Morgunblaðið - 27.05.2022, Qupperneq 27

hann var uppbyggður, með mörgum stórum
beðum, og hófum við að gera breytingar árið
2001. Svo tókum við hluta af garðinum í gegn
2015, og síðan kom síðasta stóra framkvæmdin
2020, en þá fjarlægðum við um 80 rúmmetra af
jarðvegi og settum annað eins af möl og sandi,
ásamt því að endurnýja moltukassana,“ út-
skýrir Kristján en hann er bakarameistari og
starfar við kökugerð hjá Myllunni.
Epla- og perubóndi
Skartar garðurinn m.a. meðalstóru gróð-
urhúsi, fimm eplatrjám, tveimur perutrjám,
hindberjarunna, rabarbara, graslauk og blá-
berjatré. Er gróðurhúsið notað til matjurta-
ræktar og einnig til að rækta sumarblóm sem
taka að fylla garðinn þegar sól hækkar á lofti.
„Við byrjum strax í janúar að sá og forrækta í
bílskúrnum og færum plönturnar síðan út í gróð-
urhús á vorin, þegar veður leyfir,“ segir Kristján.
Sumar matjurtirnar standa úti í garði en
aðrar eru inni í gróðurhúsi og í garðinum eru
þrír matjurtarkassar þar sem ræktaðar eru
ýmsar tegundir af grænmeti. „Jarðarberja-
plönturnar höfum við t.d. í gróðurhúsinu og
fengum við síðasta sumar á bilinu 10 til 12 kíló
af jarðarberjum,“ upplýsir Kristján.
Epla- og perutrén bera líka ávöxt en eru við-
kvæm fyrir sveiflum í veðurfari. „Ef það kem-
ur frost á vorin þegar trén eru í blóma þá deyr
blómið og nær ekki að frjóvgast,“ upplýsir
Kristján og bætir við að verja þurfi perutrén
gegn fuglum. „Eitt árið var ég of seinn að setja
net utan um perutréð og var fuglinn þá snögg-
ur að klára ávextina.“
Eru ávextirnir engu síðri en þeir sem
kaupa má úti í búð. „Eplin geta verið svolítið
hörð tekin beint af trénu og gott að láta þau
standa í svona tíu daga, en peran er mjög góð
Morgunblaðið/Árni Sæberg
Í gróðurhúsinu iðar allt af lífi.
Skipulagið er nákvæmt og markvisst.
Garðinum er einstaklega vel
við haldið. Fyrstu sumarblómin
lífga upp á innganginn.
5 SJÁ SÍÐU 28
Tréverkið smíðaði Kristján sjálfur.
FÖSTUDAGUR 27. MAÍ 2022 MORGUNBLAÐIÐ 27
INNBLÁSTUR
FYRIR SUMARIÐ