Austurglugginn - 02.09.2011, Side 11

3
Ábyrgðarmaður: Georg Þór Pálsson
samverkandi þátta s.s. fjölgunar gististaða, aukinnar þjónustu við
ferðamenn á staðnum, aukinnar markaðssetningu, skipulagðra
rútuferða og fjölgunar skemmtiferðaskipa.
Fjölbreytt sumarvinna
Uppgræðslustarf er í höndum Landbótasjóðs og ruslatínsla í
höndum sumarvinnuhóps Landsvirkjunar, en sumarvinnan tekur
einnig þátt í uppgræðslunni í samstarfi við Landbótasjóðinn.
Auk uppgræðslu og ruslatínslu tekur sumarvinnuhópurinn einnig
þátt í fjölda verkefna og má þar nefna verkefni í samstarfi við
Hött en hópurinn eyddi viku í að gera Vilhjálmsvöll sem glæsi-
legastan. Sumarvinnuhópurinn leggur þannig áherslu á samstarf
við nágrennið með ýmsum verkefnum. Í sumar hefur hópurinn
t.d. tekið að sér að slá gras í kirkjugörðum, bæði í Fljótsdal og á
Jökuldal. Einnig tók hópurinn þátt í LungA (Listahátíð ungs fólks
á Austurlandi) sem sjálfboðaliðar í einn dag.
Í ágúst fóru Dagur og hluti af krökkunum á Borgarfjörð eystri til að
sinna verkefni. Þau gistu á gistiheimilinu Borg og sá sveitarfélagið
um að leggja út fyrir mat og græjum. Verkefnið sem lá fyrir var að
stika og endurstika nokkrar af mörgum glæsilegum gönguleiðum í
kringum Borgarfjörð eystri. „Fyrsti dagurinn var fremur kaldur en
náðist þó að laga stikur alla leið upp Kækjaskörð og var það gott
dagsverk. Daginn eftir lág svo leiðin í Loðmundarfjörð til að stika
nýja gönguleið. Starfsmennirnir fengu meðal annars að kíkja á leifar
af gömlu stöðvarhúsi en heimavirkjun var í Loðmundarfirði strax
snemma á síðustu öld. Borgfirðingurinn Hafþór Snjólfur stjórnaði
þessari ferð og fræddi hópinn um sögu þessa merka fjarðar. Þriðja
daginn var haldið yfir Gönguskarð og til Stapavíkur. Margar stikur
voru málaðar og lagaðar í þeirri ferð og að endingu var stoppað og
hvílt sig í Stapavík en þar gafst hópnum kostur á að njóta þeirrar
miklu fegurðar sem umhverfið hefur upp á að bjóða áður en lengra
var haldið. Úr Stapavík var gengið til Unaóss en á miðri leiðinni
rákumst við á dauðan hval og þurftu tveir starfsmenn að hafa sig
alla við til að kasta ekki upp því lyktin var engum manni boðleg.
Síðasta gönguleiðin var svo úr botni Borgarfjarðar til Stórurðar.
Var það heilmikil ganga sem var þó þess virði þegar að útsýnið á
Dyrfjöllin mætti okkur á endastöð. Olli það þó nokkrum von-
brigðum hversu mikill snjór var ennþá á svæðinu og því skartaði
urðin ekki alveg sínu fegursta þennan daginn“ segir Dagur. „Á
kvöldin var svo ýmist farið í fótbolta, spilað, horft á sjónvarp eða
farið og veitt en afli heimsóknar okkar á Borgarfjörð samanstóð
af fjórum marhnútum og einum þorski en að sjálfsögðu var öllum
fiskunum sleppt eftir að hafa verið dregnir á land. Var það mál
manna að Borgarfjörður sé mekka afþreyingar á Íslandi og vildu
menn helst vera þar áfram“ segir Dagur.
Frábært sumar
Að lokum vildu þau Arna og Dagur þakka öllum starfsmönnum
Landsvirkjunar fyrir skemmtilegt og ógleymanlegt sumar. Þau
segja að „samstarf starfsmanna Landsvirkjunar í Fljótsdal hefur
gert það að verkum að auðvelt er að leysa úr verkefnum sem legið
hafa fyrir hverju sinni. Viljum við þakka öllum samstarfsmönnum,
gestum og nágrönnum fyrir frábært sumar.“
Kalt vor og lítið vatn
Vorið 2011 var óvenju kalt. Frá 19. maí til 30. júní var meðallofthiti á Akureyri verið sá lægsti síðan mælingar hófust 1949. Sama
er að segja með lofthita í Hallormsstað en mælingar þar hófust 1961. Næst lægst var hitastigið á þessum tíma árs á Akureyri vorið
1952 og á Hallormsstað árið 1981. Í júlí tók að hlýna en í ágúst hefur frekar kólnað.
Rennsli í jökulsánum sem renna í Hálslón og í Ufsarlón Fljótsdalsstöðvar er mjög háð lofthita vegna bráðnunar. Þegar vorið er svona
kalt bráðnar hvorki snjór né jökull og vorflóðum seinkar.
Sögulegt lágmark
Rennsli til Fljótsdalsstöðvar var 19. maí til 30. júní
í sögulegu lámarki. Frá því farið var að fylgjast með
rennsli Jökulsár á Dal árið 1950 hefur rennsli ekki
verið minna. Næst lægst var rennslið þetta tímabil
vorið 1958. Jökulsá í Fljótsdal rennur í Ufsarlón
og þar er sömu sögu að segja og með innrennslið
í Hálslón þ.e.a.s. Jökulsá í Fljótsdal hefur ekki
verið eins vatnslítil að vori síðan mælingar í henni
hófust 1998. Vorflóðin komu í júlí og rennsli inn í
Hálslón var yfir meðaltali áranna 1950-2011 í júlí
og fyrstu dagana í ágúst. Heldur hefur dregið úr
innrennslinu er líða tók á ágúst mánuð.
Vatnshæð Hálslóns var 620,7 m. y.s. 24. ágúst og hefur hækkað hægt undanfarna daga. Yfirfallshæðin er í 625 m. y.s. og líklegt er að
vatnsborð nái ekki yfirfalli fyrr en seint í september eða október. Einnig er möguleiki að Hálslón fyllist ekki þetta haustið.
Dagur og Arna nýttu þá fáu daga sem gafst til afslöppunar í sólinni
Rafbíllinn Think í heimsókn
Rafbílinn Think frá Noregi kíkti í heimsókn í Végarð og var
gestum boðið að reynsluaka bílnum einn sunnudaginn í júlí.
Um 30 manns reynsluóku bílnum og kunnu flestir vel að meta,
en sáu ekki fram á að kaupa svona bíl í nánustu framtíð vegna
hás verðs.
0
100
200
300
400
500
600
700
800
900
1000
19.maí 29.maí 8.jún. 18.jún. 28.jún. 8.júl. 18.júl. 28.júl. 7.ágú. 17.ágú.
M
e
ð
al
d
ag
sr
e
n
n
sl
i [
m
3/
s]
Innrennsli í Hálslón 1950-2011, 19. maí - 23. ágúst
Dreifing 1950-2011
Meðaltal 1950-2011
Vor og sumar 2011