ís-
lenska ríkinu fyrir Landsrétti. Þarf
ríkið að greiða fyrirtækinu um 450
milljónir króna með vöxtum.
Skeljungur taldi að flutningsjöfn-
unargjald, sem lagt var á fyrir-
tækið árin 2016 til 2019, hefði verið
ólögmætt, þar sem fjárhæð gjalds-
ins var ekki fastákveðin, heldur var
Byggðastofnun falið að ákveða
upphæðina.
Áður en málið rataði til Lands-
réttar hafði Héraðsdómur Reykja-
víkur sýknað ríkið af kröfum Skelj-
ungs.
Ríkið greiði Skelj-
ungi 450 milljónir