Mosfellingur - 01.04.2021, Blaðsíða 36

Sendið okkur myndir af nýjum Mos-
fellingum ásamt helstu upplýsingum á
netfangið mosfellingur@mosfellingur.is
Í eldhúsinu
Við eigum
aðeins eitt
Vandamál
Ef við myndum bara muna að við erum
öll Eitt þá er ég viss um að öll heimsins
vandamál myndu gufa upp. Það trúa
auðvitað ekki allir að við séum eitthvað
stærra og meira, handan formsins, og ég
ætla ekki að reyna að sannfæra neinn um
það. Enda er það óþarfi, punkturinn minn
stendur óháð því.
Ok. Ef við ímyndum okkur að ALLIR
væru meðvitaðir um að einstaklingur
hinum megin á hnettinum geti komið af
stað atburðarrás, sem ferðast yfir haf og
lönd og hefur áhrif á alla jarðarbúa - þá
myndum við 100% haga okkur öðruvísi.
Það fæst eflaust ekki skýrara dæmi en
raunveruleiki okkar í dag! Heimsfarald-
urinn sannar að þrátt fyrir hvað við erum
ótrúlega mörg þá erum við nátengd. Þótt
við séum í hvert í sínum líkamanum þá
erum við ekki raunverulega aðskilin – við
erum öll fljótandi í sömu súpunni. Allt
sem við gerum hefur einhver áhrif á alla
aðra. Við erum Eitt.
Allt það sem ég geri hefur keðjuverk-
andi áhrif sem endar alltaf á að koma til
baka til mín. Nú geng ég út frá því að innst
inni hljóti allir að vilja upplifa frið, vellíð-
an, hamingju, velgengni og ást á sjálfum
sér, öðrum og lífinu. Er þá ekki slæmt fyrir
mig að koma illa fram við aðra? Er þá ekki
best fyrir mig að koma vel fram við alla,
borga fólki mannsæmandi laun og ganga
ekki of hart á auðlindir náttúrunnar? Því
ef ég stuðla að eymd fólks og þjáningum
náttúrunnar þá verður til meiri vanlíðan
á Jörðinni okkar þar sem ég einmitt bý?
Væri ekki galið af mér að trúa að neikvæð
háttsemi mín myndi ekki koma í bakið á
mér með einum eða öðrum hætti?
Ójafnvægið sem við sjáum í heiminum í
dag er afleiðing þess að mannkynið hefur
trúað svo lengi á aðskilnað sem leiðir til
samkeppni og býr til ímyndaðan skort á
auðlindum og ýmsum hlutum sem við
teljum okkur þurfa. En í raun er nóg pláss
fyrir alla (bæði til þess að búa og fá að vera
þeir sjálfir) og nægar auðlindir til þess að
öllum líði vel. Ef við gætum bara breytt
þessu hugarfari þá yrðu allir öryggir,
við myndum deila mat og auðlindum og
enginn þyrfti að berjast fyrir samþykki eða
eigin tilverurétti!
Hugarfarsbreytingin byrjar innra með
mér og þér, enda höfum við ekki raun-
verulegt vald yfir neinum nema okkur
sjálfum. Ef við förum að hugsa og haga
okkur eins og við séum öll Eitt munum
við í sameiningu á endanum fella tjald
hins ímyndaða aðskilnaðar og útrýma
þjáningu.
Þvílíkur máttur sem við höfum.
Freyja og Tómas Þór skora á Sverri og Hrefnu að deila næstu uppskrift
Freyja Ágústsdóttir og Tómas Þór
Þorsteinsson deila hér með okkur
girnilegri uppskrift af kjötbollum
Hráefni:
• 600 gr nautahakk
• 4 sneiðar beikon
• 1 dl saxaðar döðlur
• 1 dl rifinn ostur
• 1 egg
• 2 dl matreiðslurjómi
• 1 teningur nautakraftur
• salt & pipar
6-8 Kartöflur
Olía
Salt & pipar
Aðferð:
1: Skerið kartöflur í báta og setjið í
eldfast mót, veltið upp úr olíu, salti
og pipar. Bakið við 180 gráðu hita í u.þ.b.
40 mínútur.
2: Nautahakk, beikon, döðlur, ostur og
egg er sett í skál. Öllu blandað saman og
kryddað með salti og pipar eftir smekk.
Litlar bollur mótaðar með höndunum.
3: Hitið olíu á pönnu og steikið bollurnar á
öllum hliðum, færið síðan í eldfast mót og
bakið á 180 gráðu hita í 12-15 mínútur (eða
þar til bollurnar eru eldaðar í gegn).
4: Matreiðslurjóma er hellt út á pönnuna
sem kjötbollurnar voru steiktar á og
nautakraftur settur út í, látið sjóða svo
krafturinn leysist upp. Þegar bollurnar eru
teknar úr ofninum er þeim hellt à pönnuna
og velt upp úr sósunni og síðan borið fram
með kartöflubátum.
 Verðiykkuraðgóðu!
svanhildur
steinarrs
Kjötbollur með beikoni og döðlum
Sendið okkur myndir af nýjum
Mosfellingum ásamt helstu
upplýsingum á netfangið
mosfellingur@mosfellingur.is
hjá freyju og tómasi
Mímir Freyr Árnason fæddist í
Björkinni 16. júlí 2020. Hann fæddist
14 merkur og 51 cm. Foreldrar eru
Sigurlaug Lilja Jónasdóttir og Árni
Rúnarsson. Hann á einn bróður
sem heitir Hrafntýr Þór Árnason,
fæddur 2. des 2017.
heyrst hefur...
...að Ísólfur í Hlégarði sé orðinn nýr
umboðsmaður Bubba Morthens.
...að hljómsveitin Kaleo sé nú sú mest
spilaða af íslenskum tónlistarmönn-
um á Spotify eftir að hafa tekið fram
úr Of Monsters and Men.
...að Karen og Lexi eigi von á
tvíburum í sumar.
...að eigendur Brúneggja séu að stefna
RÚV og Matvælastofnun vegna
umfjöllunar um fyrirtækið fyrir
fjórum árum.
...að Allt Fasteignasala sé að hreiðra
um sig í Kjarnanum þar sem Íslands-
banki var eitt sinn.
...að Bjarki Bjarna sækist eftir 4.-5.
sæti í forvali VG í Suðvestur fyrir
Alþingiskosningarnar.
...að Hafrún og Þrándur eigi von á sínu
þriðja barni.
...að Davíð Gunnlaugs hafi á dögunum
verið valinn PGA golfkennari ársins
á Íslandi.
...að Skátarnir séu byrjaðir með
páskaáskorun á fellin.
...að búið sé að stofna rafíþróttadeild
innan Aftureldingar.
...að knattspyrnukonan Hafrún Rakel
hafi verið valin í landsliðshóp Íslands
fyrir næsta verkefni.
...að efnt hafi verið til samkeppni um
nafn á eldri deild Varmárskóla sem
brátt verður aðskilin frá þeirri yngri.
...að Jóhann Ingi og Sif Gunnars eigi
von á barni.
...að Mosfellsbær auglýsa nú eftir
skólastjórum í bæði Varmárskóla
og í Listaskólann.
...að maður hafi ógnað starfsfólki Mos-
fellsbæjar fyrir helgi og lögreglan
verið kölluð til. Öryggisvörður hefur
staðið vaktina síðan en þetta er ekki
í fyrsta skipti sem þetta gerist.
...að myndband af félögum úr blak-
deild Aftureldingar taka æfingu við
gosstöðvarnar hefur farið á mikið
flug um allan heim.
...að verið sé að stela gaskútum í
Leirvogstungu í skjóli nætur.
...að komin sé af stað páskaáskorun í
Tindaáskorun Mosverja.
...að rúmlega 100 hugmyndir séu
komnar í Okkar Mosó en skilafrestur
er til 6. apríl.
...að vestið hennar Laufeyjar hafi verið
brennt á galdrabrennu í kvenna-
partýi Hönnu Sím.
...að Heilsugæslan sé nú flutt í nýtt
húsnæði í Sunnukrikanum.
...að umsóknarfrestur sé til 23. apríl
fyrir krakka í unglingavinnuna í
sumar.
...að Svandís eigi afmæli í dag, 1. apríl.
...að næsti Mosfellingur komi út á
sumardaginn fyrsta.
...að fótboltastelpunum í Aftureldingu
séð spáð upp í Pepsi-deild í sumar ef
marka má ótímabæra spá .net.
mosfellingur@mosfellingur.is
- Heyrst hefur...36
Sveinbjörn Mar fæddist á Lands-
spítalanum þann 9. febrúar 2021.
Hann var 52 cm og 3960 gr.
Foreldrar hans eru þau Erla Snædís
Sveinbjörnsdóttir og Andri Mar
Björgvinsson en fyrir eiga þau
Áslaugu Öglu sem er þriggja ára.