Morgunblaðið - 16.09.2022, Side 6

6 FRÉTTIR
Innlent
MORGUNBLAÐIÐ FÖSTUDAGUR 16. SEPTEMBER 2022
Höskuldur Daði Magnússon
hdm@mbl.is
„Maður fær bara í magann við að sjá
þessar hækkanir. Þetta verður ekki
auðvelt fyrir almenning,“ segir
Fanney Hauksdóttir, eigandi versl-
unarinnar Kauptúns á Vopnafirði.
Fanney birti í vikunni pistil til við-
skiptavina verslunarinnar á Face-
book-síðu hennar til að vara við yfir-
vofandi verðhækkunum. Fyrir það
fyrsta hækkar verð á mjólkurvörum
um 3-4% og er það í annað sinn á
þessu ári sem það gerist. Þá hækkar
verð kjötvöru umtalsvert, eða um 10-
27%. Fanney kveðst hafa þurft að
leita staðfestingar frá birgjum sínum
um að tölurnar væru réttar, hún
trúði vart að þessar tölur væru rétt-
ar. Sú staðfesting barst fljótt og vel
og útskýrt að þær væru vegna hækk-
ana til bænda í þessari sláturtíð.
„Saltkjöt, íslenskt heiðalamb og
fleira hækkar um 27% en unnar kjöt-
vörur svo sem álegg um 10%. Þetta
verður erfitt fyrir fólk og hefur verið
það í allt sumar. Þá kemur þetta sér-
staklega illa við fólk úti á landi þar
sem bara er ein búð á svæðinu. Þetta
er einfaldlega hroðalegur tími í Ís-
landssögunni,“ segir Fanney við
Morgunblaðið.
Þó hér sé aðallega vitnað til hækk-
ana á íslenskum landbúnaðarvörum
segir Fanney að ástandið hafi síst
verið betra með ýmsar þurrvörur og
aðrar innflutningsvörur. „Það hefur
verið endalaust hringl með þær.
Maður fékk ekki reikning í sumar
nema það væru einhverjar breyting-
ar. Hjá sumum birgjunum okkar
hafa verið tvær til þrjár verðhækk-
anir í ár, oft um 3-4% í hvert skipti.“
Fanney segir að erfitt sé að
kyngja miklum verðhækkunum,
einkum og sér í lagi fyrir litlar sjálf-
stæðar verslanir sem sitji ekki við
sama borð og stórar keðjur. „Við-
skiptasiðferðið er svo skrítið allt
saman. Keðjurnar beita þvingunum í
formi magninnkaupa en við fáum
verðlista frá birgjum sem er stílaður
á „verslanir utan keðja“. Það segir
mér það að einhverjum er stillt upp
við vegg einhvers staðar. Keðjurnar
geta keypt inn í eitt vöruhús fyrir all-
ar sínar verslanir og dreift vörunum
sjálfar. Á sama tíma þurfum við að
sjá um allar pantanir, bókhald, mót-
töku og birgðastjórnun auk þess að
borga flutningskostnað. Og njótum
fyrir verri kjara.“
„Hroðalegar“
verðhækkanir
fyrir almenning
- Kaupmaður á Vopnafirði fær í mag-
ann þegar pantað er inn fyrir verslunina
Kaupmenn Hjónin Fanney Hauks-
dóttir og Eyjólfur Sigurðsson við
verslunina Kauptún á Vopnafirði.
Helgi Bjarnason
helgi@mbl.is
Stjórnendur útgerða eru bjartsýnir
á síldarvertíðina. Veiðar á norsk-ís-
lensku síldinni hófust snemma í
mánuðinum og er vertíðin komin vel
í gang hjá sumum útgerðum og
vinnslum en aðrar eru enn að ljúka
vinnslu á síðustu makrílförmunum
og taka á móti fyrstu síldinni.
Ágæt síldveiði hefur verið í Hér-
aðsflóa. „Menn eru bjartsýnir á að
veiðin þarna verði svipuð og í fyrra.
Það yrði gott ef hún veiðist þarna
fram í nóvember,“ segir Eyþór
Harðarson, útgerðarstjóri Ísfélags
Vestmannaeyja. Fyrirtækið er að fá
síldarfarma til vinnslu á Þórshöfn og
í Eyjum.
Vonast til að fá að geyma
kvóta
Haft er eftir Sturlu Þórðarsyni,
skipstjóra á Beiti frá Neskaupstað,
að töluvert af síld sé á miðunum.
Þeir fengu afla í norðurkanti Seyð-
isfjarðardýpis og í Héraðsflóa. Skip
Síldarvinnslunnar og samstarfsfyr-
irtækja hafa verið að landa síld frá
því í upphafi mánaðarins en sam-
hliða hafa verið teknir til vinnslu
einstaka túrar af makríl úr Smug-
unni.
Í gær var verið að landa afla úr
síðasta heila makríltúrnum úr Álsey
hjá Ísfélaginu og von var á Heimaey
til vinnslu fyrirtækisins á Þórshöfn.
Þar með lýkur makrílvertíð Ís-
félagsins. Eyþór segir að ekki hafi
tekist að ljúka alveg við kvótann en
ef leyfi fáist til að geyma nægilega
mikinn kvóta til næsta árs, komist
útgerðin nokkurn veginn í skjól með
kvótann. „Það eru miklar siglingar
og mikið fyrir makrílnum haft. En
einhvern veginn hefst þetta. Skipin
vinna saman og senda eitt í einu til
löndunar og með því móti höfum við
náð að vinna stóran hluta aflans til
manneldis,“ segir Eyþór.
Morgunblaðið/Börkur Kjartansson
Síldveiðar Ein vertíð tekur við af annarri. Uppsjávarskipin eru að hætta makrílveiðum og hefja veiðar á norsk-
íslenskri síld. Síðan tekur íslenska sumargotssíldin við. Svo vonast sjómenn eftir að góð loðnuvertíð hefjist í desember.
Veiðar á norsk-ís-
lenskri síld byrja vel
- Ágætur afli á Héraðsflóa - Makrílvertíðin er að fjara út
Höskuldur Daði Magnússon
hdm@mbl.is
„Það er engin neyð hérna en fólk
langar í meiri stemningu. Við viljum
bara sáldra smá jákvæðu kryddi í
hverfið,“ segir Ólafur Örn Ólafsson,
veitingamaður og íbúi í Hlíðunum.
Fjölmargir íbúar í hverfinu komu
saman síðdegis í gær á horni Máva-
hlíðar og Lönguhlíðar í tengslum
við átakið „Líf í Lönguhlíð“. Tæp-
lega 600 manns höfðu í gær lagt
nafn sitt við undirskriftalista átaks-
ins. Skipuleggjendur áætla að um
sex þúsund búi í hverfinu. Ætlunin
er að óska eftir fundi með borgaryf-
irvöldum á næstunni til að ýta undir
breytingar.
„Hér var einu sinni búð á hverju
horni en sú er ekki raunin nú. Þetta
hefur ekki gerst á einni nóttu en það
hefur gleymst í skipulaginu að
verslunarrými séu verslunarrými,“
segir Ólafur sem er einn aðstand-
enda átaksins ásamt Haraldi Ara
Stefánssyni leikara og Jökli Sól-
berg.
Hann segir að það sé óheppilegt
að þurfa að setjast upp í bíl til að
sækja alla þjónustu. „Við erum af-
girt af allskonar stórum götum og
flestalla þjónustu þurfum við að
sækja yfir þessar götur. Við erum
því ekkert að fara að gera það
gangandi. Þetta snýr að umhverfis-
sjónarmiðum en er ekki síður sam-
félagsmál. Ef ég þarf að fara á bíln-
um til að fara í matvöruverslun eða
til skósmiðsins hitti ég síður ná-
granna mína. Ef allir væru meira og
Sjá tækifæri til breytinga í Hlíðunum
minna labbandi innan hverfisins
væri meiri samfélagsbragur hér.
Þetta er til að mynda óheppilegt
fyrir gamla fólkið sem getur ein-
angrast hér.“
Hann bendir á að gert sé ráð fyrir
verslunarrýmum og kjörnum í nýj-
um hverfum og í eldri hverfum hafi
síðustu ár mál þróast til betri vegar.
„Til dæmis í Laugarnesinu og Vest-
urbænum. Svo er Hólahverfið í
Breiðholti fullkomið upp á þetta.“
Ólafur segir að Langahlíð sé skil-
greind sem borgargata sem þýðir
að hún eigi að vera hugguleg og fín.
„En það hefur ekkert gerst lengi.
Hjólastígar eru löngu úreltir og um-
ferðarhraðinn er enn mjög hár, eða
50. Það eru mörg tækifæri hérna til
breytinga.“
- Margir skrifa undir undirskriftalistann „Líf í Lönguhlíð“ - Krefjast fundar með borgaryfirvöldum
Morgunblaðið/Kristinn Magnússon
Líf Íbúar krefjast skipulagsbreytinga, eftirlits og framkvæmda í Lönguhlíð. Krafist er að borgin sinni Lönguhlíð sem er borgargata samkvæmt skipulagi.