Morgunblaðið - 21.11.2022, Qupperneq 8

FRÉTTIR
Innlent8
MORGUNBLAÐIÐ MÁNUDAGUR 21. NÓVEMBER 2022
Fiskislóð • Bíldshöfði • Smáratorg • Helluhraun • Baldursnes • www.gaeludyr.is
Jólagjafir
gæludýranna
færðu hjá
okkur
Ríflega helmingur frá Tuborg
lMinni sala á jólabjór fyrstu tvær
vikurnar í ár en á sama tíma í fyrra
Minni sala var á jólabjór í
Vínbúðum ÁTVR fyrstu tvær
vikurnar á nýhöfnu sölutímabili
en á sama tíma í fyrra. Sala hófst
í Vínbúðunum fimmtudaginn 3.
nóvember síðastliðinn. Fyrstu
tvær vikurnar í fyrra, frá fimmtu-
degi til og með miðvikudegi, var
salan um 251 þúsund lítrar. Í ár
nam salan frá fimmtudegi til og
með miðvikudegi, 3.-16. nóvember,
232.800 lítrum. Samdráttur í sölu
nemur alls 7,3%.
Rétt eins og fyrri ár er Tuborg
julebryg langvinsælasti jólabjór-
inn hér á landi. Alls voru tæp 56%
allra jólabjóra sem seldust fyrstu
tvær vikurnar í Vínbúðunum
Tuborg julebryg. Það er nokkru
meira en á sama tímabili í fyrra en
þá var 50% allra jólabjóra Tuborg.
Næstvinsælasti jólabjórinn í ár er
Víking jólabjór en sá þriðji vinsæl-
asti er Gull lite jól white ale.
Alls eru 99 tegundir jólabjórs til
sölu í Vínbúðunum að þessu sinni.
Þar af eru 73 íslenskar tegund-
ir en 26 erlendar. Þær íslensku
voru 76 í fyrra en þær erlendu 32.
Framboð á jólabjórum hefur auk-
ist hratt síðustu ár. Árið 2015 voru
34 tegundir í boði og framboðið
náði hámarki í fyrra með 108
tegundum.
Morgunblaðið/Eggert
Gleði Komu jólabjórsins var fagnað
á krám í miðborg Reykjavíkur.
Höskuldur Daði Magnússon
hdm@mbl.is
Vopnfirðingar sigr-
uðu í legókeppninni
Liðið Dodici úr Vopnafjarðarskóla
fór á laugardag með sigur af hólmi
í hinni árlegu tækni- og hönnunar-
keppni First Lego League. Keppnin
er á vegum Háskóla Íslands og er
ætlað að efla færni og lausnamið-
aða hugsun hjá grunnskólanemum.
Keppnin hefur verið haldin um
árabil en féll niður árið 2020 og var
á netinu í fyrra sökum heimsfar-
aldursins, Orkunýting og auðlindir
jarðar var þemað í ár. Þau 15 lið
sem skráð voru til leiks fengust því
við fjölbreytt verkefni og þrautir
þeim tengd. Sem dæmi fengu
krakkarnir það verkefni að að for-
rita vélmenni úr tölvustýrðu legói.
Að auki voru verðlaun veitt fyrir
einstaka hluta keppninnar. Verð-
laun fyrir bestu liðsheildina hlaut
AI-liminati úr Landakotsskóla, fyrir
besta nýsköpunarverkefnið vann
Z.E.L.J.K.O. úr Garðaskóla, fyrir
bestu forritun og hönnun vélmennis
vann Hleðzlan úr Brúarásskóla á
Fljótsdalshéraði og fyrir vélmenna-
kappleik vann Dodici.
Með sigrinum öðlaðist Dodici
þátttökurétt í úrslitakeppninni:
First Lego League Skandinavia sem
verður haldin í Ósló þann 3. des nk.
ari@mbl.is
Morgunblaðið/Óttar
Fagnað Með sigrinum öðlaðist Dodici þátttökurétt í úrslitakeppni í Ósló.
STAKSTEINAR
Umhverfisbruðl?
Frjálst land á blog.is fjallar um
ýmsar aðgerðir sem eiga að
vera í þágu umhverfisins og er
fjarri því sannfært um gagnsem-
ina. „Hringrásarhagkerfið“ er sagt
„enn ein flækjan af 4 draumóra-
kenndum EES-tilskipunum. Lögin
eru tískulög umhverfispresta og
Brussel sniðin að þéttbýlum meng-
uðum svæðum. Kostnaðurinn á
sveitarfélögin (Mbl. 17.11.2022) og
heimilin verður mikill og óþarfur.
Eins og lengi hefur verið þekkt
er besta almenna aðferðin við að
hringrása sorpi að urða það þar
sem lífríki jarðvegsins brýtur
það niður og býr til nýjan jarðveg
skattgreiðendum og heimilum að
kostnaðarlausu.“
Skattafsláttur rafbíla er einnig
ræddur og sagt: „Rafbíla-
bruðlið á nú að framlengja og láta
almenning borga milljarðafjöld
(Mbl. 16.11.2022) fyrir eigendur
þungra, mengandi og vegslítandi
rafhlöðubíla. Eigendur venjulegra
bíla eiga svo náðarsamlegast að
fá að borga veggjöld ofan á allar
álögurnar á eldsneytið og bílana
þeirra. Þykkum bunkum af gagns-
lausum EES-lögum um „loftslags-
mál“ og „kolefnishlutleysi“
hefur Alþingi komið á landsmenn,
síðasta vitfirringin var samþykkt
í fyrra og verið að söðla á lands-
menn nú.“
Loks segir Frjálst land: „Um-
hverfistrúarprestarnir, og
okkar máttlausi löggjafi sem
hlýðir hverjum draumi á fætur
öðrum frá Brussel, afsakar vax-
andi áþján, skattlagningu og bruðl
með því að verið sé að berjast gegn
hlýnun loftslags. Það er óskamm-
feilin rangfærsla byggð á vísinda-
fölsunum.“
Hægt er að lýsa skoðun á ritstjórnar-
greinum Morgunblaðsins á slóðinni
www.mbl.is/mogginn/leidarar