Morgunblaðið - 28.06.2022, Side 2

2 FRÉTTIR
Innlent
MORGUNBLAÐIÐ ÞRIÐJUDAGUR 28. JÚNÍ 2022
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Gísli Freyr Valdórsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Guðni Einarsson
gudni@mbl.is
Lagt er til að 17 iðngreinar falli af
lista yfir löggiltar iðngreinar. Níu
þeirra verði afnumdar og átta falli
undir skyldar greinar.
Tillaga Áslaugar Örnu Sigur-
björnsdóttur, háskóla-, iðnaðar- og
nýsköpunarráðherra, um fækkun
löggiltra iðngreina, birtist í Sam-
ráðsgátt stjórnvalda í dag. Margar
iðngreinanna eru ekki lengur til í at-
vinnulífinu, hafa ekki verið kenndar í
fjölda ára eða tekið svo miklum
breytingum að ekki eru lengur tald-
ar vera forsendur fyrir löggildingu.
Tillögurnar koma í kjölfar úrbótatil-
lagna sem komu
fram í samkeppn-
ismati OECD ár-
ið 2020. Áslaug
Arna segir að
heimsmet í fjölda
iðngreina sem
krefjast löggild-
ingar sé ekki eft-
irsóknarvert.
Samkvæmt
upplýsingum
Morgunblaðsins var m.a. litið til þess
við undirbúning reglugerðarinnar
hvort námskrár væru til fyrir við-
komandi iðngreinar. Einnig í hvaða
iðngreinum fáir eða engir hefðu lokið
sveinsprófi síðustu tvo áratugi. Þá
var skoðað hvort rökstyðja mætti
lögverndun viðkomandi iðngreina
með vísan til almannahagsmuna,
sérstaklega almannaheilbrigðis og
öryggis.
Iðngreinar, sem ætlunin er að
fella niður, eru feldskurður, glerslíp-
un og speglagerð, hljóðfærasmíði,
myndskurður, málmsteypa, móta-
smíði og leturgröftur, hattasaumur
og kæli- og frystivélavirkjun. Ekkert
sveinspróf hefur verið skráð í móta-
smíði og leturgreftri síðan 1971.
Enginn hefur lokið sveinsprófi í
hattasaumi, þá kvenhattaiðn, síðan
1958. Sveinspróf í kæli- og frysti-
vélavirkjun hefur aldrei verið skráð.
Lagt er til að fella niður átta aðrar
löggildingar og sameina þær greinar
öðrum. Klæðskurður karla og
kvenna hafa verið aðskildar iðn-
greinar en lagt er til að þær samein-
ist undir heitinu klæðskurður. Undir
skósmíðaiðn falla skósmíði og skó-
viðgerðir. Lagt er til að sameina
þessar greinar í skósmíðaiðn.
Þá er lagt til að leggja skipa- og
bátasmíði niður og sameina hana við
húsasmíði. Eitt sveinspróf var skráð
í skipa- og bátasmíði 2020 og þar áð-
ur árið 1994. Eins er lagt til að sam-
eina stálskipasmíði og stálvirkja-
smíði undir stálsmíði. Loks er lagt til
að greinarnar almenn ljósmyndun
og persónuljósmyndun verði samein-
aðar undir yfirheitinu ljósmyndun.
Löggildingu 17 iðngreina breytt
- Tillaga að breytingu á reglugerð um löggiltar iðngreinar birt í dag - Íslendingar eiga heimsmet í lög-
gildingu iðngreina - Iðngreinar sem hafa runnið sitt skeið verði felldar niður eða sameinaðar öðrum
Morgunblaðið/Brynjar Gauti
Skór Lagt er til að sameina skóvið-
gerðir og skósmíði í skósmíðaiðn.
Áslaug Arna
Sigurbjörnsdóttir
Tómas Arnar Þorláksson
tomasarnar@mbl.is
Einar Þorsteinsson sinnir nú skyld-
um og störfum borgarstjóra Reykja-
víkur eftir að Dagur B. Eggertsson
núverandi borgarstjóri tók sér stutt
sumarfrí erlendis í tilefni 50 ára af-
mælis síns.
Er Einar því titlaður staðgengill
borgarstjóra sem hann segir vera
góða æfingu fyrir embættið áður en
hann tekur við því af Degi árið 2024.
Einar mun sinna embætti borgar-
stjóra út þessa viku en þá kemur
Dagur aftur til landsins. Eins og
fram hefur komið er Einar formaður
borgarráðs þar til 2024 en undan-
farin ár hefur það verið reglan sam-
kvæmt 73. grein samþykktar borg-
arstjórnar að formaður borgarráðs
taki við störfum borgarstjóra þegar
hann er ekki á landinu.
Borgarritari einnig til taks
Aðspurður segir Einar að ef hann
skyldi einnig fara til útlanda tæki
Þorsteinn Gunnarsson borgarritari
við störfum borgarstjóra í fjarveru
hans og borgarstjóra. Segir Þor-
steinn í samtali við Morgunblaðið að
hann hafi nokkrum sinnum þurft að
standa borgarstjóravaktina síðan
hann tók við embætti borgarritara
fyrir tveimur árum. Að sögn Þor-
steins er góð æfing fólgin í þessu
fyrir Einar og heppilegt að hann fái
að prufa þetta yfir rólegasta tíma
ársins. „Hann fær fínustu aðlögun
og ágætis eldskírn í því að kynnast
því hvernig kerfið virkar,“ tekur
Þorsteinn fram.
Spurður hvort hann fái greitt eins
og borgarstjóri á meðan hann sinnir
embættinu neitar Einar því. Stefnir
Einar á að taka sjálfur tíu daga frí í
júlí eftir að Dagur kemur heim og
minnir á að þótt hann sé núna stað-
gengill fyrir borgarstjóra sé Dagur
enn borgarstjóri og ætlar hann því
ekki að taka neinar stórar ákvarð-
anir á meðan hann er í burtu.
„Mesta einbeitingin fer í þau verk
sem eru á borði borgarráðs og það
er bara nóg að gera,“ segir Einar að
lokum. Hefur hann sinnt nokkrum
verkefnum í fjarveru Dags sem stað-
gengill borgarstjóra og má þar til
dæmis nefna að hann sendi borgar-
stjóra Óslóar samúðarkveðjur í kjöl-
far skotárásarinnar þar aðfaranótt
laugardags, þar sem tveir týndu lífi
og fjöldi fólks slasaðist.
Einar í æfingu sem staðgengill Dags
- Einar Þorsteinsson nú staðgengill borgarstjóra - Dagur erlendis til að fagna 50 ára afmæli
Einar
Þorsteinsson
Dagur B.
Eggertsson
Nýtt skip Vinnslustöðvarinnar (VSV) kom til hafnar í Eyjum í
gærmorgun og mun fá nafnið Gullberg VE-292. Það er keypt
frá Noregi og hét áður Garðar. Jón Atli Gunnarsson verður
skipstjóri og segir hann að honum lítist mjög vel á skipið.
Gekk siglingin vel heim frá Noregi og var blíðviðri alla leið-
ina. Eru því nú komin fjögur uppsjávarskip í eigu VSV. Skipið
er 70 metra langt, þrettán metra breitt og lestarplássið er
2.100 rúmmetrar. Að sögn Jóns er skipið þar að auki í mjög
góðu standi. Það er með nýja vél og búið að fara yfir ýmsan
búnað um borð skipsins. Forráðamenn VSV, þeir Sigurgeir
Brynjar Kristgeirsson og Sindri Viðarsson, hafa báðir lýst því
yfir að þeir séu hæstánægðir með skipið. „Okkur leist strax
afar vel á, enda er þetta hörkuskip sem búið er að endurnýja
margt í og gera mikið fyrir,“ segir Sindri í tilkynningu VSV.
Garðar á sér sögu á Íslandi, annars vegar sem Margrét EA í
eigu Samherja og hins vegar sem Beitir NK í eigu Síldar-
vinnslunnar. Nú tekur við vinna við að koma skipinu á ís-
lenska skipaskrá og mun það taka nokkra daga. Skipið verður
til sýnis fyrir Eyjamenn síðar í vikunni og síðan fer það fljót-
lega á makrílveiðar. tomasarnar@mbl.is
Morgunblaðið/Óskar Pétur Friðriksson
Skipstjóri Jón Atli Gunnarsson sigldi skipinu heim frá
Noregi. Hann var áður skipstjóri um borð í Kap VE.
„Þetta er
hörkuskip“
Nýtt skip Vinnslustöðvarinnar, Gullberg VE, kom til heimahafnar í Eyjum í gær