Morgunblaðið - 28.12.2022, Síða 6

FRÉTTIR
Innlent6
MORGUNBLAÐIÐ MIÐVIKUDAGUR 28. DESEMBER 2022
0
27.12-10.01
Gert er ráð fyrir bættum hag í
rekstri sjö stærstu sveitarfélaga
landsins á næsta ári. „Engu að síð-
ur benda fjárhagsáætlanir þessara
sjö stærstu sveitarfélaga landsins til
þess að halli verði á rekstri sveitar-
félaga á næsta ári sem yrði þar með
fjórða árið í röð með halla. Er það
einsdæmi í sögunni.“ Þetta kem-
ur fram á minnisblaði sviðsstjóra
hag- og upplýsingasviðs Sambands
íslenskra sveitarfélaga um fjárhags-
áætlanir stærstu sveitarfélaganna
fyrir árið 2023, sem lagt var fram
á fundi stjórnar sambandsins um
miðjan desember.
Útkomuspár fyrir yfirstandandi
ár benda til að halli verði á rekstri
A-hluta sveitarfélaganna sjö upp á
um 15,5 milljarða í ár. Það eru 4,9%
af tekjum og skiptir tæplega 15,3
milljarða kr. hallinn hjá Reykjavíkur-
borg sköpum en rekstrarafgangur
hinna sveitarfélaganna er neikvæð-
ur um 217 milljónir kr. á árinu. Í
þessum sveitarfélögum búa nær þrír
af hverjum fjórum íbúum landsins
en umsvif Reykjavíkurborgar skera
sig vitaskuld úr og eru tekjur borg-
arinnar t.a.m. meiri en hinna sex
sveitarfélaganna til samans.
Útkomuspá Reykjavíkurborgar
sýnir jafnframt að veltufé frá rekstri
var neikvætt á þessu ári um 2,7% af
tekjum en hin sveitarfélögin öfluðu
veltufjár úr rekstrinum sem nam
8% af tekjum.
Á næsta ári er gert ráð fyrir að
rekstur A-hlutans hjá borginni verði
neikvæður um tæpa sex milljarða
og lækki úr 10% af tekjum í 3,6% og
jafnframt að veltufé fáist úr rekstri
sem nemur 2,2% af tekjum. Bent er
á að samantekið stefni hin sveitarfé-
lögin sex að því að snúa halla í lítil-
legan afgang upp á 893 milljónir eða
0,5% af tekjum.
„Reiknað er með að skuldir og
skuldbindingar í A-hluta þessara sjö
sveitarfélaga muni aukast um 7,5%
og lækki lítillega sem hlutfall af tekj-
um. Mörg sveitarfélaganna stefna að
stórauknum fjárfestingum á næsta
ári. Það á þó ekki við um Reykja-
víkurborg en borgin hefur staðið í
miklum fjárfestingum undanfarin
ár,“ segir m.a. á minnisblaðinu.
lBorgin stefnir að lækkun halla úr 10% í 3,6% af tekjum og hin stærstu sveitarfélögin setja stefnuna á
lítillegan afganglMörg stærstu sveitarfélaganna gera ráð fyrir stórauknum fjárfestingum á næsta ári
Útlit fyrir halla fjögur ár í röð
Ómar Friðriksson
omfr@mbl.is Rekstrarniðurstaða sjö stærstu sveitarfélaganna
Útkomuspá fyrir 2022 og fjárhagsáætlun 2023
Heimild: SambandíÍslenskra sveitarfélaga
Milljónir kr. Útkomuspá
2022
Fjárhagsáætlun
2023 Breyting
Skatttekjur 235.162 256.629 9,1%
Heildartekjur 313.222 338.748 8,1%
Laun, tengd gjöld og
br. lífeyrisskuldbindingar 181.761 192.153 5,7%
Gjöld 299.564 316.139 5,5%
Fjármunatekjur – gjöld -15.086 -12.078
Rekstrarniðurstaða -15.496 -5.089
Skuldir og skuldbindingar 371.855 400.047 7,6%
Hinn hefðbundni tími bókaskiptanna
Jólin eru hátíð hefðanna, og víst er að það getur
alltaf hent fólk að fá fleiri en eitt eintak af sömu
bókinni að gjöf, sér í lagi þeim allra vinsælustu.
Nokkur erill var því í verslun Eymundssonar í
Kringlunni í gær þegar fólk vildi skipta jólabókun-
um sínum.
Erill í bókabúðum landsins eftir jól
Morgunblaðið/Árni Sæberg
Mannskapur á um 30 vinnuvélum,
litlum sem stórum, vann í gær við
snjómokstur og ruðning í Sveitar-
félaginu Árborg. Mikið snjóaði þar
í bæ um jólin og viðbragð nú er
samkvæmt aðstæðum. Kapp hefur
verið lagt á að opna stofnbrautir
og fjölfarnari leiðir og svo er farið
í íbúðagöturnar. Mikill jafnfallinn
snjór er á Selfossi svo leiðir eru
torfærar og sumstaðar ná skaflar
alveg upp á þak húsa. Á Eyrar-
bakka er líka mikið vetrarríki. Þar
háttar svo til að snjór af mýrunum
ofan við byggðina fýkur að húsum
svo dregur í skafla. Eru sumir svo
háir að sumstaðar eru hús nánast
fennt í kaf. Í sumum þeirra hefur
fólk þurft að grafa sig út. Þorpið er í
rauninni týnt í sköflum.
Vegna stöðu mála var í gær-
morgun haldinn fundur í almanna-
varnaráði Árborgar. Þangað mættu
bæjarstjóri, fulltrúar björgunar-
sveita í Sveitarfélaginu Árborg,
fulltrúar lögreglu og fulltrúar frá
þjónustumiðstöð Árborgar. Farið
var yfir aðstæður fólks og hvaða
aðgerðir þarf svo sem við snjó-
mokstur, sorphiðu og fleira.
„Nú gildir bara að taka þessu af
æðruleysi. Hér erum við öll sam-
taka í því að láta hlutina ganga upp.
Björgunarsveitir aðstoða við ýmis-
legt og starfsfólk sveitarfélagsins er
í ýmsum aðgerðum sem spretta af
þessu ástandi. Nú bara gildir hér að
moka meiri snjó eins og hljómsveit
héðan frá Selfossi söng í gamla
daga,“ segir Fjóla St. Kristinsdóttir,
bæjarstjóri í Árborg, í samtali við
Morgunblaðið.
Mikill snjór er einnig á Suðurnesj-
um. Í samtali við mbl.is í gær sögðu
menn í Grindavík að sennilega
þyrfti að fara aftur til 2008 til þess
að finna dæmi um sambærilegar
aðstæður og þar eru nú. Allir helstu
þjóðvegir landsins voru opnir í gær,
en víða er þungfært eða þæfingur,
til dæmis úti í sveitunum.
lMokummeiri snjó, segir bæjarstjórinn
Eyrarbakki er
týndur í sköflum
Morgunblaðið/Kjartan Björnsson
Vetrarríki Í húsi á Eyrarbakka var staðan svona í gær þegar fólk fór úr
húsi sínu. Snjógöng í gegnum skaflinn sem var fyrir forstofudyrunum.
Sigurður Bogi Sævarsson
sbs@mbl.is