Víkurfréttir - 28.12.2022, Blaðsíða 2

FINNDU OKKUR Á FACEBOOK
DAGLEGAR FERÐIR ALLA VIRKA DAGA
S U Ð U R N E S - R E Y K J A V Í K
845 0900
FERÐIR Á DAG
ALLTAF PLÁSS
Í BÍLNUM
HREINSUM
RIMLAGARDÍNUR OG
MYRKVUNARGARDÍNUR
NÁNARI UPPLÝSINGAR Á ALLTHREINT.IS
Barnavernd Suðurnesjabæjar annast fylgdarlaus börn sem koma til landsins, eins og er eru 29 börn í
þeirra umsjá en fyrir aðeins ári síðan voru þau færri en tíu. Staðsetning Flugstöðvar Leifs Eiríkssonar
innan sveitarfélagsmarka Suðurnesjabæjar er ástæða þess að barnaverndarþjónusta Suðurnesjabæjar
sér um að sinna þeim hópi barna sem kemur með flugi og sækja um alþjóðlega vernd hjá lögreglunni í
flugstöðinni. Bæjarráð Suðurnesjabæjar hefur falið bæjarstjóra að fylgja eftir málum þessa hóps með
ráðherra um stöðu málaflokksins. Þetta kemur fram í bókun sem bæjarráðið lagði fram á dögunum en
bókunin hljóðar svo:
„Mál fylgdarlausra barna, útlendinga
í neyð og mál þar sem grunur leikur
á mansali sem upp koma í Flug-
stöð Leifs Eiríkssonar hafa hingað
til verið á ábyrgð barnaverndar-
þjónustu Suðurnesjabæjar, áður
Sandgerðisbæjar, þar sem Flug-
stöð Leifs Eiríkssonar er í Suður-
nesjabæ. Barnaverndarþjónusta
sveitarfélagsins tekur við tilkynn-
ingum vegna fylgdarlausra barna og
byggir málavinnslan m.a. á lögum um
útlendinga nr. 80/2016 og barna-
verndarlögum nr. 80/2002. Þessu
mikilvæga samfélagslega verkefni
hefur sveitarfélagið sinnt af alúð
og metnaði síðustu áratugi og hefur
mikil sérþekking skapast í kjölfarið
hjá sveitarfélaginu.
Nú eru 32 fylgdarlaus börn í umsjá
barnaverndarþjónustu Suðurnesja-
bæjar og innviðir komnir yfir þol-
mörk hvað varðar þjónustuna við
börnin og búsetuúrræði. Áætlað
er að 1-3 fylgdarlaus börn komi til
landsins á tíu daga fresti næstu
misseri og ríkir ákveðið neyðar-
ástand. Sveitarfélagið hefur ítrekað
komið því á framfæri við Mennta-
og barnamálaráðuneytið að það geti
ekki tekið við fleiri fylgdarlausum
börnum að óbreyttu.
Suðurnesjabær skorast ekki
undan því að sinna verkefninu
áfram og vill sinna því með hags-
muni fylgdarlausra barna að leiðar-
ljósi. Ríkið verður hins vegar að
standa undir sinni ábyrgð í málinu
með því að móta skýra stefnu og
standa straum að kostnaði aukinna
stöðugilda í barnavernd Suðurnesja-
bæjar þannig að hægt sé að tryggja
þá þjónustu sem ríkinu ber að veita.
Bæjarráð felur bæjarstjóra að
fylgja málinu eftir með ráðherra um
stöðu málaflokksins í samræmi við
ofangreint.“
Mikilvægt að fylgja málunum eftir
Magnús Stefánsson, bæjarstjóri
Suðurnesjabæjar segir fjölda fylgdar-
lausra barna vera að aukast og að
innviðir og þjónustugeta sveitar-
félagsins sé komin
yfir þolmörk, því
þurfi að byggja
gott samstarf milli
ríkisins og sveitar-
félagsins til að
tryggja góðar mót-
tökur fyrir börnin.
„Þetta er orðið
það viðamikið
verkefni að það
er mikil áskorun
fyrir jafn litla fé-
lagsþjónustu og er í Suðurnesjabæ
að sinna þessum málum eins og vera
ber. Við höfum verið að sækja á ríkið
í von um aukinn stuðning. Fjármagn
og stefnumótun sveitarfélagsins og
ríkisins þarf að mæta því sem raun-
verulega er í gangi,“ segir Magnús.
Hann bætir við að það sé ekki nóg
að taka á móti börnunum heldur
þarf að fylgja máli hvers og eins
eftir. „Það er ekki nóg að taka bara
á móti þessum börnum, það verður
að taka utan um þau og veita þeim
þjónustu. Þetta eru börn sem eru að
koma úr allskonar aðstæðum, jafn
vel með áföll sem þau hafa upplifað.
Því þarf að fylgja eftir í þágu hvers
barns fyrir sig.“
En hver eru næstu skref?
„Við höfum síðustu vikur verið í
miklu sambandi við mennta- og
barnamálaráðuneytið, sem heldur
utan um málefni barna. Það hefur
aðeins liðkast og ríkið er aðeins að
koma til móts við okkur með því að
leggja til fjármagn til að ráða fólk til
starfa,“ segir Magnús og bætir við:
„Næstu skref hjá mér eru að fylgja
eftir bókun bæjarráðs. Ég er núna
að fara í það og það er ýmislegt
sem við þurfum að ræða við ríkið
um þessi mál, almennt. Það er mín
skoðun að í fyrsta lagi þurfum við
að fá á hreint hver lögbundin skylda
okkar er í þessu máli. Við erum með
engu móti að skorast undan þessu
verkefni, við erum eitt af örfáum
sveitarfélögum sem býr að reynslu
og þekkingu starfsfólks til að vinna
að þessum málum og við viljum
halda því áfram. Ég mun leita eftir
þeirri niðurstöðu að gerður verði
samningur milli sveitarfélagsins
og ríkisins um þetta verkefni og að
þetta verði gert með sóma. Að það
verði tekið á móti börnunum, haldið
utan um þau, hlúð að þeim, þeim
veitt öryggi, fæði og heilbrigðisþjón-
usta með sómasamlegum hætti. Við
viljum gera þetta vel og því verður
ríkið að standa með okkur í því og
bera kostnað af þessu líka.“
M a r í a R ó s
Skúladóttir, deild-
arstjóri félags-
þjónustu Suður-
nesjabæjar, segir
verkefnið snúast
fyrst og fremst
um hag barnanna
e n m i k i l væ g t
sé að kerfin tali
saman í slíkum
samfélagslegum
verkefnum. „Við
höfum byggt upp
mikla sérfræði-
þekkingu í málaflokknum og tökum
þetta verkefni föstum tökum.
Við erum jákvæð fyrir þessu, við
leggjum mikla áherslu á að hlúa vel
að börnunum þannig að þau upp-
lifi öryggi og stöðugleika. Okkar ósk
er að færa þjónustuna við þau nær
og geta þannig veitt þeim enn betri
þjónustu. Stór hluti barnanna hefur
verið staðsettur á höfuðborgar-
svæðinu að undanförnu og barna-
vernd Suðurnesjabæjar þurft að
veita þeim þjónustu þar. Það tekur
tíma og krafta og með því að hafa
börnin í búsetu í nærumhverfinu
getum við sinnt okkar starfi mun
betur. Það er algert lykilatriði að
kerfin virki, það eru mjög margir
sem koma að málum sem þessum.
En kerfin þurfa að virka, þau þurfa
að ná að tala saman, eins og megin-
þemað er í öllum stærri verkefnum,“
segir hún.
Mikil fjölgun fylgdarlausra barna sem koma til landsins
Tuttugu og níu fylgdarlaus börn
í umsjón Suðurnesjabæjar
Thelma Hrund Hermannsdóttir
thelma@vf.is
María Rós
Skúladóttir,
deildarstjóri
félagsþjónustu
Suðurnesjabæjar
Magnús Stefánsson,
bæjarstjóri
Suðurnesjabæjar
HS Orka hefur hafið vinnu við stækkun orkuversins í Svartsengi. Í orkuverinu verður ein framleiðslu-
eining sem mun koma í stað nokkurra eldri véla og búnaðar. Með að nýta gufu sem áður fór í eldri vélar
eykst framleiðslugetan og viðhalds- og framleiðslukostnaður lækkar. Þá er gert ráð fyrir því að með
stækkuninni verði hægt að ná betri nýtingu úr auðlindinni í Svartsengi í framtíðinni.
Öll tilskilin leyfi hafa fengist fyrir
stækkuninni og kom það í hlut Al-
berts Albertssonar að taka fyrstu
skóflustunguna ásamt verktök-
unum. Albert er hugmyndasmiður
Auðlindagarðsins sem hefur það
markmið að draga úr sóun og full-
nýta allt það sem fellur til við jarð-
hitavinnslu fyrirtækisins. Þá hefur
Albert komið að uppbyggingu allra
hluta virkjunarinnar í Svartsengi.
Framleiðsluaukningin í Svartsengi
er fengin með betri nýtingu á núver-
andi upptekt úr jarðhitageyminum
og því við hæfi að Albert tæki fyrstu
skóflustunguna. Eftir stækkun mun
framleiðslugeta orkuversins í Svarts-
engi verða 85 MW.
HS Orka hefur tryggt 61,9 milljón
dollara fjármögnun frá núverandi
lánveitendum til verkefnisins. Þá
munu hluthafar HS Orku leggja til
viðbótarfjármögnun til að styðja
við stækkunina. Fjármögnun verk-
efnisins undirstrikar það traust sem
bæði lánastofnanir og hluthafar hafa
á fyrirtækinu og þau verkefni sem
það vinnur að til að auka framboð
raforku á Íslandi til að mæta þörfum
markaðarins.
„Við erum mjög spennt fyrir því að
hefja stækkun á virkjuninni í Svarts-
engi í beinu framhaldi af því að klára
stækkun virkjunarinnar á Reykja-
nesi. Bæði verkefnin ná vel utan
um markmið HS Orku um að nýta
sem best þær auðlindir sem okkur
er treyst fyrir þar sem við erum að
auka raforkuframleiðslu inná raf-
orkukerfið án þess að fara inná ný
svæði, sem dregur úr áhættu og
kostnaði,“ segir Tómas Sigurðsson,
forstjóri HS Orku.
HS Orka var stofnuð 1974 og
hefur verið leiðandi í framleiðslu
endurnýjanlegrar orku alla tíð.
Nýsköpun hefur alltaf verið hluti
af kjarna fyrirtækisins sem sést
best á Auðlindagarðinum, þar sem
áherslan er á að nýta affalsstrauma
frá virkjunum sem auðlind. HS Orka
á og rekur tvær jarðvarmavirkjanir
á Reykjanesi auk 9,9 MW rennslis-
virkjunar í Biskupstungum.
HS Orka eykur framleiðslugetu á Reykjanesi um 22 MW
Það kom í hlut Alberts Albertssonar að taka fyrstu skóflustunguna ásamt verktökunum.
Albert er hugmyndasmiður Auðlindagarðsins sem hefur það markmið að draga úr sóun
og fullnýta allt það sem fellur til við jarðhitavinnslu fyrirtækisins. VF-myndir: Hilmar Bragi
Tómas Sigurðsson, forstjóri HS Orku, Albert Albertsson, sem tók fyrstu skóflustunguna,
og Sunna Björg Helgadóttir, framkvæmdastjóri tæknisviðs HS Orku.
2 // vÍkurFrÉttir á suðurNesJuM