Morgunblaðið - 25.06.2022, Blaðsíða 4

Borgarverk lauk í vikunni við að
setja klæðingu á vegarkafla við
brúna í Norður-Botni í Tálknafirði.
Var þetta seinna yfirlag vegarins
sem verið hefur leiðinlegur í vetur.
Smíði nýrrar brúar yfir Botnsá í
Norður-Botni í Tálknafirði lauk á
síðasta ári og lagningu vegar að
henni lauk að mestu. Lagt var ein-
falt lag klæðingar á veginn síðasta
haust, til þess að umferðin þyrfti
ekki að vera á styrktarlaginu í vet-
ur. Einfalda slitlagið þoldi ekki þá
þungaumferð sem þarna er. Þá
hjálpaði veðurfarið ekki, þannig að
holur mynduðust í veginn, til ama
fyrir ökumenn. Reynt var að leysa
málin með því að holufylla.
Pálmi Þór Sævarsson, svæðis-
stjóri vestursvæðis Vegagerðar-
innar, segir að því fylgi stundum
ákveðinn fórnarkostnaður að fara
þessa leið. Seinna lag klæðingar
hafi alltaf átt að koma í sumar,
hvort sem vegurinn hefði hlaupið í
holur í vetur eða ekki. helgi@mbl.is Morgunblaðið/Guðlaugur J. Albertsson
Klæðing
lögð í Norð-
ur-Botni
4 FRÉTTIR
Innlent
MORGUNBLAÐIÐ LAUGARDAGUR 25. JÚNÍ 2022
Þóra Birna Ingvarsdóttir
Veronika Steinunn Magnúsdóttir
Katrín Jakobsdóttir, forsætisráð-
herra, segir að ekki standi til að
breyta stefnu Vinstri grænna hvað
varðar aðild að Atlantshafsbandalag-
inu (NATO). Þar segir að Ísland eigi
að standa utan hernaðarbandalaga.
Nýlegar kannanir hafa bent til þess
að um helmingur kjósenda Vinstri
grænna sé hlynntur NATO. Þannig
voru 53% kjósenda VG hlynnt ver-
unni í NATO samkvæmt könnun
Fréttablaðsins frá 21. júní en 71% já-
kvæð gagnvart þátttöku í bandalag-
inu samkvæmt könnun Maskínu frá
10. júní síðastliðnum.
„Vinstri græn eru enn friðarsinn-
aður flokkur,“ segir Katrín. Ekki sé
óeðlilegt að stuðningur aukist við Atl-
antshafsbandalagið, nú þegar það
hefur verið mikið í umræðunni vegna
innrásar Rússa í Úkraínu. Þá bendir
hún á að flokkurinn hafi ekki sett sig
upp á móti þeirri varnarmálastefnu
sem ríkisstjórn Íslands fylgir í dag.
Stefán Pálsson sagnfræðingur,
varaborgarfulltrúi Vinstri grænna og
fyrrum formaður Samtaka hernaðar-
andstæðinga, segir ekkert nýtt að
skoðanakannanir komi upp, þar sem
stefna kjósenda flokka er ekki sú
sama og flokkanna sjálfra. Sem dæmi
hafi sama gerst í Sjálfstæðisflokki
um afstöðu til Evrópusambandsins.
„Það er ekki markmið stjórnmála-
flokka að elta hverja könnun, heldur
hljóta menn að bregðast við könnun-
um sem ákalli um að þeir þurfi að
kynna sína stefnu betur og vinna
henni framgang,“ segir hann. Tölurn-
ar komi ekki á óvart nú, miðað við
hvernig umræðan hafi verið. „Við
höfum séð skiljanleg hræðsluvið-
brögð við tíðindum um Úkraínustr-
íðið. Mjög stífan stríðsáróður, sem
kallað hefur fram aukinn stuðning við
hernaðarbandalög víða um lönd,“
segir hann og telur að sveiflan sé
tímabundin.
- Nú horfum við upp á ríki eins og
Finnland sækja um inngöngu í
NATO þegar ógn steðjar að. Held-
urðu að það hafi ekki áhrif á þessa til-
hneigingu fólks?
„Ég er alveg viss um að það skipti
máli um afstöðu fólks að þarna séu
fleiri Norðurlönd komin inn. Mér
finnst það líka segja sitt að stjórnvöld
í Finnlandi og Svíþjóð þorðu ekki að
fara í þjóðaratkvæðagreiðslu. Þau
höfnuðu kröfu um að almenningur
fengi að kjósa um þetta, heldur var
ákveðið að nýta þessa litlu glufu sem
myndaðist í fyrsta sinn í marga ára-
tugi,“ segir hann. „Við þekkjum alveg
hvaða sárum það olli á Íslandi þegar
gengið var inn í NATO á sínum tíma
og krafa um þjóðaratkvæðagreiðslu
var hunsuð. Það finnst mér segja sitt
um lýðræðislegt eðli bandalagsins.“
Stefán telur að það komi á daginn
að þótt fólk sýni stuðning við NATO
sýni rannsóknir Silju Báru Ómars-
dóttur, stjórnmálafræðings, að flest
fólk telji engu að síður öryggi sínu
best borgið innan borgaralegra stofn-
ana og telji að Ísland aðhyllist hlut-
leysisstefnu í alþjóðamálum. „Sem er
nokkuð kyndugt í ljósi þess að NATO
gerir það alls ekki,“ segir hann.
VG breytir ekki afstöðu til NATO
Morgunblaðið/Árni Sæberg
NATO Kjósendur Vinstri grænna eru sífellt jákvæðari í garð NATO. Þó
stendur í stefnu flokksins að Ísland eigi að standa utan hernaðarbandalaga.
Katrín
Jakobsdóttir
Stefán
Pálsson
- Kjósendur VG sífellt jákvæðari gagnvart NATO - Stefán Pálsson telur sveifluna tímabundna
Hólmfríður María Ragnhildardóttir
hmr@mbl.is
Innviðaráðuneytið telur með öllu
óásættanlegt að Reykjavíkurborg
ráðist í framkvæmdir í Skerjafirði
án þess að fullkannað sé hvort og þá
með hvaða hætti sé búið að tryggja
að ný byggð hafi ekki neikvæð áhrif
á rekstraröryggi Reykjavíkurflug-
vallar. Leggur ráðuneytið þunga
áherslu á að borgin fresti öllum
áformum um úthlutun lóða og bygg-
ingarréttar og hefji engar fram-
kvæmdir á umræddu svæði þar til
niðurstaða flugfræðilegrar rann-
sóknar liggur fyrir. Þetta kemur
fram í bréfi frá innviðaráðuneytinu
til borgarinnar, sem dagsett er 16.
júní.
Einar Þorsteinsson, oddviti
Framsóknar í Reykjavík og starf-
andi borgarstjóri, segir borgina ætla
að verða við ósk ráðuneytisins og
verður framkvæmdum frestað um
sinn. Ekki sé þó gott að seinka upp-
byggingunni en samningar verði
virtir.
Þann 21. janúar sendi Isavia
minnisblað til ráðuneytisins þar sem
farið var yfir aðstæður sem væru að
skapast á Reykjavíkurflugvelli
vegna framkvæmda og uppbygging-
ar af hálfu Reykjavíkurborgar, og
þá sérstaklega vegna uppbyggingar
Nýja Skerjafjarðar. Ráðuneytið
óskaði í kjölfarið eftir svörum frá
borginni, m.a. um með hvaða hætti
ætti að tryggja að framkvæmdir við
flugvöllinn hefðu hvorki áhrif á flug-
öryggi né rekstraröryggi hans. Þá
var jafnframt óskað eftir því að
framkvæmdir yrðu stöðvaðar.
Í svari borgarinnar sem barst 12.
apríl var fjallað um áhrif nýrrar
byggðar á vindafar og ókyrrð og
hvaða aðgerðum átti að beita til að
tryggja öryggi á framkvæmdatíma.
Þolanleg áhætta
Í umsögn Isavia til ráðuneytisins,
sem dagsett er 2. maí, kemur fram
að áhyggjur félagsins hafi ekkert
minnkað við lestur svarbréfs borg-
arinnar. Hafi þar m.a. komið fram í
vindafarsgreiningu NLR að upp-
bygging muni hafa áhrif á aðstæður
á braut en að áhættan hafi verið
metin sem „þolanleg“. Aftur á móti
þurfi að grípa til öryggisráðstafana
og mótvægisaðgerða, sem sé á
ábyrgð rekstraraðila flugvallarins.
Þá segir einnig í minnisblaði Sam-
göngustofu frá 3. maí að breytingar
á aðstæðum flugvallarins geti haft
áhrif á starfsleyfi hans og kallað á
íþyngjandi mótvægisaðgerðir og/eða
rekstrartakmarkanir sem geti m.a.
snúið að lokun flugbrauta eða flug-
vallar að hluta eða öllu leyti.
Í bréfi innviðaráðuneytisins til
borgarinnar 16. júní segir að ný
byggð í Skerjafirði muni að óbreyttu
draga út rekstraröryggi flugvallar-
ins, sem sé í beinni andstöðu við
samkomulag ráðherra og borgar-
stjóra frá því í nóvember 2019 þar
sem sérstaklega var áréttað að
rekstraröryggi flugvallarins yrði
tryggt á meðan unnið væri að undir-
búningi gerð nýs flugvallar.
Ráðuneytið hefur nú sett á lagg-
irnar starfshóp sérfræðinga sem
eiga að vinna flugfræðilega rann-
sókn á fyrirhuguðu byggðinni í
Skerjafirði og áhrifum hennar og til-
heyrandi framkvæmda á flugöryggi
og rekstraröryggi Reykjavíkurflug-
vallar. Í honum eiga m.a. sæti sér-
fræðingar Isavia, Veðurstofunnar,
háskólasamfélagsins, Öryggisnefnd-
ar Félags íslenskra atvinnuflug-
manna og Reykjavíkurborgar. Er
stefnan sett á að hópurinn skili nið-
urstöðum eigi síðar en 1. október
næstkomandi.
„Það er bara mjög mikilvægt að
það sé sameiginlegur skilningur af
hálfu allra á því hvernig þessum
málum er háttað,“ segir Einar og
bætir við: „Við leggjum bara áherslu
á eins og allir að þrengja ekki að
flugvellinum þannig að hann verði
ónothæfur.“
Fresta uppbyggingu í Skerjafirði
- Fyrirhugaðar framkvæmdir við Reykjavíkurflugvöll eru taldar hafa áhrif á rekstraröryggi hans
- Innviðaráðuneytið vill að borgin fresti áformum um úthlutun lóða og byggingarréttar
Morgunblaðið/Árni Sæberg
Reykjavíkurflugvöllur Innviðaráðuneytið leggur þunga áherslu á að borg-
in fresti öllum áformum um úthlutun lóða og byggingarréttar.