Morgunblaðið - 28.12.2022, Page 24

MENNING24
MORGUNBLAÐIÐ MIÐVIKUDAGUR 28. DESEMBER 2022
BYGGINGALAUSNIR
FRAMTÍÐAR
Gæðahús á hagstæðu verði
Miklir möguleikar í stærðum og gerðum einingahúsa
Erum að taka við pöntunum á húsum
til afhendingar vor/sumar 2023
www.tekta.is
Söngsveitin Fílharmónía flytur
Jólaóratoríu Johanns Sebastians
Bach, ásamt hljómsveit og ein-
söngvurum, í kvöld, 28. desember,
kl. 20 í Langholtskirkju.
Þetta er annað stórvirki tón-
skáldsins sem kórstjórinn Magnús
Ragnarsson
tekst á við en
hann stjórnaði
flutningi kórs og
kammersveitar
Langholtskirkju
á Jóhannesar-
passíunni vorið
2021. Tenór-
inn Benedikt
Kristjánsson
túlkaði þar guð-
spjallamanninn og spurði Magnús
Benedikt í kjölfarið hvort þeir ættu
ekki að kýla á Jólaóratóríuna og
varð það úr.
Magnús segir Jólaóratóríuna allt
öðruvísi en Jóhannesarpassíuna. Í
þessu mikla jólatónverki er sagan
af fæðingu frelsarans sögð og því
gleðjast menn og fagna. „Það er
gaman að taka þetta. Jóhannesar-
passían er dramatísk, þung og
rosalega falleg en þessi er miklu
skemmtilegri.“
Hugsuð fyrir sex daga
Jólaóratorían er ekki venjulegt
konsertstykki heldur sex stakar
kantötur sem upphaflega voru
hugsaðar þannig að þær væru
fluttar hver á sínum messudegi,
á jóladag, annan dag jóla, þriðja í
jólum, nýársdag, fyrsta sunnudag í
nýári og á þrettándanum.
„Ég söng fyrir rúmum tutt-
ugu árum með Jóni Stefánssyni,
forvera mínum í Langholtskirkju.
Þá sungum við kantöturnar sex á
réttum messudögum. Það var mjög
eftirminnilegt og skemmtilegt og
gaman að hafa kynnst því,“ segir
Magnús.
Þegar verkið er flutt í heilu lagi
tekur það um þrjá klukkutíma.
Það er því flutt í mismunandi
útfærslum, t.d. nokkrar kantötur
í einu eða valdir hlutar úr hverri
þeirra. Magnús ákvað að halda
öllum kantötunum sex en velja
úr svo þetta yrði ekki of langt. Þó
þannig að frásögn jólaguðspjallsins
héldi sér og flæðið væri áfram gott.
Eins hafði hann í huga að það væri
nóg fyrir alla að gera, bæði kór og
einsöngvara.
„Ég hef sungið hana og heyrt
hana oft en verð að viðurkenna að
ég hef aldrei náð að tengja sérstak-
lega við hana fyrr en ég fór að vinna
með hana sjálfur með einsöngvur-
unum, kórnum og hljómsveitinni.
Ég fór að sjá hvernig maður getur
gert þetta sjálfur og þá datt ég
alveg inn í hana,“ segir Magnús.
„Þetta er áhugavert fyrir Fíl-
harmóníuna sem hefur ekki tekist
á við þessi stóru Bach-verk og lítið
tekist á við Bach í gegnum tíðina.
Þau hafa flutt nokkrar kantötur en
þetta er fyrsta stóra verkið eftir
Bach sem við tökum og það er búið
að vera mjög gaman að vinna með
hópnum.“
Bach er alltaf erfiður
Kórinn hefur flutt allt annars kon-
ar verk undanfarið ár og ber þar
helst að nefna Sálumessu Verdis
og Þýska sálumessu Brahms. Þá
tók hann þátt í stórtónleikum með
tenórstjörnunni Andrea Bocelli
og flutti tónlist við síðustu mynd
Hringadróttinssögunnar, Hilmir
snýr heim, á kvikmyndasýningu í
Eldborgarsal Hörpu. Magnús segir
mjög skemmtilegt að skipta á milli
svo ólíkra stíla.
Spurður út í þær áskoranir sem
felast í flutningi á verkum Bachs
segir hann: „Bach er bara alltaf erf-
iður. Með mörg önnur tónskáld þá
sér maður hvert hendingarnar eru
að fara en þegar maður hefur ekki
sungið þetta áður þá þarf maður
svolítið að leita að tónunum. En
þegar maður er búinn að hafa fyrir
því þá sitja þeir þarna í mörg, mörg
ár. Bach gerir sér heldur ekkert
auðvelt fyrir. Það er voða lítið um
endurtekningar svo það þarf að
hafa fyrir öllu.“
Magnús viðurkennir að það hafi
tekið tíma að læra að meta Bach en
nú kunni hann svo sannarlega að
meta hann. „Bach er erfiður að því
leyti að það er hægt að teygja hann
í hvaða átt sem er, hægt og hratt,
sterkt og veikt, slitið eða bundið eða
djassa hann með trommum og raf-
magnsbassa. En maður þarf samt
að skilja tónmálið, hljómfræðina,
meininguna í kringum þetta og töl-
fræðina sem er hjá honum til þess
að átta sig á því hvernig er best að
túlka hann og móta hendingarnar.
Og fyrir mér er þetta mest allt
dans, hvort sem það er hægur
og nettur dans eða stuð eins og í
upphafinu, þar sem við fögnum og
gleðjumst.“
Magnús segir það hafa verið
dásamlegt að vinna með hljómsveit-
armeðlimunum en konsertmeistari
er Páll Palomares. „Það er rosalega
mikil kunnátta núna hjá mörgum.
Við erum búin að setja saman alveg
frábæra hljómsveit sem dettur
strax í réttan gír og hljómar strax
vel. Þau kunna til að mynda að spila
í kirkju, sem er kúnst. Og þessi
kunnátta hjá íslensku tónlistarfólki,
að geta farið frá því að spila Bubba
Morthens eða rómantíska sinfóníu
og yfir í barrokk á augabragði.“
Á heimsmælikvarða
Fjórir söngvarar skipta með sér
einsöngshlutum verksins. Bene-
dikt Kristjánsson er í hlutverki
guðspjallamannsins sem segir
söguna. Hann hefur hlotið mikið lof
á síðustu árum fyrir túlkun sína á
verkum Bachs. „Hann er náttúrlega
á heimsmælikvarða. Það er alveg
sérstök raddtýpa sem þarf til þess
að geta sungið þennan guðspjalla-
mann sem þarf að vera svona
hár og léttur. Hann er búinn að
syngja þetta víða svo það er mikil
kunnátta,“ segir Magnús.
„Svo erum við með Hildigunni
Einarsdóttur sem er búin að
blómstra þvílíkt undanfarin ár og
er alveg í essinu sínu í þessu. Oddur
Arnþór Jónsson er líka brilljant
óratoríu-söngvari. Svo er ung
söngkona, Íris Björk Gunnarsdóttir,
sem söng líka með mér í Jóhann-
esarpassíunni. Það er rosagaman
og gott að vinna með henni að því
að móta hennar Bach-stíl.“
Næstu verkefni Söngsveitarinnar
Fílharmóníu eru vortónleikar með
rómantískum kórperlum og í byrjun
sumars tekur kórinn þátt í að flytja
Carmina Burana ásamt öðrum kór-
um og Sinfóníuhljómsveit Íslands.
„En ég er viss um að núna, þegar
við erum komin á bragðið með
Bach, þá hljótum við að taka fleiri
svona verk. Það er gaman þegar
gengur vel, áhorfendur eru hrifnir
og miðasala gengur vel. Þá getum
við haldið áfram.“
lSöngsveitin Fílharmónía flytur Jólaóratoríu eftir J.S. Bach ásamt einsöngvurumoghljómsveit
lKórstjórinnMagnúsRagnarsson segir bæði skemmtilegt og krefjandi að glíma við verkið
„Erum komin á bragðið með Bach“
Ragnheiður Birgisdóttir
ragnheidurb@mbl.is
Ljósmynd/Gunnar Freyr Steinsson
Áskorun „Bach gerir sér heldur ekkert auðvelt fyrir. Það er voða lítið um endurtekningar svo það þarf að hafa
fyrir öllu,“ segir Magnús, kórstjóri Söngsveitarinnar Fílharmóníu, um þá áskorun að flytja Jólaóratoríuna.
Benedikt
Kristjánsson
Hildigunnur
Einarsdóttir
Oddur Arnþór
Jónsson
Íris Björk
Gunnarsdóttir
Magnús
Ragnarsson
Hreint loft –betri heilsa
Honeywell gæða lofthreinsitæki
Láttu þér og þínum
líða vel - innandyra
Loftmengun er hættuleg heilsu og
lífsgæðum. Honeywell lofthreinsitæki
eru góð viðmyglugróum, bakteríum,
frjókornum, svifryki, lykt og fjarlægir allt
að 99,97% af ofnæmisvaldandi efnum.
HFD323E Air Genius 5.
Hægt að þvo síuna.
Verð kr. 39.420
HPA830 Round Air
Purifier. Mjög hljóðlát.
Verð kr. 29.960
S. 555 3100 · donna.is