Norðurslóð - 21.04.2022, Blaðsíða 6

6 – Norðurslóð
K- listi Dalvíkubyggðar, óháð framboð
1. Helgi Einarsson, framkvæmdastjóri
2. Katrín Sif Ingvarsdóttir, uppeldisfræðingur og umsjónarkennari
3. Gunnar Kristinn Guðmundsson, bóndi
4. Haukur Arnar Gunnarsson, viðskiptastjóri
5. Elsa Hlín Einarsdóttir, kennari og kennsluráðgjafi.
6. Friðjón Árni Sigurvinsson, ferðamálafræðingur
7. Jolanta Krystyna Brandt, verslunarstjóri
8. Snæþór Arnþórsson, sjúkraflutningamaður og atvinnurekandi
9. Nimnual Khakhlong, fisktæknir
10. Gunnlaugur Svansson, framkvæmdastjóri
11. Kristjana Arngrímsdóttir, Tónlistarkona og söngkennari
12. Emil Júlíus Einarsson, forstöðumaður íþróttamiðstöðvar og málari
13. Þorvaldur Eyfjörð Kristjánsson, aðstoðarskólastjóri
14. Elín Rósa Ragnarsdóttir, sjúkraliði
Í nýjum samþykktum
Dalvíkurbyggðar er nefndakerfi
sveitarfélagsins einfaldað og ráðum
fækkað, sameiginleg ákvörðun
allra flokka í sveitarstjórn. Það
hefur í för með sér að umhverfis-
og landbúnaðarmál verða til
umfjöllunar í einu sameinuðu
umhverfisráði. Íþrótta-, æskulýðs
og menningarmál verða í einu ráði
og undir byggðarráð falla atvinnu-
og kynningarmál.
Landbúnaðarráð hefur lýst
áhyggjum sínum af að rödd
landbúnaðarins týnist í þessum
breytingum. Sömu raddir komu
fram í menningarráði. Þess þarf að
gæta við kjör í ráðin eftir kosningar
að raddir mismunandi hópa heyrist.
Við skipan í nefndir að loknum
kosningum þurfa framboðin þrjú
að hafa samvinnu að leiðarljósi og
tryggja að breið þekking sé innan
hvers ráðs á þeim málefnum sem
undir það heyra.
Dalvíkurbyggð er mjög gott
atvinnusvæði og fyrirtæki hér
öflug í frumvinnslugreinum
sem eru undirstaða fæðuöryggis
þjóðarinnar.
Bændur byggðarlagsins hafa
undanfarin ár verið duglegir við að
uppfæra starfsemi sína til nútímans,
landbúnaðurinn er sterkur og
nýliðun gengur vel. Störf þeirra
hafa vakið athygli víða og ýmsar
viðurkenningar fallið þeim í skaut
á landsvísu.
Byggðin í sveitunum er blómleg
og aðgengi til bænda yfirleitt
gott. Vegamál í dölunum hafa á
kjörtímabilinu verið ofarlega í
huga fráfarandi sveitarstjórnar því
þar þarf verulega að taka á málum.
Á þingmannafundum hafa þessi
mál alltaf verið til áminningar
síðastliðin ár.
Reglulegir samráðsfundir hafa
verið haldnir með Vegagerðinni
til að þrýsta á um vegabætur.
Samvinna við Vegagerð hefur verið
með ágætum og núna í lok þessa
kjörtímabils gerum við okkur vonir
um hægt verði að hefja
framkvæmdir við bundið slitlag
í Svarfaðardal á næsta kjörtímabili.
Næsta sveitarstjórn þarf að
halda áfram þessari baráttu, tryggja
að áætlanir standist og að bundið
slitlag í Skíðadal fylgi í kjölfarið.
Kosningar eru fram undan
og B-listi Framsóknar- og
félagshyggjufólks býður fram
reynslumikið og áhugasamt fólk
til starfa fyrir sveitarfélagið. Við
viljum halda áfram að berjast
fyrir bættum hag sveitarfélagsins
og óskum eftir þínum stuðningi í
kosningunum þann 14. maí nk.
X B - Áfram veginn.
Katrín Sigurjónsdóttir
sveitastjóri, oddviti B-lista.
B-listi Framsóknar- og félagshyggjufólks - Áfram veginn.
Unga fólkið á B-listanum, til áhrifa fyrir framtíð Dalvíkurbyggðar.
• Ráðdeild og hagsýni í rekstri. Lækka hlutfall rekstrargjalda af rekstrartekjum og auka þannig fjármagn
til framkvæmda.
• Leggja áherslu á samstarfsmenningu allra hagsmunaaðila í skólasamfélaginu með skapandi og
gagnrýna hugsun í forgrunni. Innleiðingu nýsamþykktrar menntastefnu sveitarfélagsins verði fylgt
eftir.
• Velferðartækni sé í auknum mæli nýtt í félagsþjónustu. Leita samstarfs við félagssamtök til að rjúfa
félagslega einangrun fólks á öllum aldri.
• Menningar- og íþróttalíf í sveitarfélaginu blómstri og sveitarfélagið styrki starfsemina áfram í formi
samstarfssamninga við félögin. Dalvíkurbyggð sé heilsueflandi samfélag.
• Haldið verði áfram framkvæmdum og viðhaldi göngustíga í sveitarfélaginu sem og langtímaverkefninu
„göngu-/hjólastígur Dalvík-Akureyri“ meðfram lagningu Dalvíkurlínu 2 í jörð.
• Vinna við deiliskipulag nýs íbúðahverfis á Dalvík hefjist sem fyrst. Einnig verði unnið deiliskipulag
fyrir frekari íbúðabyggingarlóðir á Árskógssandi.
• Ljúka athugunum á kostum smávirkjunar á Brimnesdal og er stefnan sett á að reisa virkjun sem tryggir
sjálfbærni sveitarfélagsins í raforku.
• Samstarf við Norðurorku um rannsóknir á heitu vatni og orkuöflun til framtíðar.
• Fylgt eftir uppbyggingu og framþróun hafnanna. Markaðsátak í samvinnu við hagsmunaaðila
hafnanna verði áhersluverkefni í upphafi kjörtímabils.
• Áfram verði þrýst á Vegagerðina og þingmenn um vegabætur í dölunum og að áætlanir um bundið
slitlag í Svarfaðardal á næsta kjörtímabili gangi eftir. Í framhaldinu komist bundið slitlag í Skíðadal
á áætlun.
Nokkur helstu stefnumál B-lista fyrir komandi sveitarstjórnarkosningar:
Þorsteinn Ingi Ragnarsson Kristín Kjartansdóttir Eiður Smári Árnason
Katrín Sigurjónsdóttir
Framboðin kynna sig
og sína
Sveitarstjórnarkosningar verða haldnar þann 14. maí
næstkomandi. Þrjú framboð bjóða fram í Dalvíkurbyggð
að þessu sinni þ.e. B listi framsóknar og félagshyggjufólks,
K- listi Dalvíkurbyggðar, óháð framboð og D listi
Sjálfstæðisflokks og óháðra í Dalvíkurbyggð. Til að gæta
fyllsta hlutleysis var öllum framboðum boðið að kynna sig og
sitt fólk á síðum Norðurslóðar sem þau þáðu með þökkum.