Morgunblaðið - 08.06.2022, Síða 23

ÍÞRÓTTIR 23
MORGUNBLAÐIÐ MIÐVIKUDAGUR 8. JÚNÍ 2022
_ Körfuknattleikskonan Bríet Sif Hin-
riksdóttir hefur skipt úr Haukum og í
Njarðvík. Hún mun því leika með Ís-
landsmeisturunum á komandi tímabili.
Bríet, sem er frá Keflavík, skoraði 10
stig, tók þrjú fráköst og gaf tvær stoð-
sendingar að meðaltali í leik með
Haukum á síðustu leiktíð. Haukar og
Njarðvík mættust einmitt í úrslita-
einvíginu um Íslandsmeistaratitilinn
og vann Njarðvík eftir oddaleik.
_ Sunna Guðrún Pétursdóttir, mark-
vörður úr handboltaliði KA/Þórs, er
gengin til liðs við svissneska félagið
Amicitia Zürich og hefur samið við það
til tveggja ára. Handbolti.is skýrði frá
þessu í gærkvöld. Sunna hefur áður
farið til Sviss, 2019-20, þegar hún
gekk til liðs við Zug, en það varð stutt
dvöl vegna útbreiðslu kórónuveir-
unnar.
_ Haraldur Franklín Magnús atvinnu-
kylfingur missti naumlega af því að
komast á Opna bandaríska meistara-
mótið í golfi. Hann tók þátt í úrtöku-
móti í New York sem lauk í fyrrinótt og
var einn af átta sem urðu efstir og
jafnir og þurftu að fara í þriggja holna
umspil um þrjú sæti á risamótinu. Að
lokum voru það Bandaríkjamennirnir
Brandon Matthews, Fran Quinn og
Chandler Phillips sem náðu sætunum
eftirsóttu.
_ Bandaríkjamaðurinn Dustin John-
son, einn af bestu kylfingum heims
undanfarin ár, hefur sagt upp aðild
sinni að bandarísku PGA-mótaröðinni
til að geta tekið þátt í hinni umdeildu
LIV-mótaröð sem er fjármögnuð af
sádiarabískum yfirvöldum. Johnson er
37 ára gamall og var um langt skeið
efstur á heimslistanum, alls í 135 vikur
og hefur unnið bæði Opna bandaríska
meistaramótið og Masters-mótið.
Johnson fyrirgerir með þessu rétti sín-
um til að taka þátt í Ryder-bikarnum
fyrir hönd Bandaríkjanna en hann fær
samkvæmt BBC 150 milljónir dollara
fyrir það eitt að taka þátt í LIV-
mótaröðinni sem hefst á morgun í
London.
_ Tiger Woods verður ekki með á
Opna bandaríska meistaramótinu í
golfi sem hefst í Brookline í
Massachusetts í næstu viku. Hann
sagði í gær að hann þyrfti lengri tíma
til að jafna sig eftir PGA-meistara-
mótið í síðasta mánuði en þar náði
hann ekki að ljúka keppni. Tiger
kvaðst hinsvegar stefna ótrauður að
því að keppa á The Open á St. And-
rews í Skotlandi í næsta mánuði.
_ Ívar Orri Kristjánsson dæmdi leik
Englands og Albaníu í Evrópu-
keppni 21-árs landsliða
karla í fótbolta sem
fram fór í Chesterfield í
gærkvöld. Birkir Sig-
urðarson og Jóhann
Gunnar Guðmunds-
son voru aðstoð-
ardómarar og
Þorvaldur
Árnason var
fjórði dómari.
Englendingar
unnu 3:0 þar sem
Cameron Archer, leik-
maður Aston Villa,
skoraði tvö markanna
og Folarin Balogun, leik-
maður Arsenal, skoraði
eitt. Ívar Orri rak Albanann
Armando Dobra af velli á
79. mínútu.
Eitt
ogannað
U21
Gunnar Egill Daníelsson
gunnaregill@mbl.is
Íslenska karlalandsliðið, skipað leik-
mönnum 21 árs og yngri, mætir
Hvíta-Rússlandi í næstsíðasta leik
liðsins í D-riðli undankeppni EM
2023 á Víkingsvelli í kvöld. Leik-
urinn er gífurlega mikilvægur, þar
sem íslenska U21-árs liðið á enn
möguleika á því að tryggja sér ann-
að sæti riðilsins og þar með umspils-
sæti fyrir lokamótið sem fer fram í
Rúmeníu og Georgíu í júní á næsta
ári.
Íslenska liðið lýkur undankeppn-
inni í ár með þremur leikjum og
vann þann fyrsta þeirra síðastliðið
föstudagskvöld með yfirburðum, 9:0
gegn Liechtenstein.
„Leikurinn leggst mjög vel í okk-
ur. Við teljum okkur vera með gott
lið og erum með sjálfstraust eftir
síðasta leik gegn Liechtenstein, þar
sem við spiluðum mjög vel.
Við vitum að Hvít-Rússar eru
mjög gott lið, þeir eru harðir í horn
að taka, stórir og sterkir og bara
gott fótboltalið, þannig að við þurf-
um að mæta vel til leiks,“ sagði Kol-
beinn Þórðarson, miðjumaður liðs-
ins og belgíska B-deildarliðsins
Lommel, í samtali við Morgunblaðið
fyrir æfingu á Víkingsvelli í gær-
morgun.
Hann sagði að þrátt fyrir að leik-
menn væru fullir sjálfstrausts, eftir
stórsigurinn gegn Liechtenstein,
muni þeir gæta þess að nálgast leik-
inn gegn Hvíta-Rússlandi öðruvísi
og sömuleiðis gegn Kýpur á laug-
ardagskvöld. „Við höfum allir verið í
fótbolta lengi og vitum allir hvernig
hugarfar við þurfum að fara með inn
í leikina. Ég held að það verði ekk-
ert vandamál.“
Ísland vann fyrri leikinn í Hvíta-
Rússlandi 2:1 síðastliðið haust en
Kolbeinn sagði liðið hafa breyst
nokkuð síðan þá. „Ég held að þeir
hafi breyst svolítið. Þeir breyttu um
leikkerfi allavega. Þeir byrjuðu í
fjögurra manna vörn á móti okkur
og fóru svo í fimm manna vörn og
eru búnir að spila þannig síðan. Því
held ég að þeir séu með breytt lið og
við erum auðvitað líka með breytt lið
og breiðan og góðan hóp. Þetta verð-
ur mjög skemmtilegt.“
Auknir möguleikar
eftir tap Grikkja
Fyrir verkefnið í yfirstandandi
landsleikjaglugga átti Ísland smá-
vægilega möguleika á að hrifsa ann-
að sætið af Grikklandi í D-riðlinum
en þeir jukust talsvert þegar Grikkir
steinlágu, 0:3 gegn nágrönnum sín-
um í Kýpur síðastliðinn mánudag.
Ísland á tvo leiki eftir í riðlinum en
Grikkland á aðeins einn leik eftir,
þar sem liðið mætir toppliði Portú-
gals, sem hefur þegar tryggt sér
sæti á EM 2023, næstkomandi laug-
ardag.
Grikkjum nægir jafntefli í Portú-
gal til þess að tryggja sér annað sæt-
ið en tapi liðið gefst Íslendingum
tækifæri til þess að hrifsa það af
þeim. Til þess þarf Ísland að vinna
Hvíta-Rússland í kvöld og einnig
Kýpur í lokaleik sínum næstkom-
andi laugardagskvöld. Spurður að
því hvernig liðið mæti möguleikana á
því að komast á lokamót EM í annað
skiptið í röð, sagði Kolbeinn:
„Í þessum landsleikjaglugga lögð-
um við upp með það að einbeita okk-
ur að sjálfum okkur. Við vissum að
þetta væri í höndunum á Grikkjum
og þeir þurfa stig á móti Portúgal
úti. Við ætluðum, hvort sem við hefð-
um möguleika eða ekki, að fá þrjár
góðar frammistöður. Við erum búnir
með eina góða frammistöðu og nú
þurfum við bara að fá alvöruframmi-
stöðu á móti Hvíta-Rússlandi.“
Spenntur fyrir ráðningu Bould
Á mánudag tilkynnti félagslið
hans, Lommel, um ráðningu á nýjum
knattspyrnustjóra. Sá heitir Steve
Bould og er aðdáendum ensku
knattspyrnunnar að góðu kunnur,
enda lék hann um langt skeið með
Arsenal. Hann þjálfaði að ferlinum
loknum í yngri flokkum félagsins og
varð síðar aðstoðarþjálfari, bæði Ar-
sene Wenger og svo Unai Emery hjá
karlaliðinu.
Kolbeinn kvaðst spenntur fyrir
því að vinna með Bould. „Mér líst
mjög vel á hann. Hann var aðstoð-
armaður hjá Wenger og Emery og
spilaði tæpa 290 leiki fyrir Arsenal í
efstu deild á Englandi, það er mjög
stórt. Ég fer út og fæ að kynnast
honum og vonandi gengur það bara
vel. Þetta er mjög spennandi ráðn-
ing.“
Nýafstaðið tímabil var kaflaskipt
hjá Kolbeini, þar sem hann átti ekki
fast sæti í byrjunarliði Lommel. Var
hann reglulega í byrjunarliðinu um
mitt tímabil en hvorki í byrjun þess
né undir lok þess. Kolbeinn sagði þó
ekkert fararsnið á sér, að minnsta
kosti ekki að sinni. „Ég hugsa að ég
verði áfram, allavega eins og staðan
er í dag,“ sagði hann að lokum í sam-
tali við Morgunblaðið.
Vitum hvernig hugarfar þarf
- U21-árs landsliðið þarf sigra í síðustu tveimur leikjunum og mætir Hvíta-
Rússlandi á Víkingsvelli í kvöld - Grikkir misstigu sig og juku möguleika Íslands
Morgunblaðið/Eggert
U21 Kolbeinn Þórðarson, Ágúst Eðvald Hlynsson, Sævar Atli Magnússon, Kristall Máni Ingason og Andri Fannar
Baldursson á æfingu 21-árs landsliðsins í gær. Þeir mæta Hvíta-Rússlandi á Víkingsvellinum í kvöld.
Bjarni Fritzson hefur verið ráðinn
þjálfari karlaliðs ÍR í handknattleik
til næstu þriggja ára og snýr því
aftur til uppeldisfélagsins eftir
tveggja ára fjarveru. Hann tekur
við af Kristni Björgúlfssyni sem
hefur stýrt ÍR í tvö ár og kom liðinu
á ný upp í úrvalsdeild í vetur.
Bjarni lék lengi með íslenska lands-
liðinu og með ÍR, FH, Akureyri og
frönsku liðunum Créteil og St.
Raphaël. Hann þjálfaði síðan Akur-
eyri í tvö ár, 2012 til 2014, og í
framhaldi af því þjálfaði hann lið ÍR
frá 2014 til 2020.
Bjarni kominn
aftur til ÍR
Morgunblaðið/Kristinn Magnússon
ÍR Bjarni Fritzson er kominn í
Breiðholtið á nýjan leik.
Jason Daði Svanþórsson úr Breiða-
bliki og Júlíus Magnússon úr Vík-
ingi gætu spilað sinn fyrsta A-
landsleik í knattspyrnu gegn San
Marínó í Serravalle annað kvöld.
Þeir voru í gær valdir í íslenska
hópinn fyrir vináttuleikinn, ásamt
Höskuldi Gunnlaugssyni og Damir
Muminovic úr Breiðabliki. Hösk-
uldur hefur leikið fjóra landsleiki
og Damir einn. Þeir Birkir Bjarna-
son, Hörður Björgvin Magnússon
og Alfons Sampsted eru hvíldir í
leiknum og Bjarki Steinn Bjarka-
son fór yfir í 21-árs landsliðið.
Fyrsti leikur Jas-
ons og Júlíusar?
Ljósmynd/Kristinn Steinn Traustason
Nýliði Jason Daði Svanþórsson fór
með landsliðinu til San Marínó.
Víðir Sigurðsson
vs@mbl.is
Víkingar fengu án efa erfiðasta
verkefnið sem var í boði þegar
dregið var fyrir forkeppni Meist-
aradeildar karla í fótbolta sem leik-
in verður hér á landi dagana 21. til
24. júní.
Víkingar drógust gegn eistnesku
meisturunum Levadia Tallinn en
hin tvö liðin sem taka þátt í keppn-
inni eru La Fiorita, meistaralið San
Marínó, og Inter Club d’Escaldes,
meistaralið Andorra.
Víkingur og Levadia mætast á
Víkingsvellinum þriðjudaginn 21.
júní en fyrr sama dag mætast La Fi-
orita og Inter Club á sama velli.
Sigurliðin leika til úrslita á Vík-
ingsvellinum föstudaginn 24. júní.
Sigurliðið fer í fyrstu umferð
Meistaradeildarinnar en hin þrjú
liðin fara yfir í 2. umferð í Sam-
bandsdeild Evrópu.
Levadia Tallinn mætti Stjörnunni
í fyrstu umferð Evrópudeildarinnar
sumarið 2019. Stjarnan vann þá 2:1
í Garðabæ og komst síðan áfram
eftir spennutrylli í Tallinn, þar sem
Brynjar Gauti Guðjónsson skoraði í
blálok framlengingar, minnkaði
muninn í 3:2, og kom Stjörnunni
áfram á fleiri mörkum á útivelli.
KR-ingar fóru síðan til Tallinn
sumarið 2020 og töpuðu þar gegn
Flora, 2:1. Þá var aðeins leikinn
einn leikur vegna kórónuveiru-
ástandsins.
Það er því ljóst að Víkingar eiga
hörkuleik fyrir höndum gegn Le-
vadia en þeir þyrftu hvort eð er
að sigrast á Eistunum til að kom-
ast áfram í keppninni.
Liðin frá San Marínó og An-
dorra eru nýkrýndir meistarar
sinna landa. La Fiorita leikur í Evr-
ópukeppninni ellefta árið í röð en
hefur aldrei komist áfram og aldrei
unnið leik. Inter Club leikur þriðja
árið í röð í undankeppni Meist-
aradeildar og vann í fyrra heima-
leik gegn HB frá Færeyjum og úti-
leik gegn Teuta frá Albaníu.
Víkingur fékk erfiðasta verkefnið
Morgunblaðið/Eggert
Víkingur Íslandsmeistararnir spila
mikilvægan leik á heimavelli.