Sjómannablaðið Víkingur - 01.03.2015, Qupperneq 43

Sjómannablaðið Víkingur – 43
Núna á því herrans ári 2015 eru enn 14 Trabantar á númerum
hér á landi sá elsti árgerð 1962 fluttur til landsins á árinu 2005
en sá yngsti árgerð 1991 eða frá síðasta framleiðsluárinu. Einn
hinna stoltu Trabant eigenda er Halldór Gíslason, vélfræðingur.
Hann segist hafa keypt Trabantinn árið 1987 þá þriggja mánaða
tjónabíl, gert hann upp og notað sem fjölskyldubíl allt til ársins
1990 en þá eftirlét hann syni sínum bílinn sem nýtti hann, öll
skólaárin 10, að hætti ungra manna, eða út árið 2000. Þá var
honum lagt en á árinu 2004 fór hann aftur í yfirhalningu hjá
Halldóri og er núna í fínu standi vestur í Súðavík þar sem hann
er nýttur af Halldóri og fjölskyldu þegar þar er dvalist.
Þriðjungur enn á skrá
Í töflunni koma fram ýmsar gagnlegar upplýsingar um skipin 18
sem afhent voru á tímabilinu des. 1964-okt. 1967, sem nemur
um 34 mán., eða tæpa 2 mán. pr. skip. Fyrstu tvö skipin komu
til landsins 18. des. 1964, þau Krossanes SU sem í dag ber nafnið
Glófaxi VE og er elst þeirra. Hitt var Halkion VE sem seldur var
úr landi í apríl 1975.
Í dag eru 6 þessara skipa, eða þriðjungurinn, enn á skrá nú
um 50 ára gömul sem hlýtur að teljast nokkuð góð ending, en 12
eru horfin af skrá, sum úreld en önnur seld úr landi til nýrra ver-
kefna. Meðalaldur þeirra, hér á skrá, var um 26 ár eða ríflega
hálfur aldur þeirra sem eftir eru á skrá. Skipin báru 92 nöfn eða
góð 5 að meðaltali. Flest Þorsteinn RE eða 11. Eigendaskipti
voru 120 , þ.e. hvert skip skipti að meðaltali tæplega 7 sinnum
um eiganda. Þar hefur Þorsteinn RE líka vinninginn, alls 15
eigendur.
Um var að ræða tvær megin gerðir skipanna. Fyrstu 12 skipin
voru hefðbundin þ.e. með þilfarshús og tvo ganga sb-og bb-
megin. Síðustu 8 skipin, stjörnumerkt í töflunni, sem afhent voru
á árinu 1967 voru um 80 sm lengri með þilfarshúsið byggt út í
síðu bb megin og skipstjóraklefann aftast í
þilfarshúsinu í stað aftan við kortaklefann;
jafnframt var sb-gangurinn breikkaður.
Eftir sömu megin teikningu Hjálmars
Bárðarsonar, HRB 54, voru á sama tíma
smíðuð fimm skip, tvö í Noregi og þrjú í
Hollandi. Töflunni hér að neðan eru hlið-
stæðar upplýsingar um þau og austur-
þýsku skipin
Norsku skipin voru bæði sömu lengdar
32,40 m, knúin Lister Blacstone aðal-
vélum, í Sveini 660 hö en í Verði 800 hö.
Hollensku skipin voru sömu lengdar
við afhendingu og fyrstu skráningu 31,7 m
en strax á árinu 1967 var Óskar lengdur
um 4,4 m. í 36,10 m. Öll voru þau
knúin 625 hö aðalvél frá Kromhaut sem er hollenskur framleið-
andi.
Gjafar strandaði í innsiglingunni til Grindavíkur á útleið 22
febrúar 1973 eftir að hafa landað þar loðnufarmi. Mannbjörg
varð en skipinu varð ekki bjargað, það eyðilagðist á strandstað.
Eina skipið, af þessum fimm, sem enn er hér á skrá er Sveinn
Sveinbjörnsson, nú um 50 ára gamalt, sem nú heitir Sigurborg
SH-12 og er í eigu Soffaníasar Cecilssonar h.f. Grundarfirði.
Samkvæmt upplýsingum frá skipstjóra skipsins, Ómari Þor-
leifssyni er litið eftir af upphaflega skipinu annað en skrokkurinn
og manna íbúðir. Allur vélbúnaður er nýr, brú og afturskip.
Meðalaldur skipanna hér á skrá er tæp 33 ár og meðal nafna-
fjöldinn, góð 4 nöfn pr. skip. Sigurborg SI bar flest nöfn eða 7.
Eigendaskipti skipanna voru góð 5 að meðaltali þar hefur Sigur-
borg líka vinninginn með 9 eigendur á sínum um 50 ára skrán-
ingartíma. Samkvæmt upplýsingum í Þjóðviljanum 9. des. 1964
kostuðu austur-þýsku skipin 11,5 milljónir. Þau hollensku munu
hafa verið um hálfri milljón dýrari og þau norsku voru á svipuðu
róli.
Línuveiðarinn Sighvatur GK sem á 7. áratugnum, þegar hann kom til landsins, hét Bjartur
NK. Hér er hann orðinn allt annað skip, lengri, með nýja brú, yfirbyggingu og skut, að
ógleymdum vélbúnaðinum sem er heldur betur búið að uppfæra eins og reyndar flest ef
ekki allt annað um borð.
Vertíðarbáturinn Saxhamar SH-50, áður Hrafn Sveinbjarnarson GK-255. Búið
er að breyta bátnum mikið frá upphaflegri gerð og lengja, setja á hann nýja
brú, yfirbyggingu og skut. Og þótt það sjáist ekki á myndinni þá er vélarrúmið
einnig orðið allt annað.
Noregur, Hommelvik
Skr.nr. Nafn Umd. nr. Skráður Afskr. Afdrif Lokanafn N/Eig. Aldur
1019 Sveinn
Sveinbjörnsson NK-55 nóv. ´66 á skrá Sigurborg SH-12 3/7 49,5
Freyja RE-38, Sigurborg AK-375/KE-375/HU-100/VE-121
1042 Vörður ÞH-4 maí ´67 nóv. ´07 Danm., brotajárn Vörður ÞH-4 1/1 39,5
Holland, Saandam og Scheven
240 Gjafar VE-300 maí ´64 feb. ´73 strandaði Gjafar VE-300 1/1 7,8
962 Óskar Halldórsson RE-157 okt. ´64 apr. ´15 afskráður Óskar RE-157 5/6 50,5
Gestur SU-160, Votaberg SU-10, Aldey ÞH-380, Óskar-ÞH-380
980 Sigurborg SI-275 mars ´65 nóv. ´04 Danm. Brotajárn Stafnes KE-130 7/9 39,7
Freydís AK-275, Hrönn VE-366, Andvari VE-100/ÁR-107, Friðrik Sigurðsson ÁR-107/ÓF-30, Sigurfari ÓF-30
Halldór Gíslason er stoltur Trabant-eigandi.