Milli mála - 2022, Blaðsíða 31

MILLI MÁLA
30 Milli mála 14/1/2022
minna á milli lotna. Búast mátti við að Anna brygðist við með já/nei
svari en í línu 12 segir Anna: sneiða:: means to cut sem er tillaga að
merkingu orðsins sneiða ásamt því að vera tilvísun í orðflokkinn eins
og sjá má á nafnháttarmerkinu to. Anna er hér í hlutverki málnema
sem beinir athyglinni að tungumálinu og afgreiðslustúlkan svarar
með cut sem skarast við það sem Anna sagði og endurtekur cut þegar
Anna hefur lokið sinni lotu. Afgreiðslustúlkan er hér í hlutverki leið-
beinanda í íslensku. Línur 12 og 13 eru lotupar þar sem fyrri hlutinn
er í línu 12 og seinni hlutinn í línu 13. Þetta er innfelld runa (e.
insertion sequence) þar sem tungumálið er viðfangsefnið og setur við-
skiptahluta samtalsins í bið. Enn er ekki komið svar við spurningu
afgreiðslustúlkunnar í línu 10: á ég að sneiða það? Það sjáum við í
línu 14: Uh: [já] sneiða. Þetta er athyglisvert þar sem já hefði dugað
sem svar við spurningu afgreiðslustúlkunnar en það hefði líka mátt
skilja sem staðfestingu á segð hennar í línu 13. Segð Önnu í línu 14
má skilja annars vegar sem svar við spurningunni í línu 10 en einnig
staðfestingu á skilningi á segðinni í línu 13. Auk þess nýtir Anna, í
hlutverki málnema, tækifærið til að segja orðið sneiða aftur.
Næsti útdráttur sýnir dæmi um orðaleit í samtölum Önnu við
vini sína (Guðrún Theodórsdóttir og Eskildsen 2011). Þrír vinir,
Anna, Jón og Martin, eru á ferðalagi á Norðurlandi. Fyrr í sam-
talinu fóru þau í göngu og lentu í miklu roki. Jón, Íslendingurinn í
hópnum, sagði að þetta hefði verið ,,smá vindur“ og Anna mótmælti
því. Í útdrættinum sjáum við álit Önnu á veðurskilyrðunum.
Útdráttur 5: Worst vind
01 AN: okay þ↑að v↑ar (1,0) uh::: (0,5) (.ts) (1,2) vindur (1,2)
uh:::: the worst wind↓
02 (0,4)
03 JÓ: versti
04 AN: versti
05 JÓ: eða mesti
06 AN: ∆mesti and versti↑∆
07 JÓ: versti worst mesti most
08 AN: ah okay (0,4) versti er worst↑
09 JÓ: mhm mh⌈m⌉
NÁM ÍSLENSKU SEM ANNARS MÁLS UTAN KENNSLUSTOFUNNAR
10.33112/millimala.14.1.2