Heilbrigðisskýrslur - 02.12.1985, Qupperneq 4

formAli
í þessari skýrslu er lýst fyrstu faraldsfræðilegu rannsókninni a
umferðarslysum sem gerð hefur verið á Islandi. Könnunin n*r til
umferðarslysa þar sem 1882 slösuðust og komu á Slysadeild Borgar-
spítalans árið 1975. Sagt er frá afdrifum þeirra sem lagðir voru
inn á sjúkrahús og fylgst með þessu fólki fram til ársins 1980.
Sumir hafa látið lífið en aðrir slasast alvarlega og bíða þess
aldrei bætur. Ömæld er þjáning einstaklinga og kostnaður þjóð-
félagsins er gífurlegur. Flafi einhver verið í vafa þá er hinum
sama ljóst eftir lestur skýrslunnar að slysin í umferðinni eru
fyrst og fremst heilbrigðisvandamál.
Upplýsingar um fjölda umferðarslysa hafa fram að þessu komið frá
lögreglu og Umferðarráði. Niðurstöður höfundar eru m.a. þær að
fjöldi slysa í umferðinni hafi ekki verið rétt skráður. Þar af
leiðandi hefur almenningi og stjórnmálamönnum ekki verið ljóst
umfang vandamálsins og viðbrögð stjórnvalda gegn slysum verið
dræm. Skýring á vanskráningu slysa er m.a. sú að lögreglan er oft
ekki 'kölluð á síysstað þegar einn aðili á hlut að slysinu. Af
þessari skýrslu má meðal annars læra að án nákvæmrar skráningar á
orsökum og afleiðingum slysa er ekki unnt að bregðast við þeim á
réttan hátt. Störf lögreglu eru þó mikilvæg því að á hennar vegum
fara fram m.a. slysarannsóknir á vettvangi.
Bjarni Torfason læknir hefur unnið þessa rannsókn af vandvirkni og
þekkingu og skilað verki brautryðjanda í nútíma slysafræði á
íslandi. Vænta má nánari úrvinnslu hans úr þessari rannsókn síðar.
Ólafur Ólafsson
landlæknir
^SKÖ^
2