Skessuhorn - 28.09.2022, Side 11

MIÐVIKUDAGUR 28. SEPTEMBER 2022 11
Í síðustu viku lauk Unnsteinn Elí-
asson grjóthleðslumeistari við
endurbætur á býsna merkilegu
mannvirki. Það nefnist Pétursvirki
og stendur á jörðinni Englandi í
Lundarreykjadal. Virkið var orðið
illa farið og hafði laskast enn frekar
núna í sumar, sennilega vegna jarð-
skjálfta inni á afréttinum. Péturs-
virki er hlaðinn steinstöpull; 2,66
metrar á lengd, 1,8 metrar á breidd
og 1,6 metrar á hæð. Virkið er á
Hrútaborgum á Englandshálsi og
var byggt af Pétri Georgi Guð-
mundssyni árið 1889, en þá var
Pétur aðeins tíu ára gamall og sat
yfir ánum þarna á hálsinum.
Einstakt mannvirki
Pétursvirki þykir einstaklega hag-
anlega gert, ekki síst í ljósi þess
hversu ungur hleðslumaðurinn var.
Aðeins einu sinni áður, á þessum
ríflega 130 árum sem liðin eru frá
byggingu virkisins, hefur það verið
lagfært. Það gerði Pétur sjálfur á
fjórða áratug síðustu aldar.
Á síðustu árum hefur virkið látið
verulega á sjá en austur- og norð-
urhliðar þess voru farnar að gliðna
verulega og þá var orðin hætta á
að virkið snaraðist yfir sig í austur.
Sótt var um styrk til endurbóta úr
Fornminjasjóði en virkið er frið-
lýst af hálfu Minjaverndar frá árinu
1985. Umsókninni var hafnað.
Hluti af stærra verkefni
Ferðafélag Borgarfjarðarhéraðs, í
samvinnu við Ungmennafélagið
Dagrenningu og eigendur jarðanna
Englands og Iðunnarstaða í Lundar-
reykjdal, fékk hinsvegar styrk úr
framkvæmdasjóði Ferðamannastaða
til að hanna og skipuleggja útivist-
arsvæði í kringum Englandslaug. Í
því verkefni var meðal annars gert
ráð fyrir endurbótum á Pétursvirki
og Englandslaug. Þessi styrkur nýtt-
ist til að ráða hleðslumeistara í við-
gerð á Pétursvirki. Skipulags- og
hönnunarvinnan er sömuleiðis vel á
veg komin en hún er unnin af Eflu
verkfræðistofu.
Glæsileg viðgerð
„Það er mikið gleðiefni að búið
er að forða Pétursvirki frá eyði-
leggingu og að það skuli varðveitt
í sem upprunalegastri mynd. Unn-
steinn Elíasson er einn fremsti
grjóthleðslumaður landsins í dag
og er viðgerðin á Pétursvirki enn
ein sönnunin um það. Samverka-
maður Unnsteins við endurbætur
á Pétursvirki var Guðmundur
Björnsson, nemandi við Landbún-
aðarháskólann á Hvanneyri,“ segir
Gísli Einarsson forseti Ferðafélags
Borgarfjarðarhéraðs, en hann beitti
sér fyrir því að ráðist yrði í verk-
efnið og fjármögnun á því.
Leiðin að Pétursvirki
Fyrr í haust var lokið við það, af
hálfu FFB, að stika leiðina frá
Englandslaug að Pétursvirki en
hún er 2,8 km löng. „Ástæða er
til að ítreka að ekki er ætlast til
að göngufólk noti hitaveitubrúna
yfir Tunguá en það er bæði vara-
samt og getur valdið tjóni. Ágætis
vað er yfir Tunguá skammt fyrir
ofan dælustöð hitaveitunnar og
er leiðin þangað greinilega merkt
með stikum. Í framtíðinni er vonast
til að hægt verði að byggja göngu-
brú yfir Tunguá enda liggja fleiri
gönguleiðir þar um,“ segir Gísli
Einarsson.
mm/ Ljósm. Eva Rós Björgvins-
dóttir
Fréttaveita Vesturlands
www.skessuhorn.is
SK
ES
SU
H
O
R
N
2
02
2
Hunda- og kattaeigendur athugið
Samkvæmt 15. kafla reglugerðar um hollustuhætti nr. 941/2002 er
hunda- og kattaeigendum skylt að láta ormahreinsa dýr sín árlega.
Gunnar Gauti Gunnarsson dýralæknir annast hreinsunina og er
ormahreinsun hunda og katta innifalin í leyfisgjaldi.
Hundahreinsun verður frá kl. 13.00-20.00
mánudaginn 24. október
Kattahreinsun verður frá kl. 13.00-20.00
þriðjudaginn 25. október
Staðsetning: Þjónustumiðstöð Akraness
að Laugarbraut 6 (gamla slökkvistöðin)
Dýralæknir býður einnig upp á bólusetningar
• Smáveirusótt (Parvo), lifrarbólgu, hótelhósta og hundafári,
verð kr. 4.000
• Örmerkingu hunda og katta, verð kr. 5.000
• Ófrjósemissprauta í hunda og ketti, verð kr. 3.000-7.000
fer eftir þyngd
• Bólusetningu gegn kattafári, verð kr. 4.000
Seinni hreinsun laugardaginn 5. nóvember.
Athugið að greiða þarf með peningum
- enginn posi verður á staðnum.
Nánari upplýsingar veitir dýraeftirlitsmaður
í síma 898-9478 eða dýralæknir í síma 892-3230.
BÓKAÚRVALIÐ
er hjá okkur
AUSTURVEGI 22
Opið mán.–lau. 12–18
ÁRMÚLA 42
Opið mán.–fös. 11–18
lau. 11–16
Fimm þingmenn Vinstri hreyf-
ingarinnar græns framboðs hafa
lagt fram tillögu til þingsályktunar
um eflingu strandveiða. Fyrsti
flutningsmaður er Bjarni Jóns-
son þingmaður í NV kjördæmi.
„Þingsályktunartillögunni er
ætlað að stuðla að eflingu félags-
lega hluta fiskveiðistjórnunar-
kerfins með því að festa strand-
veiðar betur í sessi með auknum
hlut í veiðiheimildum. Í tillögunni
er lagt til að stækka í áföngum
félagslega hluta kerfisins úr 5,3%
upp í 8,3%. Einnig er lagt til að
endurskoðuð verði skipting afla-
magns á milli aðgerða innan kerf-
isins og hlutverk hverrar aðgerðar
innan þess,“ segir í tilkynningu frá
þingflokknum.
„Ástæða er til að endurskoða
úthlutun og meðhöndlun aðgerða
innan kerfisins með tilliti til þess
hvernig þær veiðiheimildir nýt-
ast sem best smærri byggðar-
lögum sem þær eiga að þjóna og
færa stærri hluta þeirra til smærri
útgerða og inn í strandveiðikerfið.
Þá þarf að koma í veg fyrir að
stór hluti þeirra endi hjá stærstu
útgerðarfélögum landsins sem nú
þegar halda á stærstum hluta allra
veiðiheimilda við Íslandsstrendur.“
mm/ Ljósm. tfk.
Vilja auka hlut strandveiða
Pétursvirki forðað frá eyðileggingu
Unnseinn Elíasson hleðslumeistari að verki loknu.
Pétursvirki þykir einstaklega haganlega gert, ekki síst í ljósi þess hversu ungur
hleðslumaðurinn var.