Morgunblaðið - 14.11.2022, Síða 26

ÍÞRÓTTIR26
MORGUNBLAÐIÐ MÁNUDAGUR 14. NÓVEMBER 2022
FH-ingar á
miklu flugi
Ljósmynd/Þórir Tryggvason
Gegnumbrot Einar Bragi Aðalsteinsson skorar eitt sjö marka sinna á
Akureyri í gærkvöldi. Einar Birgir Stefánsson reynir að stöðva hann.
l Stjörnumenn sannfærandi á Selfossi
HANDBOLTINN
Jóhann Ingi Hafþórsson
johanningi@mbl.is
FH vann sinn fimmta sigur í röð í
Olísdeild karla í handbolta í gær er
liðið gerði góða ferð til Akureyrar
og fagnaði 30:27-útisigri á KA. FH
var án sigurs eftir fjórar umferðir í
deildinni, en hefur síðan unnið alla
sína leiki.
FH-ingar lögðu grunninn að
sigrinum með afar góðum fyrri
hálfleik, en sjö mörkum munaði á
liðunum í hálfleik, 19:12. KA neitaði
að gefast upp í seinni hálfleik og
tókst að minnka muninn í eitt mark,
23:22, þegar skammt var eftir.
FH-ingar voru hins vegar sterkari í
blálokin. KA er í basli, því liðið hef-
ur aðeins fengið eitt stig úr síðustu
fjórum leikjum.
Birgir Már Birgisson og Einar
Bragi Aðalsteinsson skoruðu sjö
mörk hvor fyrir FH. Phil Döhler var
afar sterkur í markinu og varði 16
skot. Einar Rafn Eiðsson, sem lék
áður með FH, skoraði sex fyrir KA.
Tveir í röð hjá Stjörnunni
Stjarnan vann sinn annan sigur
í röð er liðið heimsótti Selfoss og
fór með sannfærandi 35:22-sigur af
hólmi. Stjarnan náði undirtökunum
snemma leiks og var sigurinn aldrei
í hættu. Þórður Tandri Ágústsson
og Hergeir Grímsson skoruðu sex
mörk hvor fyrir Stjörnuna og Guð-
mundur Hólmar Helgason og Ísak
Gústafsson skoruðu fimm hvor fyrir
Selfoss, sem hefur tapað tveimur
leikjum í röð. Stjarnan er í fimmta
sæti með ellefu stig og Selfoss í
sjöunda með níu.
Nýliðarnir nálægt
fyrsta stiginu
Nýliðar Harðar frá Ísafirði hafa
aldrei verið eins nálægt því að ná í
sitt fyrsta stig í efstu deild, en liðið
varð að lokum að sætta sig við tap
með minnsta mun gegn Fram á
heimavelli sínum, 31:32.
Harðarmenn léku vel í fyrri
hálfleik og var staðan eftir hann
18:16, heimamönnum í vil. Framarar
voru snöggir að jafna og komast
yfir í seinni hálfleik, en gestirnir úr
Úlfarsárdal áttu í miklum vand-
ræðum með að hrista Hörð af sér.
Var staðan 30:29 þegar skammt var
eftir, en þá skoruðu Framarar tvö
mörk í röð, sem að lokum nægði til
sigurs.
Ívar Logi Styrmisson skoraði níu
mörk fyrir Fram og Lettinn Endijs
Kusners skoraði sjö fyrir Harðar-
menn.
Hörður er enn á botninum og án
stiga eftir níu leiki. Á meðan halda
Framarar áfram að spila vel og eru
þeir bláklæddu í öðru sæti með 13
stig, aðeins einu stigi á eftir Íslands-
meisturum Vals, sem eiga þó leik til
góða á Framliðið.
Rúnar fór á kostum í Eyjum
ÍBV vann kærkominn 34:31-sigur
á Gróttu í Vestmannaeyjum. Eyja-
menn höfðu tapað tveimur deildar-
leikjum í röð, sem voru fyrstu töp
liðsins í deildinni á leiktíðinni.
Staðan í hálfleik var 16:15, ÍBV í
vil. Grótta byrjaði vel í seinni hálf-
leik og komst í 19:17 og var staðan
22:22 þegar seinni hálfleikur var
hálfnaður. Þá tóku Eyjamenn við
sér og sigldu góðum sigri í höfn.
Rúnar Kárason fór á kostum fyrir
ÍBV og skoraði 11 mörk, sjö mörkum
meira en næstu leikmenn ÍBV. Þor-
geir Bjarki Davíðsson skoraði sjö
mörk fyrir Gróttu. Einar Baldvin
Baldvinsson varði 16 skot í markinu.
„Vinstri bakvörðurinn Birgir
Baldvinsson hefur skrifað
undir þriggja ára samning við
knattspyrnudeild KA. Birgir nýtti
sér uppsagnarákvæði í samningi
sínum við Akureyrarfélagið í síðasta
mánuði eftir að hafa leikið sem
lánsmaður hjá Leikni úr Reykjavík
á síðasta tímabili, þar sem hann
stóð sig vel. Báðir aðilar voru þó
áhugasamir um að halda samstarf-
inu áfram.
„Landsliðskonan Andrea Jacobsen
og stöllur í EH Álaborg unnu eins
marka, 26:25, útisigur á Holstebro í
dönsku B-deildinni í handknattleik í
gær. Andrea átti skínandi fínan leik
fyrir Álaborg og skoraði átta mörk,
mest allra.
„Þrír Íslendingar verða á meðal
keppenda á heimsmeistaramótinu
í kraftlyftingum sem hefst í Viborg
í Danmörku í dag. Sóley Margrét
Jónsdóttir keppir í +84 kg flokki
en hún er að keppa á HM í fjórða
sinn. Alex Cambray Orrason keppir
í -93 kg flokki en hann er á leið á
sitt fyrsta heimsmeistaramót. Þá
verður Guðfinnur Snær Magnússon
eini Íslendingurinn í +120 kg flokki
þar sem Júlían J.K. Jóhannsson
þurfti að draga sig úr keppni vegna
meiðsla. Alex Cambray keppir fyrstur
Íslendinganna eða 16. nóvember
og Sóley og Guðfinnur keppa 19.
nóvember.
„Knattspyrnukonan Katrín
Ásbjörnsdóttir er gengin til liðs
við Breiðablik.
Katrín, sem er 29
ára gömul, kemur
til félagsins frá
Stjörnunni. Fram-
herjinn skrifaði
undir tveggja
ára samning í
Kópavoginum en
hún hefur einnig
leikið með KR
og Þór/KA á ferlinum. Alls á hún að
baki 172 leiki í efstu deild þar sem hún
hefur skorað 77 mörk og þá á hún að
baki 19 A-landsleiki fyrir Ísland þar
sem hún hefur skorað eitt mark.
„Viggó Kristjánsson átti afar
góðan leik fyrir Leipzig er liðið vann
sannfærandi 33:23-heimasigur á
England
Manchester City – Brentford..................... 1:2
Bournemouth – Everton ........................... 3:0
Liverpool – Southampton .......................... 3:1
Nottingham F. – Crystal Palace ................ 1:0
Tottenham – Leeds .....................................4:3
West Ham – Leicester ................................0:2
Newcastle – Chelsea ................................... 1:0
Wolves – Arsenal .........................................0:2
Brighton – Aston Villa ................................ 1:2
Fulham – Manchester United ................... 1:2
Staðan:
Arsenal 14 12 1 1 33:11 37
Man. City 14 10 2 2 40:14 32
Newcastle 15 8 6 1 29:11 30
Tottenham 15 9 2 4 31:21 29
Man. Utd 14 8 2 4 20:20 26
Liverpool 14 6 4 4 28:17 22
Brighton 14 6 3 5 23:19 21
Chelsea 14 6 3 5 17:17 21
Fulham 15 5 4 6 24:26 19
Brentford 15 4 7 4 23:25 19
Crystal Palace 14 5 4 5 15:18 19
Aston Villa 15 5 3 7 16:22 18
Leicester 15 5 2 8 25:25 17
Bournemouth 15 4 4 7 18:32 16
Leeds 14 4 3 7 22:26 15
West Ham 15 4 2 9 12:17 14
Everton 15 3 5 7 11:17 14
Nottingham F. 15 3 4 8 11:30 13
Southampton 15 3 3 9 13:27 12
Wolves 15 2 4 9 8:24 10
B-deild:
Burnley – Blackburn ...............................3:0⚫Jóhann Berg Guðmundsson kom inn á hjá
Burnley á 88. mínútu.
Ítalía
Verona – Spezia .......................................... 1:2⚫Mikael Egill Ellertsson kom inn á hjá Spezia
á 82. mínútu.
B-deild:
Genoa – Como ...............................................1:1⚫Albert Guðmundsson lék fyrstu 62 mín-
úturnar með Genoa.
Holland
Go Ahead Eagles – Vitesse ......................2:2⚫Willum Þór Willumsson lék allan leikinn
með GA Eagles.
Belgía
B-deild:
Beerschot – Virton ...................................3:0⚫Nökkvi Þeyr Þórisson lék fyrstu 77 mín-
úturnar með Beerschot og skoraði.
Molenbeek – Lommel ............................... 5:0⚫Kolbeinn Þórðarson kom inn á hjá Lommel
á 72. mínútu.
Pólland
Slask Wroclaw – Legia Varsjá ..............0:0⚫Daníel LeóGrétarsson lék allan leikinnmeð
Slask Wroclaw.
Grikkland
PAOK – Volos .............................................3:0⚫Sverrir Ingi Ingason lék allan leikinn með
PAOK.
Panathinaikos – Atromitos .................... 2:0⚫Hörður BjörgvinMagnússon lék allan leik-
inn með Panathinaikos og skoraði.⚫Viðar Örn Kjartansson lék fyrstu 64 mín-
úturnar með Atromitos. Samúel Kári Frið-
jónsson leysti hann af hólmi.
Ungverjaland
Honvéd – Ferencváros ............................0:2⚫Viðar Ari Jónsson lék allan leikinn með
Honvéd.
Danmörk
Randers – Midtjylland ............................0:0⚫Elías Rafn Ólafsson var ónotaður varamað-
ur hjá Midtjylland.
AGF – Köbenhavn .....................................0:2⚫Mikael Anderson lék fyrstu 75mínúturnar
með AGF.⚫Hákon Arnar Haraldsson lék fyrstu 63
mínúturnar með Köbenhavn og Ísak B. Jó-
hannesson kom inn á lokamínútunni. Orri
Steinn Óskarsson var ónotaður varamaður.
Svíþjóð
Umspil um sæti í úrvalsdeild, seinni leikur:
Varberg – Öster ..........................................2:1⚫Oskar Tor Sverrisson lék ekkimeðVarberg
vegna meiðsla.⚫Alex Þór Hauksson lék allan leikinn með
Öster.
Varberg vann, 4:2 samanlagt.
Umspil um sæti í B-deild, seinni leikur:
Örgryte – Sandviken .................................2:3⚫Brynjar Björn Gunnarsson þjálfar Örgryte
sem vann, 4:3 samanlagt.
Noregur
Rosenborg – Sarpsborg ............................2:3⚫Kristall Máni Ingason kom inn á hjá Ros-
enborg á 59. mínútu.
Kristiansund – Jerv ...................................1:1⚫BrynjólfurWillumsson lék allan leikinnmeð
Kristiansund og skoraði.
Strömsgodset – Bodö/Glimt ...................2:4⚫Ari Leifsson var ekki í leikmannahópi
Strömsgodset.⚫Alfons Sampsted lék allan leikinn með
Bodö/Glimt.
Vålerenga – Molde .................................... 1:2⚫Brynjar Ingi Bjarnason lék allan leikinn
með Vålerenga.
Úrslitaleikur um sæti í úrvalsdeild:
Start – Kongsvinger ..................................0:1⚫Bjarni Mark Antonsson lék allan leikinn
með Start.
Valskonur áfram
með fullt hús
stiga á toppnum
Valskonur eru enn með fullt hús á
toppi Olísdeildar kvenna í handbolta
eftir öruggan 28:20-útisigur á HK á
laugardag, er heil umferð fór fram.
Liðin í fjórum efstu sætunum mættu
þá liðunum í fjórum neðstu sæt-
unum. Valur var með 15:11-forskot
í hálfleik í Kórnum og bætti jafnt
og þétt í forskotið í seinni hálfleik.
Mariam Eradze var markahæst hjá
Val með átta mörk úr átta skotum.
Hjá HK skoraði Inga Dís Jóhanns-
dóttir mest, fimm mörk. HK er í
botnsætinu með aðeins einn sigur í
fyrstu sex leikjunum.
Stjarnan á góðu skriði
Stjörnukonur hafa unnið alla sína
leiki, að undanskildum toppslag við
Val. Þær höfðu betur gegn grönn-
um sínum í Haukum í Garðabæn-
um. Staðan í hálfleik var 16:12,
Stjörnunni í vil, og héldu heimakon-
ur forskotinu allan seinni hálfleik-
inn. Stjarnan náði mest átta marka
forskoti í seinni hálfleik og sigldi að
lokum þægilegum sigri í höfn, 36:31.
Lena Margrét Valdimarsdóttir
skoraði sjö mörk fyrir Stjörnuna
og þær Helena Rut Örvarsdóttir og
Stefanía Theodórsdóttir gerðu sex
mörk hvor. Berglind Benediktsdóttir
og Natasja Hammer skoruðu sex
mörk hvor fyrir Hauka. Tímabilið
hefur verið erfitt hjá Haukum, því
líkt og HK hefur liðið aðeins unnið
einn leik af fyrstu sex.
Endurkoma á Akureyri
Á Akureyri mættust Íslandsmeist-
arar síðustu tveggja ára, KA/Þór
og Fram. Norðankonur virtust ætla
að rúlla yfir Framara á heimavelli
Morgunblaðið/Óttar
Toppliðið Thea Imani Sturludóttir sækir að marki HK-inga á laugardag.
lStjarnan fylgirVal eins og skugginn
lEfstu fjögur liðin unnu neðstu fjögur
sínum, því staðan í hálfleik var 17:12,
KA/Þór í vil. Allt annað Framlið
mætti hins vegar til leiks í seinni
hálfleik og urðu lokatölur 35:24,
Fram í vil. Fram vann því seinni
hálfleikinn 23:7 og leikinn í leiðinni
örugglega.
Landsliðskonurnar Steinunn
Björnsdóttir og Perla Ruth Alberts-
dóttir skoruðu sjö mörk hvor fyrir
Fram. Rut Arnfjörð Jónsdóttir,
liðsfélagi Steinunnar og Perlu í
landsliðinu, skoraði níu fyrir KA/
Þór. Fram er í þriðja sæti deildar-
innar með átta stig, eftir þrjá sigra
í röð, en KA/Þór er í fimmta sæti
með fjögur, eftir tvö töp í röð.
ÍBV vann Suðurlandsslaginn
Loks vann ÍBV 32:27-sigur á
heimavelli gegn nýliðum Selfoss í
Suðurlandsslag. Staðan í hálfleik var
19:12, ÍBV í vil, og sigldu Eyjakonur
öruggum sigri í höfn í seinni hálfleik.
Hrafnhildur Hanna Þrastardóttir
fór á kostum fyrir ÍBV og skoraði
11 mörk. Katla María Magnúsdóttir
skoraði sjö mörk fyrir Selfoss og
þær Tinna Sigurrós Traustadóttir,
Ásdís Þóra Ágústsdóttir og Rakel
Guðjónsdóttir fimm hver.
ÍBV hefur unnið þrjá leiki af síð-
ustu fjórum og er í fjórða sæti með
átta stig, eins og Fram. Selfoss er
aðeins með einn sigur, líkt og HK og
Haukar, og eru þau í þremur neðstu
sætunum.
Umferðin á laugardag sýndi svart
á hvítu hvers vegna liðin eru á þeim
stað sem þau eru á í deildinni og má
skipta henni í tvennt. Efstu fjögur
liðin vinna í langflestum tilvikum
liðin sem eru í fjórum neðstu, því
nokkuð mikill getumunur er á milli
bestu liða deildarinnar og þeirra
lakari.
HANDBOLTINN
Jóhann Ingi Hafþórsson
johanningi@mbl.is