Morgunblaðið - Sunnudagur - 19.06.2022, Qupperneq 29

um takti sem fær okkur til að hugsa
hvaða hæðum Elvis hefði getað náð
hefði hann ekki orðið fórnarlamb
skuggahliðar sinnar eigin frægðar,“
skrifar Pete Hammond í Deadline
Hollywood og bætir við að Butler sé
sem skapaður fyrir hlutverkið.
Philip De Semlyen, gagnrýnandi
Time Out, segir að þegar Butler
hnykki mjöðmunum í fyrsta sinn á
sviði í myndinni, sé það eins og að
„horfa á tvær stjörnur fæðast í senn“.
Myndin sjálf fær gegnumsneitt
frekar jákvæða dóma, þó inn á milli
megi finna gagnrýnendur sem eru
ekki eins hrifnir.
Um er að ræða ævisögulega kvik-
mynd sem segir sögu Elvis frá því að
hann var barn og þangað til hann féll
frá langt fyrir aldur fram, lúinn á lík-
ama og sál. Þar á milli slær hann
rækilega í gegn sem rokkari og kvik-
myndaleikari, svo annað eins hefur
varla sést. Fá menn örlög sín í vöggu-
gjöf eða knýja þau einfaldlega dyra?
Þá fer talsvert rými undir flókið sam-
band Elvis við umboðsmann sinn,
Tom Parker ofursta, sem Tom Hanks
leikur, einnig við mikla hrifningu
gagnrýnenda. „Sumir myndu segja
að ég væri skúrkurinn í þessari
sögu,“ segir Hanks seiðandi röddu í
stiklu myndarinnar. En deildu þeir
Elvis mögulega bara sömu ástríðu,
sömu sýn?
Eðli málsins samkvæmt er tónlist-
in rauður þráður gegnum myndina og
hver Elvis-smellurinn af öðrum fær
að heyrast. „Ef þú þorir ekki að orða
hugsun þína þá skaltu syngja!“ segir
Elvis í stiklunni.
Elvis syngur að vonum sjálfur, eins
Austin Butler, en einnig koma við
sögu listamenn á borð við Stevie
Nicks, Eminem & CeeLo Green, Ka-
cey Musgraves, Måneskin og Jack
White. Þá samdi tónlistarkonan Doja
Cat sérstaklega lag fyrir myndina
undir sterkum áhrifum frá Elvis. Það
heitir því viðeigandi nafni Vegas.
Myndin var lengi í pípunum en
strax árið 2014 var gert heyrinkunn-
ugt að ástralski leikstjórinn Baz
Luhrmann hygðist gera sögu Elvis
skil á hvíta tjaldinu. Hann er kunnur
fyrir myndir á borð við Rauðu myll-
una, William Shakespeare’s Romeo
+ Juliet og Strictly Ballroom. Luhr-
mann skrifaði handritið sjálfur ásamt
Sam Bromell, Craig Pearce og Je-
remy Doner.
Skriður komst þó ekki á verkefnið
fyrr en 2019, þegar Butler var ráðinn
í aðalhlutverkið og hristi þar af sér
áskorendur á borð við Ansel Elgort,
Miles Teller og Harry Styles. Tökur
hófust í janúar 2020 en lágu niðri
mánuðum saman vegna heimsfarald-
ursins. Þeim lauk loks í mars í fyrra.
Endaði á spítala
Butler gaf sig allan í verkefnið og
endaði meira að segja á spítala degi
eftir að tökum lauk. „Ég vaknaði
sárkvalinn og brunað var með mig á
spítala,“ segir hann í samtali við
breska tímaritið GQ.
Hann mun hafa verið greindur með
sýkingu og þurfti að liggja inni í heila
viku. Butler er ekki í nokkrum vafa
um að veikindin hafi tengst verkefn-
inu, enda hafi hann verið lengi í kar-
akter. „Líkami minn gaf sig bara eftir
að ég hætti að vera Elvis,“ segir
hann.
Í viðtalinu kemur fram að hans
nánustu hafi tekið eftir breytingum á
Butler meðan á gerð myndarinnar
stóð og að rödd hans sé önnur í dag.
„Fjölskyldan segir að ég hljómi ekki
lengur eins og ég sjálfur,“ segir hann.
Butler þurfti að skipta tíma sínum
milli Elvis og sjónvarpsmyndaflokks-
ins Masters of the Air, sem gerist í
seinna stríði, en alltaf fylgdi kóng-
urinn honum.
„Ég hugsaði með mér: Svona hefur
Elvis liðið þegar hann var kvaddur í
herinn. Eina stundina er maður um-
kringdur veinandi aðdáendum og þá
næstu kominn í einkennisbúning, eins
og hver annar maður.“
Cary Fukunaga, leikstjóri Master
of the Air, fór ekki varhluta af þessu.
„Þegar hann mætti á svæðið var heil-
mikill Elvis í honum,“ hefur GQ eftir
honum.
Sjálfur viðurkennir Butler að hon-
um þyki vænst um Elvis af öllu því
fólki sem hann hefur aldrei hitt. Þeir
eiga líka sitthvað sameiginlegt.
„Móðir hans féll frá þegar hann var
23 ára og móðir mín dó einnig þegar
ég var 23 ára. Ég fékk gæsahúð þeg-
ar ég komst að þessu og ég hugsaði
með mér: Gott og vel, ég get tengt við
þetta.“
Hvort Butler á svo nokkurn tím-
ann eftir að losa sig við Elvis, mun
tíminn leiða í ljós.
Austin Butler á rauða
dreglinum í Lund-
únum á dögunum.
AFP/Justin Tallis
19.6. 2022 MORGUNBLAÐIÐ SUNNUDAGUR 29
fyrir heimilið
Sendum
um
land
allt
Tjarnargötu 2 | 230 Reykjanesbæ | Sími 421 3377 | bustod@bustod.is | www.bustod.is
Fallegar vörur
Stóll á snúningsfæti í ítölsku nautsleðri
75 cm á breidd
Verð frá 139.000 kr.
Loksins fáanlegir aftur,
í mörgum litum
SPRELL Hjónin Melissa McCarthy og
Ben Falcone eru í aðalhlutverkum í
nýjum spéþáttum á Netflix, God’s
Favourite Idiot eða Eftirlætisbjáni
almættisins, en sá síðarnefndi er einn-
ig höfundur handrits. Sagt er frá
manni sem fellur fyrir samstarfskonu
sinni um sama leyti og hann verður
óvænt sérlegur erindreki Guðs. Í
dagskrárkynningu eru áhorfendur
hvattir til að búa sig undir hið
óvænta en hjónin voru síðast
saman í kvikmyndinni Thun-
der Force.
Melissa
McCarthy leikur
í þáttunum. AFP/Frazer Harrison
BÓKSALA 8.-14. JÚNÍ
Listinn er tekinn saman af Eymundsson
1 Engin heimilisgyðja
Sophie Kinsella
2 Handbók fyrir ofurhetjur 7
Elias/AgnesVahlund
3 500 mílur frá mér til þín
Jenny Colgan
4 Sumar í strandhúsinu
Sarah Morgan
5 Elskhuginn
Helene Flood
6 Að leikslokum
Mohlin & Nyström
7 Kennarinn sem fuðraði upp
Bergrún Íris Sævarsdóttir
8 Hvað er drottinn að drolla?
Auður Haralds
9 Liðin tíð
Lee Child
10 Hanni granni dansari
Gunnar Helgason
1 Handbók fyrir ofurhetjur 7
Elias/AgnesVahlund
2 Kennarinn sem fuðraði upp
Bergrún Íris Sævarsdóttir
3 Hanni granni dansari
Gunnar Helgason
4 Risasyrpa – fjallaklifur
Disney
5 Stúfur fer í sumarfrí
Eva Rún Þorgeirsdóttir
6 Múmín mallakútur 1, 2, 3
Tove Jansson
7
Sjóræningjarnir eru
að koma!
John Condon/Matt Hunt
8 Sveitahljóð – bók með hljóði
9 Martröð á netinu
Rakel Þórhallsdóttir
10
Lærðu að skrifa – þrauta-
bók með límmiðum
Martin Wildmark
Allar bækur
Barnabækur
Síðasta bók sem ég las var bókin
Skegg Raspútins eftir Guðrúnu
Evu Mínervudóttur. Bókin var gjöf
og því hafði hún aukalega merk-
ingu fyrir mér. Hún var lesin í
nokkrum lotum. Bókin er að
mörgu leyti óvenjuleg; þung en
einnig glaðvær. Óhætt að mæla
með henni og stefnt á að kaupa
grænmeti í Kinn við
fyrsta mögulega
tækifæri hjá Ljúbu
og Hlyni.
Næstu bækur
sem ég stefni á að
lesa eru Etýður í
snjó og Sendiboð-
inn eftir Yoko Ta-
wada, báðar í þýðingu Elísu Bjarg-
ar Þorsteinsdóttur. Þær eru á
náttborðinu. Almennt falla nátt-
borðsbækurnar mínar í aðra af
tveimur kategóríum: Þær sem
safna ryki og þær sem klárast. Það
hefur verið markmið undanfarið
að kynna sér japanskar bók-
menntir og japanska höfunda og
yfirleitt hef ég náð settum mark-
miðum. Það kemur því ekki til
greina að þær falli í rykflokkinn.
Það er ekki einfalt að svara því
hvaða bók er uppáhaldsbókin.
Bækur hafa nefnilega margvíslegt
gildi. Fyrir utan gildi textans sjálfs
hafa bækur fagurfræðilegt gildi af
ýmsum toga, sumar bækur geta
verið í uppáhaldi vegna mynd-
skreytinga og aðrar tengjast sér-
stökum minningum – jafnvel af
fólki sem er manni kært – og geta
verið í uppáhaldi vegna þess. Eðli
bóka er margvíslegt þannig að
maður þyrfti að velja uppáhalds-
bók úr nokkrum flokkum til að
gera þessari spurningu almenni-
lega skil.
Ég ætla hins vegar að nefna sér-
staklega bókina Hundrað ára ein-
semd eftir Gabriel García Márq-
uez sem ég las fyrir rúmum 20
árum. Ég hef oft í lífinu hætt að
lesa bók eða bækur sem ekki hafa
náð mér. Hundrað ára einsemd er
hins vegar eina bókin sem ég hef
tekið meðvitaða ákvörðun um að
klára ekki því mér
fannst hún það góð,
það gaman að lesa
hana að ég valdi að
sleppa endinum.
Ætla í lokin að
játa að fyrir ein-
hverjum árum átti
ég í vandræðum
með að tileinka mér orðið „ynd-
islestur“, fannst það hljóma eins
og refhvörf. Síðan hefur maður
skilið að lestur er margbreyti-
legur, maður er alltaf að vinna
með lestur í ólíkum aðstæðum.
Hann, þ.e. það hvernig maður les,
breytist líka með aldrinum, með
reynslu og öðrum sjónarhornum.
Kannski myndi mér þykja minna
til Hundrað ára einsemdar koma
en mér þótti fyrir áratugum. Nú-
orðið les ég til að mynda meira af
ljóðabókum en ég gerði. Það er
eitthvað við bækurnar, texta og
orð sem höfðar meira til mín,
hentar mínum lestraraðstæðum
betur en þá. Ætla því að enda pist-
ilinn á að segja að sú íslenska
„bók“ sem er í mestu uppáhaldi
hjá mér er ljóðatímaritið Ský nr. 1
frá 1990 sem Óskar Árni Ósk-
arsson og Jón Hallur Stefánsson
ritstýrðu. Þýðingar þeirra á kvæð-
um eftir Brautigan og Cortázar
náðu mér fyrir margt löngu.
Mögulega voru það kvæðin sem
beindu manni inn á þessa braut.
HJÁLMAR STEFÁN ER AÐ LESA
Valdi að sleppa endinum
Hjálmar Stefán
Brynjólfsson er
lögfræðingur
og músíkant.
Eftirlætisbjáni almættisins