Víkurfréttir - 28.12.2022, Page 15

Glæsileg inniaðstaða
Golfklúbbs Suðurnesja
– Tveir golfhermar, níu holu púttflöt
og aðstaða til að æfa sveifluna.
Golfklúbbur Suðurnesja hélt opið hús um miðjan desembermánuð
í nýlegri inniaðstöðu klúbbsins sem er í gömlu slökkvistöðinni að
Hringbraut 125 í Reykjanesbæ. Gestum og gangandi bauðst þá að
þiggja kaffi og smákökur auk þess stóð þeim til boða að prófa að-
stöðuna og fá kennslu á golfhermana.
Vel var mætt á opna húsið þótt
undirbúningur jóla hafi verið í al-
gleymingi hjá flestum. Um fimmtíu
manns kynntu sér það sem í boði var
og þá gátu gestir tekið þátt í pútt-
móti og unnið tíma í golfhermunum.
Þorsteinn Geirharðsson og hans fjöl-
skylda stóðu uppi sem sigurvegarar
eftir daginn.
Sveinn Björnsson, formaður GS,
var ánægður með daginn og sagði
að almenn ánægja hafi verið meðal
fólks með aðstöðuna sem í boði
er. „Við munum opna aðstöðuna í
byrjun nýs árs og hún verður meira
og minna opin í sjálfsafgreiðslu,“
sagði Sveinn. „Það verður opið fyrir
bókanir á heimasíðu klúbbsins (gs.is)
og svo fær fólk sendan kóða til að
komast inn í aðstöðuna. Við höfum
svo myndavélakerfi á staðnum sem
tekur upp það sem fer fram og ef fólk
er að misnota aðstöðuna, t.d. ef það
fer að stelast í hermana eða eitthvað
slíkt, þá fær það sektir fyrir – en við
treystum fólki og búumst ekki við að
til þess komi.“
– En getur hver sem er bókað sig á
vefnum, líka þeir sem eru ekki með-
limir í GS?
„Já, við viljum að sem flestir geti
nýtt sér aðstöðuna og t.d. geta PGA-
golfkennarar fengið að leigja tíma í
hermana ef þeir svo kjósa. Þetta er
unnið í samvinnu við hann Sigurpál
[Geir Sveinsson], íþróttastjórann
okkar, en hann heldur utan um það
sem fer fram þarna.“
Sigurpáll Geir Sveinsson, íþrótta-
stjóri GS, var með sýnikennslu á
golfhermunum á opna húsinu og
leyfði fólki að prófa. Hann útskýrði
hvernig tækin virkuðu í grunninn og
hvaða möguleikar væru í boði fyrir
kylfinga til að nýta sér hermana við
æfingar.
Sigurpáll segir að stefnan sé að
hafa opið hús flesta daga vikunnar.
„Þegar ég tala um opið hús þá meina
ég að allir geta bókað tíma í herma
eða æfingaaðstöðuna okkar. Við
erum með tvo golfherma, í golfhermi
eitt eru sérstakir boltar notaðir en í
golfhermi tvö geta kylfingar notað
sína eigin bolta og verðið er 4.000
krónur á klukkutímann fyrir félaga í
GS en 5.500 krónur fyrir aðra,“ sagði
Sigurpáll og bætti við að í aðstöð-
unni væri nýbúið að leggja nýjustu
gerð af púttteppi með níu holum.
Þá væri aðstaða fyrir þrjá til að
slá í net og að auki væri kaffiað-
staða og píluspjald. „Við munum
setja í loftið á gs.is strax eftir
áramót tilkynningu um opnun að-
stöðunnar,“ sagði hann að lokum.
Gestir á opnu húsi fengu að prófa
golfhermana. Á innfelldu myndinni
er Sigurpáll, íþróttastjóri GS,
að útskýra hvernig er hægt að
lesa út úr þeim upplýsingum sem
hermarnir veita kylfingum.
Margir reyndu fyrir sér á
glænýrri púttflötinni.
VF-myndir: JPK
Systkinin Heiðrún Fjóla og
Jóhannes Reykdal Pálsbörn.
Það lá vel á formanni GS, Sveini
Björnssyni, þegar opið hús var haldið.
Skömmu fyrir jól hélt glímudeild
Njarðvíkur júdómót fyrir alla ald-
ursflokka. Í yngsta flokkum voru
allir sigurvegarar enda stóðu allir
sig ótrúlega vel. Öll börnin voru
leyst út með gjöfum og verðlauna-
skjölum þar sem verðlaunað var
fyrir átta gildi deildarinnar, þ.e. hug-
rekki, hjálpsemi, hæversku, sjálfs-
stórn, vinskap, heiðarleika, kurteisi
og virðingu.
Í opnum flokki unglinga sigraði
Jóhannes Reykdal Pálsson, í öðru
sæti jafnir að stigum urðu Keeghan
Freyr Kristinsson, Helgi Þór Guð-
mundsson og Magnús Alexander
Einarsson. Allar viðureignirnar í
flokknum voru geysispennandi og
jafnar. Jóhannes var sá eini sem
sigraði allar viðureignir en hann
þurfti að hafa mikið fyrir þeim.
Í lok mótsins voru veittar viður-
kenningar fyrir afrek ársins.
Brasilian Jiu Jitsu-kona ársins var
Anna Soffía Víkingsdóttir.
Brazilian Jiu Jitsu-maður ársins
var Guðmundur Sigurfinnson.
Efnilegasta Jiu Jitsu-manneskja
deildarinnar var Rinesa Sopi.
Heimsmeistarinn Heiðrún Fjóla
Reykdal Pálsdóttir hlaut titilinn
glímukona ársins og bróðir hennar,
Jóhannes Reykdal Pálsson, var svo
kjörinn glímumaður ársins en systk-
inin voru einnig valin júdókona og
júdómaður ársins. Lena Andrejnko
var valin efnilegasta glímukona
ársins og Mariam Badawy efnileg-
asta júdókonan.
ÍÞRÓTTIR
Jóhann Páll Kristbjörnsson
johann@vf.is
Úrslit jólamóts Sleipnis
og afreksmanneskjur
heiðraðar
Störf í boði
hjá Reykjanesbæ
Umsóknir í auglýst störf skulu berast rafrænt gegnum vef
Reykjanesbæjar. Þar eru jafnframt nánari upplýsingar um auglýst
störf. Hægt er að notast við QR kóða til að fara beint inn á vefinn
Alþjóðateymi Reykjanesbæjar - Málstjóri
Garðasel - Aðstoðarmatráður
Tjarnarsel - Leikskólakennari
Velferðarsvið - Deildarstjóri í heima- og stuðningsþjónustu
Hefur þú áhuga á að starfa við liðveislu?
Viltu starfa hjá Reykjanesbæ? Almenn umsókn
Glæsileg tilþrif sáust á dýnunni.
Ekkert gefið eftir.
sport