Austurglugginn - 31.01.2002, Qupperneq 13

Fimmtudagur 31. janúar
AUSTUR • GLUGGINN - 13
Fögnum nýjum fjölmiðli
Þetta hafa verið erfiðir tímar ffá
því að Austri og Austurland hættu
að koma út reglulega. Ég hef haft
hálfgerð ónot vegna landshlutans
okkar því landshluti án héraðs-
íféttablaðs er ekki einsog við
viljum hafa hann. Það hefur svo
margt vantað, upplýsingar um ótal
hluti og umræður sem geta verið
upphaf svo margs. Auðvitað voru
gömlu blöðin okkar böm síns tíma
og líklega var kominn á þau tími
fyrir margt löngu. Við reyndum
samt að þrjóskast við og náðum
t.d. að gefa út 50 ára afmælisblað
Austurlands. En þessi blöð okkar
vom með pólitíska sögu og þess
vegna m.a. tókst aldrei að ná þeirri
útbreiðslu sem nauðsynlegt er fyrir
„alvöm" héraðsfféttablað á
Austurlandi.
Nú er fagnaðartími því komið
er út fyrsta tölublað Austur-
gluggans, fjölmiðils sem mikil
samstaða hefur myndast um og á
því að geta gert landshlutanum það
gagn sem hann á skilið. Þetta er
fjölmiðill sem mun af miklum
krafti taka þátt i fjölmiðlaumræðu
bæði með hefðbundinni blaðaút-
gáfu og netmiðli. Það er mikil-
vægt að vel takist til og þess vegna
hvet ég alla til að gerast áskrif-
endur og sýna þannig vilja sinn í
verki. Það er í raun eini mögu-
leikinn til þess að við eignumst
þann fjölmiðil sem okkur er svo
nauðsynlegur því lesendur blaðs-
ins verða bakhjarlinn sem ráða
mun öllu um framtið Austur-
gluggans.
Það er mér mikil ánægja að
hafa fengið tækifæri til að taka
þátt í undirbúningsstarfi vegna
útgáfúnnar og þannig getað lagt
mitt litla lóð á vogaskálar þessa
mikilvæga verkefnis. Ég er sann-
færður um að það starfsfólk sem
ráðið hefúr verið til starfa mun
halda merkinu hátt á lofti enda þar
á ferðinni fólk sem er fullt af
áhuga og atorku. Ég óska okkur
öllum til hamingju með nýjan og
öflugan fjölmiðil. Megi ferskir
vindar blása um Austurgluggann,
Austurlandi til heilla.
Einar Már Sigurðarson
r
Arnaðaróskir
Hér á árunum áður var blaðaútgáfa
víða blómleg á landsbyggðinni og
voru Austfirðingar lengi mjög
öflugir á því sviði. Það var ekki
óalgengt að hinir pólitísku flokkar
gæfu út sitt eigið vikublað og
héraðsfréttum var því vel sinnt,
bæði á hinu pólitíska sviði og með
fréttum af mannlífmu. Nokkrar
fréttanna náðu athygli landsmála-
blaðanna og á öldur ljósvakanna.
Þannig komust málefni fjórðungs-
ins til allra landsmanna, því stóru
ijölmiðlamir vom og em enn allt
of bundnir við "heimsfréttir" af
höfuðborgarsvæðinu. Stöð 2 var
um skeið með fasta starfsemi á
Austurlandi og það skilaði mál-
efnum fjórðungsins svo sannarlega
í fréttatímum stöðvarinnar. Það
sama má segja um Ríkisútvarpið,
starfsemi svæðisstöðvanna skilar
málefnum landsbyggðarinnar vel
til allra landsmanna, en því miður
hefur RUV dregið saman þessa
starfsemi og berjast þær nú í
bökkum.
Þegar ég flutti ásamt fjölskyldu
minni austur á Hérað 1983 komu
út á Austurlandi vikublöðin
Austurland, Austri, Eystrahom og
Þingmúli, þau fyrmefndu reglu-
lega, Þingmúli með e.h. hléum.
En smátt og smátt dró úr útgáfu
héraðsfréttablaðanna, samkeppni
við aðra fjölmiðla var erfið og
útgáfa hvers blaðs dýr miðað við
áskrifendur og pólitísku viku-
blöðin gátu aldrei byggt rekstur
sinn á lausasölu. Af þessum kemur
Eystrahom eitt út í dag og hefúr
það ásamt minni vöktun ljósvaka-
miðlanna haft neikvæð áhrif á
fréttaflutning bæði innan fjórð-
ungsins og eins út í samfélagið.
Langt er því síðan að menn fóra
að gæla við þá hugmynd að koma
á einu sterku héraðsfréttablaði
fyrir allt Austurland, blaði sem
gæti í senn verið fféttablað, blað
til skoðanaskipta og auglýsinga-
miðill.
Nú er langþráður draumur að
rætast og nýtt fjórðungsblað að
heQa göngu sína. Blaðinu hefur
verið gefið heitið Austurglugginn
og fer það nafn vel á fréttablaði.
Mikið reynir á hina nýju rit-
stjóm að móta svo stefnu blaðsins
í byrjun að allir Austfirðingar geta
tekið blaðinu sem "sínu blaði",
með því að það höfði til sem
flestra og íbúar fjórðungsins leggi
sitt af mörkum með blaðaskrifum
um hin ýmsu málefni.
í dag er hart deilt um ýmis
stórmál sem snerta Austurland og
Austfirðinga sérstaklega. Umræð-
an fer fram innan sem utan fjórð-
ungsins og getur nýtt fréttablað ýtt
undir skoðanaskipti og lýðræðis-
lega umræðu um hin fjölmörgu
málefni landshlutans og lands-
málanna almennt.
Hið nýja vikublað getur lyft
grettistaki hvað varðar samskipti
og samstöðu meðal Austfirðinga,
ef þess er gætt að öll sjónarmið fái
að koma fram á síðum blaðsins.
Ég óska aðstandendum blaðsins
góðs brautargengis og Austfírð-
ingum til hamingju með að fá
fjórðungsblað til aflestrar og
skoðanaskipta.
Með bestu kveðju,
Þuríður Backman
A
Avarp útgáfustjómar
Nú hefur nýtt austfirskt fréttablað,
Austurglugginn, göngu sína en
blaðið mun koma út vikulega. Út-
gáfufélag Austurlands ehf. stendur
fyrir útgáfu blaðsins en hluthafar í
félaginu era ýmis austfirsk fyrir-
tæki og félagasamtök auk kynn-
ingarfyrirtækisins Athygli í
Reykjavík. Hið nýja útgáfúfélag er
öllum opið og stendur hlutafjár-
söfnun enn yfir. Austurglugginn
verður óháð fréttablað sem leggja
mun áherslu á að greina frá því
sem efst er á baugi í landshluta-
num auk þess sem blaðinu er ætlað
að vera vettvangur umræðu um
austfirsk málefni.
Undirritaðir hafa unnið að
undirbúningi blaðaútgáfunnar og
skipa bráðabirgðastjóm Útgáfu-
félags Austurlands. Þegar blaðið
hefúr fest sig í sessi mun verða
haldinn hlutahafafundur í félaginu
og ný stjóm kjörin.
Flestum er ljóst að blaðaútgáfa
er menningarauki. Þá gegnir aust-
firskt blað mikilvægu hlutverki
hvað það varðar að upplýsa íbúa
landshlutans um athyglisverða at-
burði í mannlífinu sem ekki ná
athygli þeirra fjölmiðla er starfa á
landsvísu. Fyrir sveitarfélög,
stofnanir, fyrirtæki og félaga-
samtök getur greiður aðgangur að
blaði sem kemur út reglulega skipt
miklu máli og einnig þjónar lands-
hlutablað því hlutverki að varð-
veita upplýsingar um sögulega
framvindu á viðkomandi svæði.
Með samstilltu átaki á að vera
unnt að gera Austurgluggann að
sterkum landshlutafjölmiðli sem
höfðar til Austfirðinga almennt en
forsendan fyrir því að svo megi
verða er sú að fólk kaupi blaðið og
auglýsendur noti það. Blað eins og
Austurglugginn á tvímælalaust að
geta eflt það samfélag sem nýtur
þjónustu þess.
Auk blaðaútgáfunnar hefúr
Austurglugginn komið á fót vef-
síðu sem flytja mun daglegar
fréttir af austfirskum vettvangi og
verður henni haldið úti af starfs-
mönnum blaðsins.
Útgáfustjóm Austurgluggans
vill hér með skora á Austfirðinga
að taka þessum nýja fjölmiðli vel
og vinna að vexti hans og
viðgangi.
Hilmar Gunnlaugsson
Smári Geirsson
Einar Már Sigurðarson
fngi Már Aðalsteinsson
Valþór Hlöðversson
Hin nýja vegferð
Með þessu blaði hefst ný vegferð í
fjölmiðlun á Austurlandi. Undir
nýjum formerkjum hefúr verið
hafist handa í blaðaútgáfú. Ég vil
helja þessa grein á góðum óskum
og óska nýju blaði, starfsfólki þess
og útgefendum velfarnaðar.
Saga blaðaútgáfu á Austurlandi
er löng en það er ekki ætlun mín
að leggjast í sagnfræði. Ég
hrærðist í þessari blaðaútgáfú í
aldarfjórðung, það var skemmti-
legt tómstundagaman þvi fyrir mér
var það ætíð svo, þó að ritstjóm
Austra hefði fastráðnu starfsfólki
á að skipa hin síðari árin.
Hugmyndin um blað á breiðum
grandvelli er gömul, blöðin sem út
komu á Austurlandi höfðu tengst
við stjómmálaflokka, þótt á seinni
áram væra þau almenn fréttablöð
fyrst og fremst. Ætíð lifði um-
ræðan um að leggja saman kraft-
ana og þar kom að blöðin urðu
undir á hörðum auglýsinga-
markaði og bára ekki þann til-
kostnað sem fylgir blaðaútgáfu,
þótt vikublöð væra. Hins vegar
áttu þau ætíð dyggan lesendahóp,
það fann ég mjög greinilega í
gegnum tíðina.
Ég er þess fúllviss að það era
möguleikar fyrir blaðaútgáfu eins
og hér fer af stað til þess að fylla
tómarúm á Austurlandi og þörf
fyrir prentmiðil. Landshlutablöð
era víða fjölbreytt og læsileg við-
bót við blaðaútgáfúna í heild,
sinna málum sem stóra blöðin láta
liggja í láginni, og era spegill úr
nánasta umhverfi. Ég á þá ósk til
þessa blaðs að það sé lifandi
fréttamiðill og umræðuvettvangur
fyrir þá sem vilja koma skoðun á
framfæri á málefnum landshlutans
eða þjóðfélagsmálum.
Miklar sviptingar era í fjöl-
miðlun á íslandi. Sjónvarps-
stöðvar berjast í bökkum, sem og
Ríkisútvarpið sjálft og samrani
hefúr átt sér stað í blaðaútgáfu á
landsvísu. Margt bendir til þess að
hætta sé á fákeppni hjá hinum
stóra og öflugu fjölmiðlum. 1
þessu umhverfi er hver sjálfstæð
rödd mikils virði og Austurland og
landsbyggðin þarf á henni að
halda. Bergmál hennar getur
borist víða ef vel tekst til.
Ég á þá ósk til þessa blaðs að
það verði baráttutæki fyrir lands-
hlutann. Ég hef líka þá sann-
færingu að sú barátta verður
árangursríkust með því að jafn-
framt því sem rétti landshlutans og
hagsmunamálum er haldið á lofti
þá sé einnig getið um það sem vel
er og hinar góðu og jákvæðu
hliðar sem fylgja búsetu á
landsbyggðinni. Að blaðið flytji
ekki einungis fréttir af hinu
neikvæða heldur einnig hinu
jákvæða.
Jón Kristjánsson
Til Austurgluggans
Austfirðingar! Til hamingju með
nýtt ljórðungsblað á Austurlandi.
Það er til mikilla bóta fyrir okkur
Austfirðinga að hafa sjálfstætt
fréttablað sem fjallar um málefni
fjórðungsins. Einnig er hér kjörinn
vettvangur til að skiptast á skoð-
unum um málefni Austfirðinga.
Austurglugginn ætti að verða til
þess að auka samstöðu Austfirð-
inga, þar sem þeir verða betur
heima í málefnum hvers annars og
geta hugað að sameiginlegum
hagsmunamálum.
Nú fara í hönd áhugaverðir
tímar á Austurlandi þar sem fyrir-
hugaðar era mestu einstöku ffam-
kvæmdir íslandssögunnar á
Austurlandi, með virkjun við
Kárahnjúka og byggingu álvers í
Reyðarfirði. Þrátt fyrir ýmsa
erfiðleika í landbúnaði, er margt
að gerjast þar sem til framfara gæti
horft. Sjávarútvegurinn hefúr verið
að styrkjast undanfarin misseri,
þ.a. óhætt er að segja að hann
standi styrkum fótum í fjórðung-
num. Hér er horft til nýrra at-
vinnugreina og stefnt að laxeldi í
ijörðum í miklum mæli. Fleiri ný-
mæli í atvinnusköpun era einnig í
farvatninu. Samgöngur era sífellt
að batna, sem gefa aukin tækifæri
til samstarfs og samvinnu í leik og
starfi. Nú hefúr verið ákveðið að
hefja framkvæmdir við jarðgöng á
milli Reyðarijarðar og Fáskrúðs-
ijarðar sem tengir og styrkir enn
frekar byggðina. Samgöngur era
einnig að styrkjast við aðra fjórð-
unga og ekki síður til útlanda.
Gerður hefúr verið samningur við
þýska flugfélagið LTU um beint
flug til Egilsstaða og lagður hefur
verið kjölur að stærri Norrænu
sem siglir til Seyðisfjarðar vorið
2003. Það era því einnig vaxtar-
tímar fJamundan í ferðaþjónust-
unni. Það skiptir ferðaþjónustuna
einnig miklu, ekki síður en alla
íbúa Austurlands, sá mikli og
skemmtilegi vöxtur sem orðið
hefúr í menningarmálum okkar
Austfirðinga.
Öll þessi nýju tækifæri okkar
Austfirðinga í atvinnumálum og
ekki síður mikil sóknarfæri í
mennta- og menningarmálum, auk
allra annarra framfaramála verða
vonandi til umfjöllunar á síðum
Austurgluggans með lifandi og
skapandi hætti.
Bestu kveðjur á þorra,
Ambjörg Sveinsdóttir