Skessuhorn - 28.09.2022, Blaðsíða 17
MIÐVIKUDAGUR 28. SEPTEMBER 2022 17
Smáréttingar ehf. er fyrirtæki sem
stofnað var á Akranesi árið 2004
en hefur allt frá upphafi aðal-
lega starfað á höfuðborgarsvæð-
inu. Fyrirtækið sérhæfir sig í því
að þjónusta bíleigendur með lag-
færingum á smádældum og rispum
á bifreiðum, fyrirhafnarlítið og án
málunar, en býður einnig upp á
alls konar lausnir í yfirborðsmeð-
höndlun og vörn bifreiða. Eigandi
og annar af stofnendum er Skaga-
maðurinn Jóhann Hafsteinn Haf-
steinsson. Fyrir skemmstu tók hann
þá ákvörðun að flytja starfsemina
frá Kópavogi upp á Akranes.
Íslensk veðrátta býður
upp á alls konar tjón
Blaðamaður Skessuhorn kíkti á
Jóhann í síðustu viku á Akursbraut
11a þar sem hann leigir aðstöðu
af Bílar og Dekk. Jóhann segir að
Smáréttingar ehf. hafi verið frum-
kvöðlar í því að bjóða íslenskum
bíleigendum upp á ódýrari og
fljótlegri lausnir en áður höfðu
þekkst í bílaréttingum. „Bílar eru
oft á tíðum býsna berskjaldaðir í
umhverfi sínu og verða fyrir alls-
konar skakkaföllum á lífsleiðinni.
Íslensk veðrátta býður upp á alls-
konar áfokstjón, sandblástur og
málningarúða. Að ekki sé minnst
á sementsryk. Íþróttaiðkun er
landlæg en iðkendur misgóðir í
sportinu eins og gerist og gengur.
Tjón eftir golfkúlur og aðra bolta
eru algeng. Viðgerð á tjónum af
völdum ástríðufullra áramótaskot-
hríðar og fallandi flugeldaprika
hefur alltaf verið árviss viðburður
í rekstri Smáréttinga og grýlu-
kerti og snjóhengjur sem mætt
hafa örlögum sínum á bílum lands-
manna á umhleypingasömum
vetri eru þekkt. Bílastæðamenn-
ing landans í bland við sérhönnuð
þrengsli, sístækkandi bíla og
íslenska veðráttu svona yfirleitt,
hefur þó alltaf vinninginn ef finna á
stærsta orsakavaldinn þegar kemur
að þessum hvimleiðu smátjónum.“
Hver kannast ekki við það að upp-
götva dæld eða skemmd á bílnum
eftir aðra bílhurð, búðarkerru
í reyðileysisferð eða hreinlega
ákeyrslu eða nudd þegar bílstjórar
reyna af meiri vilja en mætti að
mjaka sér úr allt of þröngum bíla-
stæðum, spyr Jóhann? „Og þarna
ert þú og starir á tjónið, veist að
skaðinn er alfarið þinn því tjón-
valdurinn er, meðvitað eða ómeð-
vitað, löngu horfinn á braut og allar
eftirlitsmyndavélar í þínu nánasta
umhverfi annað hvort óvirkar eða
verulega sjónskertar.“
Bjóða upp á ódýrari kost
Jóhann segir að áður en Smá-
réttingar komu til sögunnar þá
fengust menn lítt við að laga þessar
skemmdir því viðgerð á þeim var
sannarlega dýr. „Tilhneigingin var
því sú að þessi smátjón söfnuðust
upp og bíllinn varð fljótt óásjálegur.
Kostnaðurinn af þessu öllu raun-
gerðist þó oft við endursölu eða
uppítöku á bílnum þegar eigandinn
horfði fram á verulega verðfell-
ingu og tap. Viðhorfið var líka lengi
þannig að þessar smádældir voru
taldar vera algerlega óumbreytan-
legt náttúrulögmál og margir
bílasalar ypptu bara öxlum þegar
við mættum á planið og buðumst til
að uppfæra gæðin á flotanum,“ segir
Jóhann einnig.
Þið bjóðið sem sagt upp á ódýrari
kost? „Já, þetta eru tjón sem með
okkar aðferð er tiltölulega fljót-
legt að laga og kostnaðurinn þess
vegna eftir því. Alveg rétt – strax,
er kjörorðið og við leggjum okkur
fram um að laga bílana samdægurs.
Auk þess notum við engin efni eða
dýr lökk í neinu mæli og rándýrir
varahlutir eru alveg út úr myndinni
því við endurnýtum og færum hlut-
inn í fyrra horf. Ef tjónið er þess
eðlis að það krefst sterkari með-
ala en við höfum yfir að ráða, þá
sendum við fólk annað. Það á t.d.
við um flest árekstrartjón eða lakk-
skemmdir sem krefjast málunar.
Ákvað að breyta
til í rekstrinum
Jóhann segir að á sínum tíma hefðu
þeir farið, hann og Gunnar bróðir
hans, til Idaho í Bandaríkjunum og
lært þessa iðn þar. Síðan opnuðu
þeir verkstæði í Reykjavík og ráku
á tímabili tvö verkstæði með tals-
verðum umsvifum uns íslenskur
efnahagur hrundi með brauki og
bramli eins og frægt er orðið. Þá
þurftu þeir bræður að skera hressi-
lega niður, verkstæðunum tveimur
var lokað, Gunnar hætti og fór á sjó-
inn en Jóhann hélt áfram og hefur
frá árinu 2010 verið með þessa
starfsemi á Smiðjuvegi í Kópavogi
þangað til núna í ágúst. Þá ákvað
hann að söðla um en hver er skýr-
ingin á því? „Bæði af því að hús-
næðið þarna er orðið ansi dýrt og
fer óðum hækkandi, ekkert má út af
bera. Minna og hagkvæmara hús-
næði á þeim stað sem maður helst
vill vera á er ekki í boði og það sem
ég var í var allt of stórt fyrir einn
mann að væflast um í. Seinasti vetur
var erfiður, bæði vegna tíðarfars og
vegna faraldursins. Það var t.a.m.
enginn til að leysa mig af þegar
ég fékk Covid, sællar minningar.
Þess vegna ákvað ég að breyta til í
rekstrinum og skera niður kostnað
og minnka áhættuna. Ég sagði upp
leigunni og fór á stúfana. Réði mig
í vinnu hjá hinu ágæta bílaumboði
Öskju sem smáréttingarsérfræðing.
Þar er ég að hjálpa þeim með allt er
varðar útlit uppítökubíla þrjá daga
vikunnar, a.m.k til að byrja með. Ég
verð svo tvo daga vikunnar að sinna
mínum heimamarkaði hér á Akra-
nesi. Ég hætti þegar hæst stóð þegar
ég lokaði fyrir sunnan og þurfti í
raun að bæta mánuði við áætlaðan
lokunartíma og fórnaði þannig
langþráðu sumarfríi. En það er bara
þannig. Ég hef enn ekki farið heim
á eigin bíl síðan ég byrjaði að vinna
í Öskju því eftirspurnin fyrir sunnan
er stöðug og kúnnahópurinn stór.“
Frábært að vera
kominn heim
Eins og áður segir leigir Jóhann
aðstöðu á Akranesi af Bílum og
dekk á Akursbraut 11a og er í sam-
starfi með þeim í viðgerðum þegar
það hentar. Við vísum á hvorn
annan, segir Jóhann. En svona að
lokum, hvernig líst þér á að vera
kominn á Skagann með fyrir-
tækið þitt? „Mér líst mjög vel á
það, ég hef alltaf búið á Akranesi
og er búinn að vera að þvælast á
milli síðan 1995. Áður en göngin
komu keyrði maður kannski fyrir
Hvalfjörð tvo daga og tók Akra-
borgina hina dagana. Þetta er
ekkert mál eftir að göngin komu.
Maður leggur daginn fyrir sig á
leiðinni suður og reynir að skilja
vinnuna og amstrið eftir á leiðinni
heim. Það er frábært að vera kom-
inn heim og mjög skrýtið að vera
á Akranesi á virkum dögum, ég er
ekki vanur því. Það er allt önnur
stemning í bænum einhvern veg-
inn,“ segir Jóhann að lokum.
vaks
Söfnuðu 35 milljónum fyrir Umhyggju
Um síðustu helgi afhentu hjól-
reiðamenn og aðstoðarfólk í Team
Rynkeby á Íslandi félagi langveikra
barna, Umhyggju, rúmlega 35
milljónir króna en það er söfnunar-
fé árlegrar söfnunarferðar þeirra.
Um er að ræða eitt stærsta góð-
gerðarverkefni í Evrópu og hefur
það verið í gangi hér á landi síðan
2017. Þetta er hins vegar hæsta
upphæðin sem safnast hefur í ver-
kefninu hér á landi og eru tals-
menn Umhyggju að vonum í skýj-
unum með styrkinn. Í tilkynningu
sem Umhyggja sendi frá sér á Face-
book stendur: „Við hjá Umhyggju
erum bæði þakklát og meyr… Þær
rúmlega 35 milljónir sem þessir
öðlingar söfnuðu með aðstoð fyrir-
tækja og almennings munu renna
til rannsóknartengdra verkefna sem
ætlað er að bæta líf langveikra barna
með einum eða öðrum hætti.“
Team Rynkeby Ísland hópur-
inn samanstendur í ár af 41 hjól-
reiðamanni og tíu manna fylgdar-
og aðstoðarliði og er þó nokkur
fjöldi þátttakenda Vestlendingar.
Hópurinn hjólaði í sumar, á átta
dögum, um 1.300 kílómetra leið
frá Kolding í Danmörku til Parísar
í Frakklandi og fór þá sem leið lá
um Þýskaland, Belgíu og Holland
og söfnuðu í leiðinni 35 milljónum
með aðstoð styrktaraðila. Þátttak-
endur sjá sjálfir um allan kostnað
sem til fellur vegna ferðalagsins og
rennur því söfnunarféð óskert og
beint til málstaðarins.
gbþ
Team Rynkeby Ísland hópurinn afhenti söfnunarféð í Kringlunni síðastliðinn laugardag. Ljósm. Jóhanna Vigdís Pálmadóttir.
Smáréttingar hafa opnað á Akranesi
Jóhann fyrir utan Smáréttingar ehf. á Akursbraut 11a. Ljósm. vaks