Morgunblaðið - 08.08.2022, Page 13

FRÉTTIR 13Erlent
MORGUNBLAÐIÐ MÁNUDAGUR 8. ÁGÚST 2022
Flatahrauni 7 | 220 Hafnarfirði | Sími 565 1090 | www.bjb.is
Fékk bíllinn
ekki skoðun?
Aktu áhyggjulaus í burt á nýskoðuðum bíl
Sameinuð gæði
BJB-Mótorstilling þjónustar
flesta þætti endurskoðunar
anngjörnu verði og að
ki förum við með bílinn
n í endurskoðun, þér
kostnaðarlausu.
á s
au
þin
að
Guðmundur Sv. Hermannsson
gummi@mbl.is
Vonir um að takist að bjarga van-
nærðum mjaldri, sem synti upp ána
Signu í Frakklandi, fóru dvínandi í
gær. Ekki mun þó vera áformað að
aflífa hvalinn að svo stöddu.
Mjaldurinn sást fyrst í ánni á
þriðjudag í síðustu viku en frá því á
föstudag hefur hann haldið sig á
milli tveggja árloka um 70 km norð-
ur af París. Árvatnið er heitt og
hvalurinn, sem greinilega er hor-
aður, hefur ekki viljað éta frosna síld
eða lifandi silung sem kastað var til
hans. Dýralæknar gáfu dýrinu víta-
mínblöndu á laugardag í þeirri von
að hann hresstist og fengi matarlyst.
Líklega sjúkur
Lamya Essemlali, formaður dýra-
verndunarsamtakanna Sea Sheperd
í Frakklandi, sagði við AFP-
fréttastofuna að sérfræðingar gæfu
litla von um að hægt yrði að bjarga
hvalnum því afar ólíklegt væri að
hægt yrði að reka hann aftur til sjáv-
ar. Ljóst væri að hvalurinn hefði lítið
sem ekkert étið vikum saman og
þjáðist líklega af einhverjum sjúk-
dómi. Hann sýndi þó viðbrögð við
umhverfinu, og hreyfði hausinn.
Lögreglan í Eure, sem hefur um-
sjón með björgunaraðgerðum, sagði
verið að skoða ýmsa möguleika, svo
sem að ná mjaldrinum upp úr ánni,
gefa honum bætiefni, reyna að finna
orsök veikindanna og flytja hann
síðan út á haf ef hann braggaðist.
Einnig kæmi til greina að aflífa dýr-
ið ef ljóst yrði að honum yrði ekki
bjargað.
Mjaldrar halda sig venjulega í
hópum í köldum heimskautasjó. Þótt
þeir fari stundum suður á bóginn
þegar haustar og ís myndast á sjón-
um á norðurslóðum synda þeir sjald-
an svona langt suður á bóginn. Sam-
kvæmt upplýsingum frá stofnuninni
Observatory Pelagis, sem sérhæfir
sig í rannsóknum á sjávarspendýr-
um, heldur sá mjaldrahópur sem
næstur er Frakklandi sig nú við
Svalbarða, norður af Noregi, um
þrjú þúsund kílómetra frá Signu.
Þetta er í annað skipti, svo vitað
sé, sem mjaldur syndir upp á í
Frakklandi. Árið 1948 flæktist slíkur
hvalur í netum fiskimanna í ánni
Loire. Háhyrningur fannst dauður í
Signu í maí sl. milli Le Havre og
Rúðuborgar. Dýrið festist á grynn-
ingum í ánni og komst ekki aftur til
sjávar, svalt líklega til bana.
Tveir mjaldrar eru nú í
Vestmannaeyjum en þeir voru flutt-
ir þangað árið 2019 frá sædýrasafni í
Kína.
Hvalirnir hafa verið í sérstakri
laug en til stendur að flytja þá í
Klettsvík þar sem háhyrningurinn
Keiko dvaldi um tíma.
Vonir dvína um að mjaldri verði bjargað
- Hvalurinn synti upp Signu í Frakklandi - Dýrið er vannært og líklega sjúkt - Afar sjaldgæft að
mjaldrar syndi svona langt suður - Næsti mjaldrahópur er við Svalbarða 3.000 km frá Signu
AFP
Fylgst með hval Sérfræðingar á gúmmíbáti fylgjast með mjaldrinum þar
sem hann heldur sig við eina af árlokunum í ánni Signu í Frakklandi.
Mjaldur
Heimild: WWF/National Geographic/Animaldiversity.com
Lífslíkur:
30 til 35 ár
Sveigjanlegur háls
sem gerir dýrinu kleift
að hreyfa hausinn upp og
niður og til hliðar
Þykkt spiklag
til einangrunar
Lengd:
Allt að 6 m.
Þyngd:
900 til 1.300 kg
Enginn bakuggi heldur
hnúður, hugsanleg að-
lögun til að varðveita
líkamshita í köldum
sjó
Öndunarop
Eins og aðrir hvalir
verður mjaldur að koma
upp á yfirborðið
til að anda að sér
súrefni
Sívöl bægsli
Í hausnum
eru einskonar hljóð-
gjafar, kallaðir
hljóðvarir, semgefa frá
sér hljóðbylgjur
Gæf sjávarspendýr sem halda sig í hópum sem veiða og synda á milli svæða saman
Kálfarnir fæðast
gráir eða brúnir
en lýsast þegar
þeir eldast
Gefa frá sér hátíðnihljóð af ýmsu tagi
til að skynja umhverfið og eiga samskipti;
geta einnig hermt eftir fjölda annarra hljóða
Dreifing
Notar hljóðbylgjur
til að rata, veiða
og lifa af
Fjögur skip til viðbótar, hlaðin korni
og sólblómaolíu, sigldu af stað frá
Úkraínu í gær. Milljónir tonna af
korni hafa setið fastar í Úkraínu
vegna stríðs Rússa þar í landi. Hefur
þetta leitt til skorts og hærra matar-
verðs í öðrum löndum.
Í síðustu viku fór fyrsta skipið frá
Úkraínu síðan í febrúar. Nýjustu
skipin eru á leið til Tyrklands þar
sem innihald þeirra verður skoðað,
samkvæmt samkomulagi sem náðst
hefur við Rússland og Sameinuðu
þjóðirnar. Skipin sigldu frá höfnum
borganna Odessu og Chornomorsk.
Þau munu öll ferðast um Bospórus-
sundið. Í kjölfar skoðunar eiga tvö
skipanna að leggjast að bryggju í
Tyrklandi en hin eru á leið til Ítalíu
og Kína.
AFP/Yasin Akgul
Skip Rojen, eitt þeirra skipa sem sigldu frá Úkraínu með mörg tonn af korni.
Mörg tonn af korni far-
in af stað frá Úkraínu
Ísraelsmenn og leiðtogar íslömsku
andspyrnuhreyfingarinnar PIJ sam-
þykktu í gær vopnahlé. Egyptar
höfðu milligöngu um samkomulagið.
Vopnahléinu er ætlað að binda enda á
þriggja daga hörð átök á Gasa-svæð-
inu. Að minnsta kosti 43 Palestínu-
menn hafa látið lífið í átökunum.
Samningurinn vekur vonir um að
átökin, sem hafa verið hin verstu síð-
an 11 daga stríði á síðasta ári lauk, líði
nú undir lok. Þá létust meira en 200
Palestínumenn og tugir Ísraela.
Síðan á föstudag hafa Ísraelar gert
miklar loftárásir á bækistöðvar ísl-
amskra vígamanna á Gasa-svæðinu.
Ísraelar segjast hafa ráðist í loftárás-
irnar til þess að bregðast við hótunum
herskárra hópa. Íslömsku vígamenn-
irnir hjá PIJ hafa svarað loftárásun-
um með hundruðum flugskeyta.
Fleiri en 300 hafa særst í átökunum
á Gasa-svæðinu en það er undir stjórn
íslömsku hryðjuverkasamtakanna
Hamas. Af hinum 43 Palestínumönn-
um sem fallið hafa voru 15 börn. Þá
hafa tveir Ísraelar slasast síðan átök-
in hófust á föstudag.
Samningur vígamannanna og Ísr-
aelanna er sagður fela í sér skuld-
bindingu Egypta til þess að vinna að
lausn tveggja íslamskra vígamanna.
Hamas forðast átökin
Byggingar á Gasa-svæðinu hafa
verið lagðar í rúst í átökunum og Ísr-
aelar hafa neyðst til þess að leita
skjóls frá flugskeytaregni. Tvö flug-
skeytanna beindust að Jerúsalem en
Ísraelum tókst að skjóta skeytin nið-
ur áður en þau náðu til lands.
PIJ starfa með Hamas-hryðju-
verkasamtökunum en vinna þó oft
sjálfstætt. Hamas-samtökin hafa
forðast að taka þátt í átökunum nú.
Þau hafa háð fjögur stríð við Ísrael
síðan samtökin náðu völdum yfir
Gasa-svæðinu árið 2007.
Íbúar á Gasa-svæðinu sem
AFP-fréttastofan ræddi við höfðu
ekki náð að festa svefn síðan átökin
hófust.
Dalaia Harel, íbúi í ísraelska bæn-
um Sderot, skammt frá Gasa-svæð-
inu, sagðist vonsvikin yfir að sam-
komulag um vopnahlé hefði ekki
náðst. „Við erum þreytt á því að átök
brjótist út árlega. Við þurfum á því að
halda að stjórnmálaleiðtogar klári
þetta í eitt skipti fyrir öll. Við styðjum
ekki stríð en við getum ekki haldið
svona áfram.“
Muhammad Abu Salmiya, forstjóri
Shifa-sjúkrahússins í Gasa-borg,
sagði í samtali við AFP á sunnudag að
læknar sjúkrahússins meðhöndluðu
fólk í „mjög slæmu ástandi“. Þá var-
aði hann við lyfjaskorti. „Á hverri
mínútu tökum við á móti slösuðu
fólki,“ sagði Salmiya áður en sam-
komulagi um vopnahlé var náð.
ragnhildur@mbl.is
AFP/Mohammed Abed
Flótti Palestínskur maður sem yfirgaf í gær heimili sitt ásamt dóttur sinni á sama tíma og ísraelsk loftárás stóð yfir.
Samþykktu vopnahlé
á Gasa-svæðinu
- Egyptar ætla að vinna að lausn íslamskra vígamanna