Morgunblaðið - 28.10.2022, Síða 11

FRÉTTIR 11Innlent
MORGUNBLAÐIÐ FÖSTUDAGUR 28. OKTÓBER 2022
RÆSTINGAR OG
TENGD ÞJÓNUSTA ER
OKKAR SÉRGREIN
Góður starfsandi er
okkar hjartans mál
Dalshraun 6 | 220 Hafnarfjörður | 581 4000 | solarehf.is | solarehf@solarehf.is
Umhverfis- og skipulagsráð
Reykjavíkur hefur samþykkt að
láta gera breytingar á gjaldsvæðum
bílastæða í borginni. Niðurstöður
talninga sýna mikla og stöðuga nýt-
ingu bílastæða á jöðrum gjald-
svæða, sem gefa tilefni til að
stækka gjaldsvæði á tilgreindum
stöðum í samræmi við verklags-
reglur, segir í tilkynningu frá borg-
inni. Einkum er um að ræða stækk-
un á gjaldsvæði 2, en einnig á
gjaldsvæði 1 og 3.
Gjaldskylda á svæðunum er al-
mennt frá kl. 10-18 virka daga og
10-16 á laugardögum. Á svæði 1
kostar klukkutíminn 410 krónur,
210 kr. á svæði 2 og 210 kr. fyrstu
tvo klukkutímana á svæði 3, annars
60 kr. eftir það.
Tillögu ráðsins hefur verið vísað
til borgarráðs. Þá hefur tillagan
verið borin undir og hlotið sam-
þykki lögreglunnar á höfuðborgar-
svæðinu. Munu breytt gjaldsvæði
ekki taka gildi fyrr en eftir sam-
þykki borgarráðs og birtingu
þeirra.
Áður en farið verður að inn-
heimta gjald í samræmi við tillög-
una verður komið upp viðeigandi
merkingum og greiðslubúnaði þar
sem þörf er á, segir í tilkynning-
unni.
Mesta breytingin á svæði 2
Á gjaldsvæði 1 bætist aðeins við
Grettisgata á milli Rauðarárstígs
og Snorrabrautar.
Á gjaldsvæði 2 bætast við Hrann-
arstígur, Öldugata, Bárugata, Rán-
argata og Vesturgata á milli Ægis-
götu og Stýrimannastígs. Aðrir
hlutar Stýrimannastígs bætast við
svæði 2. Hið sama á við um Blóm-
vallagötu, Ásvallagötu og Sólvalla-
götu austan Hofsvallagötu, sem og
Hávallagötu milli Hofsvallagötu og
Blómvallagötu. Þá bætist við Tjarn-
argata frá nr. 33 að Hringbraut,
Bjarkargata, Baldursgata frá
Freyjugötu að Skólavörðustíg,
Lokastígur og Þórsgata austan
Baldursgötu og loks inngarður af-
markaður af Laugavegi, Rauðarár-
stíg og Bríetartúni; Skúlagarður.
Á gjaldsvæði 3 bætast við Bald-
ursgata og Bragagata frá Nönnu-
götu að Freyjugötu, og svo Freyju-
gata frá Baldursgötu að Njarðar-
götu. Engar breytingar verða á
gjaldsvæði 4 en breytingar sjást
nánar á meðfylgjandi korti.
Íbúar á gjaldskyldum svæðum
geta áfram sótt um íbúakort, að
uppfylltum vissum skilyrðum, sem
veitir þeim stæði án endurgjalds.
Fleiri götur í borginni
lagðar undir gjaldsvæði 2
- Tillaga umhverfis- og skipulagsráðs fer fyrir borgarráð
Stækkanir gjaldsvæða bílastæða í Reykjavík*
/ Gjaldsvæði 1 Stækkun
Gjaldsvæði 2 Stækkun
Gjaldsvæði 3 Stækkun
Gjaldsvæði 4
Kort/heimild: Reykjavíkurborg
Tjörnin
*Tillaga bíður samþykkis borgarráðs
„Markmiðið er að fá fleiri til að
synda og alla til að synda meira,“
segir Linda Laufdal, verkefnastjóri
hjá Íþrótta- og ólympíusambandi Ís-
lands (ÍSÍ), um landsátak í sundi
sem hefst 1. nóvember og stendur út
mánuðinn. Slíkt átak var fyrst gert í
nóvember á síðasta ári og tókst vel.
2.576 tóku þátt og syntu alls vega-
lengd sem svarar til þess að synt
hafi verið 11,6 sinnum hringinn í
kringum landið, miðað við Hring-
veginn. Ætlunin er að gera betur í
ár.
ÍSÍ stendur fyrir þessu landsátaki
í sundi, Syndum, í samvinnu við
Sundsamband Íslands. Syndum er
heilsu- og hvatningarátak sem ætlað
er að hvetja almenning til að hreyfa
sig oftar og meira í sínu daglega lífi
og nota meðal annars sund til þess.
Linda segir einstakt að Íslend-
ingar eigi jafn margar góðar sund-
laugar og raun ber vitni. Margir fari
í laugarnar án þess að synda. Vert sé
að hvetja fólk til þess að nota ferðina
til að hreyfa sig aðeins, þó ekki sé
nema að synda tvö hundruð metr-
ana, og það geti síðan farið í heita
eða kalda pottinn á eftir.
Þeir sem vilja taka þátt í átakinu
geta skráð sundferðir sínar og hvað
synt er langt hverju sinni inn á vef
átaksins, syndum.is. Í lok mánaðar-
ins verður hægt að sjá hvað lands-
menn hafa synt langt. Eins verður ef
til vill hægt að sjá hvaða laugar hafa
vinninginn. Í fyrra var lengsta heild-
arvegalengdin skráð á Sundlaug
Kópavogs en þegar bætt var við
þeim sem skráðu sig á lista á sund-
stöðunum náði Sundlaug Akureyrar
forystunni og stóð því uppi sem
sigurvegari. helgi@mbl.is
Morgunblaðið/Eggert
Syndum Landsátaki um aukna hreyfingu verður ýtt formlega úr vör næst-
komandi þriðjudag, 1. nóvember, og stendur það út mánuðinn.
Reynt að slá sund-
met frá síðasta ári