Morgunblaðið - Sunnudagur - 07.08.2022, Side 24

24 MORGUNBLAÐIÐ SUNNUDAGUR 7.8. 2022
Elsku Fiskurinn minn, tímabilið sem þú ert að synda inn í um þessar mundir er
a.m.k. litríkt . Það er ofsalega mikil tilfinningasveifla í fallega hjartanu þínu. Þú veist oftast ekki
hvort þú sért ofsakátur eða ofsakvíðinn. En þetta verða allt hamingjudagar hjá þér, en í raun bara
aðeins minni hamingja suma daga en aðra. Þú ákveður að framkvæma og segja já við einhverju sem
getur breytt svo miklu í lífi þínu. En um leið og þú ert búinn að því þá hugsarðu að þú hafir gert
rangt. Hugsanirnar eru að blekkja þig, hjartagull, þú þarft bara að ákveða og sleppa. Ákveða svo
annað og sleppa því líka, því annars frýstu eins og internetið. Hugsun um peninga og hvernig þú get-
ir reddað og bjargað öllu og öllum brjótast inn í tíðnina þína oftar en þú kærir þig um. En eins og
alltaf þá bjargast allt í sambandi við veraldlegan metnað. Það er ekkert að fara frá þér sem þú vilt
hafa hjá þér. En þörf þín fyrir því að hafa allt skipulagt og allar blaðsíður í lífsbókinni þinni þéttskrif-
aðar, er eitthvað sem þú þarft að sleppa og að treysta því að þú syndir áfram og þurfir engan kút.
Það eru skilaboðin sem eru sterkust í kortunum þínum. Þegar þú sérð að tíminn er ekki til, því það er
alltaf bara núna, ferðu að njóta hans eins og marglyttan sem lifir að eilífu. Því að í eðli þínu viltu tíma-
setja allt; á föstudaginn er þetta, þriðjudaginn hitt og hvað ætla ég að hafa í matinn og svo framvegis.
Orkuþjófar eru svolítið að setjast nálægt þér. Það er allt í lagi en gefðu þeim bara styttri eða eng-
an tíma. Þetta er ekki vont fólk, heldur fólk sem ekki tilheyrir þínum sálnahópi. Það getur þrátt fyrir
það verið í fjölskyldunni þinni. Það er eins og það sé vinningur eða einhvers konar óvæntur glaðn-
ingur sem gleður þig svo mikið og hjálpar þér við að slaka á, að minnsta kosti um stund. Það eru svo
margar góðar fréttir að berast þér og þó að einhverjar slæmar fylgi með, tekurðu það ekki eins mik-
ið inn í harða drifið þitt. Vegna þess þú veist að þú heldur á hamingjunni í höndum þér.
Margar góðar fréttir berast
FISKARNIR | 19. FEBRÚAR - 20. MARS
Elsku Nautið mitt, hjartað í þér er að stækka og þú finnur jafnvel að þú sért að
breytast. Að þú sért að fá sterkari karaktereinkenni, eitthvað sem þú hefur óskað þér að bera.
Þú fórst inn í þessa blessuðu tíma í kringum nýja tunglið sem var þann 28. júlí sl. og það verður
ansi fátt sem getur dregið þig niður vegna þessa. En ef þú ert í stríði í sambandi við heilsu eða
huga, þá þarft þú að finna þér nýjar leiðir til þess að verða heill á ný, því þessi gamla aðferð er
ekki að duga. Farðu eftir tilfinningunum þínum, því þær tala við þig. Skiptu um lækni ef þér
finnst ekkert hafa áunnist. Það er uppskerutími og það er af nógu að taka.
Lífið er að færa þér dásemdarlystisemdir, það er verið að laga allt til hjá þér. Alls ekki hugsa
aftur í tímann hvenær eitthvað var ömurlegt og heldur ekki fram í tímann, sérstaklega ekki ef þú
heldur að eitthvað muni misheppnast. Þú ert svo sérstaklega að taka eftir lífinu, þú heyrir svo
margt sem hresssir þig við og þú tekur það inn í hjartarótina þína. Þú slítur þig lausan frá þeim
sem ekki vilja sjá frelsi þitt og það gæti verið uppreisn af einhverjum toga hjá okkur yngri Naut-
unum, en það er partur af þroskaferli.
Þú átt eftir að finna að þú hefur þann sjálfsaga sem þig vantar. Og um leið og þú tekur eftir því
þá þarftu svo lítið að biðja um hjálp, er ekki frábært að þú sért alveg nóg? Það er svo mikilvægt
að sætta sig við það sem maður getur ekki breytt og að hætta þá að hamast í því. Það er lykil-
atriði í þessu dásamlega tímabili sem mun skreyta hjarta þitt og sálu.
Þú færð viðurkenningu, verðlaun eða eitthvað óvænt gerist sem hjálpar þér áfram til þess að
sjá og að vita að þetta líf er bíómynd og þú ert með aðalhlutverkið því þér fer ekki að vera auka-
leikari.
Þú ert í aðalhlutverki
NAUTIÐ | 20. APRÍL – 20. MAÍ
Elsku Krabbinn minn, það er aldeilis búið að vera líf í tuskunum og mikill hraði
á huganum. Þetta er svo miklu fallegra tímabil en þú heldur og þú veist lausnina til þess að láta
lífið þitt ganga upp. Treystu ekki öllum eða næsta manni fyrir leyndarmálum þínum eða ein-
hverju sem þér hefur verið treyst fyrir. Því eins máltækið segir, þjóð veit þá þrír vita. Láttu held-
ur ekki alla vita um áform þín, því núna ertu að spekúlera í svo mörgu sem þú ætlar að gera þegar
haustar. Það sem þú ert að spá í það geturðu en þú verður að fara í gegnum fjöll og hindranir.
Þess vegna verður sigur þinn enn sætari. Þetta gæti líka tengst réttlæti gagnvart einhverjum
sem hefur gengið á hlut þinn en alla vega þá getur þú verið sáttur og sæll.
Þeir mínusar sem þér finnst þú vera að upplifa núna verða bara stutta stund. Það er líka mjög
trúlegt að þetta gæti líka verið bara búið. Það eru svo margir að koma inn í líf þitt með klapp á
bakið og það eru líka mun fleiri en þú heldur svo stoltir af þér. Svo þú getur bara verið dálítið
montinn með þig, það færi þér vel. Þú skalt líka sjá að stundum er ágætt að stoppa það ferli sem
maður er í þegar þér sýnist það ekki gefa þér neitt nema öryggi það minnsta. Hvort sem það er
vinna, skóli eða samband, því ef þú ert alltaf með öryggisnet í kringum þig, þá verður ekkert að
frétta. Svo þú skalt hoppa út í djúpu laugina eins oft og mögulegt er.
Það eru spennandi kaflar skrifaðir inn í sögu þína á næstunni og ævintýri sem þú varst ekki bú-
inn að sjá fyrir. Þú þarft sjálfur að halda ástinni við eða að kveikja ástarlogann. En ef þér finnst
vera komið að leiðarlokum í því, þá getur það orðið þér farsælast að ganga í burtu. Lífið er stutt
og núna er tíminn þér hliðhollur til þess að skipta um gír í lífinu og að fara á þeim hraða sem þér
finnst bestur.
Hoppaðu út í djúpu laugina
KRABBINN | 21. JÚNÍ – 22. JÚLÍ
Elsku Hrúturinn minn, þér hefur fundist að alls konar fólk sé eitthvað að
pota í þig. Að það sé að fá þig til að breyta um skoðun, fá þig í samstarf, slíta samstarfi og
alls kyns hugsanir flæða um kollinn á þér. Vertu bara eins kurteis og þú getur við alla og
taktu þér þinn tíma til að taka ákvarðanir. Því að þetta er þitt líf og þú einn berð ábyrgð á
því.
Alveg er sama hversu mikið af peningum þú ættir, þá hefurðu alltaf áhyggjur af því hvort
að allt muni reddast eða ekki. Þar sem eðli þitt er þannig uppbyggt og þú ert svo svakalega
klár á miklu fleiri sviðum en þú heldur, þá er það eina sem þú þarft að spá í eða að fríska upp
orkuna þína. Því að ein orka fæðir af sér aðra orku. Þú getur tekið miklu fleiri verkefni að
þér en þú getur ímyndað þér, því þegar þú ert í flæði, þá ertu æði.
Það eru margir í þessu merki búnir að hafa það af að stíga út fyrir þægindarammann sinn
að undanförnu og það er í huga og hjarta mikil von um að allt fari á besta veg. Þegar þú ferð
að nálgast haustið sérðu skýrt og greinilega hvað þú þarft að gera. Svo ekkert vera að eyða
lífinu þínu í að stressa þig núna, heldur skaltu sleppa öllu slíku. Því að sá kraftur dregur þig
bara niður í dökka pytti og þá dansar þú ekki við hamingjuna. Þetta allt er þitt val, því að Al-
heimurinn er að gefa þér nýja sýn á lífið.
Vertu ekki að pirra þig á því þó þú fáir ekki þakklæti fyrir það sem þú gefur af þér. Klapp-
aðu bara sjálfum þér á öxlina og segðu: Ég er svo frábær, takk fyrir að vera ég. Vertu róleg-
ur gagnvart fjölskyldunni og ástinni, því alveg eins og allt annað mun þetta smella með gæfu
og gengi fyrir þig á réttum tíma.
Þú ert æði í flæði
HRÚTURINN | 21. MARS – 19. APRÍL
Elsku dásamlegi Tvíburinn minn, það er bara tvennt í stöðunni hjá þér.
Annað hvort er allt að rokka í kringum þig, eða bara alls ekki. Það getur verið dagamunur á
því hvernig þú sérð krossgátuna sem lífið er. Það er svo mikilvægt og lífið er að gefa þér
möguleika til þess að hafa svo mikið jafnvægi, en til þess þarftu að spila á góða skapið þitt.
Alveg sama hvað fýkur í þig, hugsaðu þá; ég er með góða skapið í vasanum og ég ætla að
taka það upp. Bara með þessum einföldu skilaboðum leikurðu bæði á sjálfan þig og þá sem
eru kannski ekki eins ánægðir yfir því hversu vel þér gengur.
Það er hægt að segja að þér fylgi gleði og orkuregnbogi og þú skalt skoða að þegar þig
vantar eitthvað þá er regnbogi yfir þér. Svo óskaðu þér og trúðu og treystu á að allt komi í
réttri röð, þó kannski ekki nákvæmlega eins og óskin er orðuð, því lífsorkan veit betur.
Það er alveg bannað á þessu yndislega sumri, sem þú elskar svo, að skjóta rótum inni hjá
sér og tengjast ekki fólki eins mikið og þú ættir að gera. Ekki taka lífið svona alvarlega, þá
verður tilvera þín miklu léttari. Þegar þú hugsar til manneskju sem á við mikla erfiðleika að
stríða eða til einhvers ástands sem er í heiminum sem fær þig til að líða illa, þá missirðu lista-
manns- og lífsorkuna þína. Svo vandaðu hugsanir þínar því hugsanir þínar verða að lífinu
þínu.
Þú skalt ganga skrautlega til fara og nota sterka liti eins og appelsínugult eða gult og vera
stoltur af því hversu mikil áhrif þú hefur á aðra til þess að hressa þá við.
Taktu áhættu í sambandi við ástina, hún er þess virði. Taktu líka áhættu í sambandi við
kærleikann, hann er þess virði. Þú ert kominn til að sjá og sigra, svo njóttu lífsins.
Orkuregnbogi yfir þér
TVÍBURINN | 21. MAÍ – 20. JÚNÍ
Þú ert góð
fyrirmynd.
Knús og kossar
Elsku Vatnsberinn minn, þetta er svo magnað tímabil og meiriháttar mögu-
leikar sem blikka allt í kringum þig eins og umferðaljós. Það er fullt tungl í þínu frábæra merki
þann 12. ágúst og 12 er líka ótrúleg tala. Til dæmis tólf lærisveinar og svo 12 tímar sem fylla dag-
inn og ég gæti endalaust haldið svona áfram og fyllt inn í þær eyður. Einnig er talan 8 sem táknar
ágústmánuð og er líka tala Vatnsberans fyrir þetta ár. Þessi tala gefur þér ótrúlegan hraða og þú
þarft að vera svo vel vakandi. Því annars ferðu yfir á rauðu ljósi og þá geturðu fengið stóru sekt-
ina eða dóm.
Þú þarft að vera eins sýnilegur og þú mögulega getur, taka þátt í öllum þeim mannamótum
sem þú sérð að geta hjálpað þér að áorka því sem fer á ljóshraða í gegnum hugann þinn. Á þessu
tímabili skapar þú líka frið og sátt á meðal fólks og þú gefur bæði auðmýkt og kærleika. En þú átt
ekki að fara eftir þeim ráðum sem berast frá misgóðu fólki, heldur vita það að þú gerir hið rétta.
Og sjáðu hvað er margt öflugt að gerast! Þú þarft að taka vel eftir því að alls staðar í kringum þig
liggja lítil skilaboð.
Ef það er órói í þínum beinum og þér þú finnst þú eigir að fara í ferðalög út í heim og geim, þá
er besta ráðið fyrir þig að anda djúpt inn, telja í huganum eins hátt og þú kemst og anda svo út.
Því það er nefnilega þannig að orkan, krafturinn og sú leit sem þú ert í að sjálfum þér finnst akk-
úrat hér, þar sem þú ert núna.
Ef þú ert ekki viss hvar hjarta þitt tikkar í ástinni, þá eru skilaboðin þau að þú skalt halda þeim
þétt að þér sem elska þig, því þá blómstrar ástin sem aldrei fyrr. Eftir því sem þú gefur meira
fyllist hjarta þitt ástríðuloga.
Lítil skilaboð alls staðar
VATNSBERINN | 20. JANÚAR – 18. FEBRÚAR