Norðurslóð - 21.04.2022, Blaðsíða 7

Norðurslóð – 7
Framboð X-D og óháðra hefur
sett sér það markmið að horfa til 12
ára í framsetningu á stefnumálum
sínum. Við teljum að Dalvíkurbyggð
eigi mikið inni og að spennandi
tímar séu framundan. Við höfum
gefið það út að ef Freyr Antonsson,
Sigríður Jódís Gunnarsdóttir og
Katrín Kristinsdóttir verða kjörin
í sveitarstjórn þá muni oddvitinn
sækjast eftir starfi sveitarstjóra.
Leikskólinn er fyrsta skólastigið,
við viljum gera hann gjaldfrjálsan
frá 08:00-13:30 frá september –
maí. Gjaldskylda verði á dvöl barns
fyrir kl. 08:00, eftir kl. 13:30 og
frá júní til ágúst. Aukið verði við
frelsi foreldra og starfsfólks til
sumarfrítöku.
Dalvíkurskóli er mjög mikilvæg
stofnun í okkar samfélagi. Við
viljum vinna að því með starfsfólki
að þar séu góð starfsskilyrði, sátt og
góður starfsandi.
Uppbygging á Árskógsströnd
helst í hendur við áframhaldandi
rekstur Árskógarskóla. Við sjáum
fyrir okkur vöxt í íbúafjölda og
þar gegnir leik og grunnskóli
Árskógarskóla lykilhlutverki.
Höldum áfram að samþætta
þjónustu við eldri borgara. Eflum
þjónustu og forvarnir þannig að
fólk geti búið sem lengst á sínu
heimili.
Vinnu verði áframhaldið
í deiliskipulagi við Dalbæ.
Heilbrigðisráðherra hefur sett
fram áætlun um uppbyggingu
hjúkrunarheimila. Við munum beita
okkur fyrir fjölgun rýma, á eða við
Dalbæ.
Aðalskipulag Dalvíkurbyggðar
er í endurskoðun sem gefur okkur
færi á að þróa íbúabyggð og
landnýtingu um allt sveitarfélagið.
Sett verði inn svæði fyrir fjögur
10-20 húsa hverfi í samvinnu við
landeigendur, að Hamri, vestan
megin í Svarfaðardal, innarlega
í Svarfaðardal og Skíðadal.
Fyrirmyndin er hverfið Laugahlíð
ofan Húsabakka. Skilgreinum
hvar við viljum byggja upp
útivistarsvæði, göngustíga,
iðnaðarsvæði, friðun, vernd
ræktarsvæða eða skógrækt. Í
kjölfarið á samþykkt aðalskipulags
verði strax farið í deiliskipulag
svæða. Deiliskipuleggjum nýtt
íbúðasvæði á Dalvík, Árskógssandi
og á Hauganesi.
Uppsetning hverfisráða og
dreifbýlisráða íbúa. Íbúar hafa bestu
yfirsýn á sitt nærumhverfi. Ráðin
séu tengiliður íbúa við starfsfólk
Dalvíkurbyggðar, nefndir og ráð.
Þjónustuupplifun íbúa,
starfsfólks og gesta. Greining
á núverandi stöðu, hvað er
starfsfólkið að segja, hvað eru íbúar
að segja, hvaða greiningar eru til
staðar í dag? Hvernig bætum við
þjónustuna? Hvernig gerum við
hana skilvirkari?
Aukum enn frekar gagnsæi í
stjórnsýslunni. Birtum gögn sem
liggja til grundvallar ákvörðunum
í nefndum ef ekki hvílir á
því trúnaður. Bein útsending
frá sveitarstjórnarfundum
og íbúafundum á vegum
sveitarstjórnar.
Bundið slitlag inn Svarfaðardal
og Skíðadal. Hitaveita verði lögð
inn dalina. Þurfum að fjölga
notendum, við leitum því eftir
samvinnu við landeigendur.
Átak í öryggismálum hafna.
Skilgreinum notendur, förum yfir
ferla þjónustu og markaðssetjum
hafnirnar. Landfylling frá Lóð
Samherja og norður að Sæplast.
Landfylling neðan Sandskeiðs
fyrir iðnað eða íbúðabyggð.
Deiliskipuleggjum hafnarsvæðin á
Árskógssandi og Hauganesi.
Svæðið milli gamla frystihúss
og Norður sé skipulagt og lagað
með aðstöðu fyrir bílastæði og
stóra viðburði. Samvinna milli
Vegagerðar, framkvæmdasjóðs
ferðamannastaða og
Dalvíkurbyggðar.
Menningarráð starfi áfram með
því hlutverki meðal annars, að
fylgja eftir úttekt á gamla skóla sem
safnamiðstöð og áætluðum kostnaði
við uppbyggingu. Ráðið skoði
einnig aðrar leiðir til uppbyggingar
fyrir safnamiðstöð í samvinnu við
starfsfólk menningarstofnana.
U p p b y g g i n g a r á æ t l u n
íþróttamannvirkja sé uppfærð.
Hvert viljum við stefna í
íþróttamálum? Er frekari samvinna,
samnýting eða sameining möguleg
milli íþróttafélaga í Dalvíkurbyggð?
Dalvíkurbyggð verði sjálfbært
samfélag og til fyrirmyndar í
umhverfismálum.
Hvetjum enn frekar til flokkunar,
eflum fræðslu og upplýsum íbúa
hvert úrgangurinn fer.
Grenndargámar á þéttbýlis-
stöðum í samvinnu við ný hverfis
og dreifbýlisráð.
Endurvinnslustöðin sé opin 8-17
alla daga.
Þróum deilihagkerfi í samvinnu
við bókasafn, bændur og íbúa.
Hverju getum við deilt á milli
okkar. Þurfum við að eiga öll tæki,
föt, búnað eða verkfæri?
Matarhandverk í samvinnu við
bændur og áhugafólk. Getum við
aðstoðað við uppsetningu?
Uppbygging og sókn í
Dalvíkurbyggð er það sem við
brennum fyrir. Við ætlum að vinna
nær samfélaginu okkar til heilla og
þess vegna gefum við kost á okkur.
Við gerum okkur grein fyrir að
Sjálfstæðisflokkurinn er umdeildur
eins og aðrar stjórnmálahreyfingar.
Við viljum þó að allir horfi til þess
sem við og okkar framboð stendur
fyrir. Að við sem einstaklingar séum
þess verðug að fá að starfa fyrir þig
og íbúa Dalvíkurbyggðar án þess
að við séum merkt umdeildum
ákvörðunum eða jafnvel mistökum
sem aðrir hafa gert. Við treystum á
þitt atkvæði og vonum að við fáum
að starfa í þínu umboði.
Við stefnum á opna fundi um
allt sveitarfélag á næstunni. Opnir
fundir eru einnig að Hafnarbraut
22 á Dalvík, miðvikudaga og
laugardaga frá kl. 17:00-18:00.
Allir velkomnir.
Kæri íbúi,
Ég heiti Gunnar Kristinn og er
starfandi bóndi í Svarfaðardal, þar
sem ég bý ásamt unnustu minni
og tveimur börnum okkar. Ég er
stoltur að vera hluti af þessum
efnilega og fjölbreytta hóp sem
K-listinn er, en hann nær ótrúlegri
breidd í samfélaginu okkar. Sem
við teljum afar mikilvægt til að
geta fyllilega gert okkur grein fyrir
hagsmunum og þörfum sem allra
flestra í Dalvíkurbyggð.
Partur af okkar stefnu er að
lofa ekki of miklu, en reyna eftir
fremsta megni og fjárhag að gera
sem mest á skynsamlegan máta.
Það eru mikil forréttindi að búa í
svona góðu sveitarfélagi með öflugt
atvinnulíf og mikla fjölbreytni. Við
þurfum að nýta þessi tækifæri sem
við höfum og auðga það sem er
nú þegar í gangi til að efla atvinnu
og búsetuskilyrði. Að mörgu er að
hyggja, þótt margt sé í góðu standi
þá er alltaf hægt að gera betur.
Okkar helstu áherslur eru
fagmennska, vönduð vinnubrögð
og aðhald í fjármálum. Meðal þeirra
mála sem ég vill sjá breytingar á
eru:
- Vegamál í sveitarfélaginu
- Tryggja öruggt vatn í
framdalina
- Heimgreiðslur til foreldra
sem kjósa að hafa börnin sín heima
til 2 ára aldurs
Ég og við gætum lofað öllu
fögru en við teljum það allra hag
að láta verkin tala og óskum eftir
trausti kjósenda til þess, öll viljum
við breyta sveitarfélaginu okkar til
hins betra. En til þess þarf aukið
fjármagn svo ein af aðaláherslum
okkar verður að fara í gegnum
fjármál og laga það sem betur má
fara svo hægt sé að halda áfram
að byggja upp eftirsóknarverðan
búsetustað.
Umfram allt viljum við biðja
ykkur að nýta ykkur kosningaréttinn
ykkar, mætum á kjörstað.
Það er kominn tími á breytingar
og því bið ég þig kæri kjósandi að
setja X við K.
Gunnar Kristinn Guðmundsson,
Göngustöðum Svarfaðardal
3. sæti á K-listanum
Kæri kjósandi.
Ég heiti Helgi Einarsson og er
fæddur og alinn upp í Hafnarfirði.
Þegar ég var við nám á Hvanneyri
kynntist ég konunni minni, henni
Helgu Írisi, og elti hana norður til
Dalvíkur. Það sem átti að vera eitt
ár til reynslu á Dalvík eru nú orðin
15 og ég vil hvergi annars staðar
vera. Við Helga eigum fjögur börn
og höfum ásamt öðrum hjónum
rekið veitingastaðinn Norður og séð
um skólamat fyrir Dalvíkurbyggð
undanfarin ár. Þar áður rákum við
Basalt bistro í Bergi og þar áður var
ég verslunar- og útibússtjóri Olís á
Dalvík í sjö ár.
Ég fer fyrir K- lista Dalvíkur-
byggðar sem er nýtt óháð
framboð til sveitarstjórnar-
kosninga og er ekki tengt neinum
stjórnmálaflokkum. Á listanum
er fjölbreyttur hópur kraftmikils
fólks sem hefur það að leiðarljósi
að vinna að heilindum og metnaði
fyrir íbúa Dalvíkurbyggðar.
Okkur öllum þykir vænt
um sveitarfélagið okkar,
Dalvíkurbyggð. Það er mjög
mikilvægt að sveitarfélagið þróist
og dafni í takt við þarfir íbúa
sinna. Menntun, atvinna, umönnun,
þjónusta og allt það skemmtilega
tengt frítímanum er grundvöllur
þess að allir séu glaðir, sama hvar
á lífsskeiðinu maður er. Það er
gríðarlega mikilvægt að hlúð sé að
öllum þessum þáttum af metnaði
og umhyggju. Helsta ástæða þess
að ég ákvað að bjóða mig fram fyrir
K-lista Dalvíkurbyggðar er sú að
mig langar til að hafa jákvæð áhrif
á samfélagið okkar og gera það enn
kröftugra og betra.
Við hjá K-listanum göngum
óbundin til kosninga og sjáum
fyrir okkur að ráða eða auglýsa
eftir sveitarstjóra. Þannig gæti
Dalvíkurbyggð núna í fyrsta sinn
ráðið ópólitískan sveitarstjóra sem
hefði þekkingu og reynslu af rekstri
og mannauðsmálum.
K-listinn vill efla íbúalýðræði,
bæta upplýsingaflæði og halda
oftar íbúafundi um þau málefni
sem brenna á fólki. Við viljum vera
meðal íbúa sveitarfélagsins til að
efla samfélagið og hlusta á raddir
íbúanna.
Við á K-listanum viljum auka
til muna gæði í mannauðsmálum
sveitarfélagsins. Við viljum auka
starfsánægju meðal starfsfólks
sveitarfélagsins með því að skapa
ferla þar sem tekið er faglega á
starfsmannamálum, ráðningum,
starfslokum og alls annars.
Við teljum mikilvægt að efla
stjórnendur á öllum sviðum og
stofnunum þannig að hið frábæra
starfsfólk Dalvíkurbyggðar nýtist
sem best og gangi glatt til starfa.
Okkur er einnig mjög umhugað um
að fjármunir nýtist sem best og að
peningunum sé forgangsraðað rétt.
Setja þarf kraft í áætlanir sem
gera sveitarfélaginu kleift að
vaxa og stuðla að aukningu íbúa
í sveitarfélaginu. Huga þarf að
ímyndarmálum Dalvíkurbyggðar,
fara í vinnu við stefnumörkun fyrir
sveitarfélagið og verða dugleg við
að gera jákvæðu hlutunum hátt
undir höfði. Öll slík vinna skilar
sér í sterkara og samheldnara
samfélagi, kraftmeiri fyrirtækjum,
fjölgun starfa og eftirsóknarverðari
stað til að búa á eða heimsækja.
Endurskoðun aðalskipulags fyrir
Dalvíkurbyggð ætti að nota betur
til allrar stefnumörkunar auk
allra annarra áætlana er varða
umhverfis- og samfélagsmál.
Við þurfum líka alltaf að huga að
því hversu landfræðilega stórt
og fjölbreytt sveitarfélagið okkar
er, búsetukostir fjölbreyttir og
þarfirnar mismunandi, og hlúa að
því öllu. Fjölbreytnin er okkar
styrkur.
Stefnuskrá K-listans er enn í
vinnslu en verður kláruð á næstu
dögum. Við erum á facebook
og instagram sem K-listi
Dalvíkurbyggðar og þar er hægt að
fylgjast með öllu okkar starfi.
Við hjá K-listanum vonumst
eftir að þú kjósandi góður hafir trú á
okkur til þess að fara í þá hluti sem
þarf að laga og reka sveitarfélagið
okkar þannig að sem flestir séu
glaðir og stoltir af því.
Setjum X við K á kjördag.
Helgi Einarsson
Oddviti K-lista Dalvíkurbyggðar
K listi Dalvíkurbyggðar, óháð framboð
Málefnafundur á Rimum með
K-lista Dalvíkurbyggðar verður mánudaginn 25. apríl
kl 20:00.
Verið velkomin.
D listi Sjálfstæðisflokks og óháðra - Sköpum fjölskylduvænt samfélag
Fv. Katrín, Freyr, Sigríður og Jóhann
Helgi Einarsson
Gunnar Kristinn Guðmundsson