Mosfellingur - 17.11.2022, Blaðsíða 27

Árlegur starfsdagur Aftureldingar fór fram í Krikaskóla
þann 10. nóvember. Starfsdagurinn er einn af fáum dög-
um, ef ekki eini dagur ársins, þar sem allir þjálfarar fé-
lagsins hittast, spjalla og hlusta á ýmis fræðsluerindi.
Í ár var farin örlítið önnur leið en haldin var 100
manna vinnustofa þar sem hugmyndir fóru heldur
betur á flug.
„Við byrjuðum kvöldið á að hlusta á Margréti Lilju
frá Rannsókn og greiningu. Hún benti þjálfurunum á
mikilvægi þeirra í lífi barna í Mosfellsbæ á meðan hún
ræddi Ánægjuvogina og niðurstöður fyrir iðkendur
okkar í Mosfellsbæ, segir Hanna Björk Halldórsdóttir
íþróttafulltrúi Aftureldingar.
„Í kjölfarið á þeim fyrirlestri fóru þjálfararnir okkar í
vinnu út frá Ánægjuvoginni, þar sem þeir veltu fyrir sér
hvernig við gætum viðhaldið og bætt góðan árangur.
Á næstu dögum og vikum vinnum við úr vangaveltum
og lausnum frá starfsdeginum, út frá þeim viljum við
búa til efni sem þjálfararnir okkar geta sótt í til þess
að bæta sig og þróa sem þjálfara. Og þannig aðstoða
iðkendur okkar til þess að verða þeir einstaklingar sem
þeir vilja, hvort sem það er íþróttafólk eða ekki.
Starfsdagurinn í ár heppnaðist vel, sem kom okkur
svo sem ekkert á óvart. Við hjá Aftureldingu, og ekki
síður iðkendur og foreldrar í Mosfellsbæ, erum ótrúlega
heppin með stóran, metnaðarfullan og skemmtilegan
hóp af þjálfurum.
Við hvetjum alla til að kynna sér Ánægjuvogina og
niðurstöður hennar á heimasíðu Aftureldingar,“ segir
Hanna Björk.
Laugardaginn 5. nóvember fór fram Ís-
landsmót í poomsae (formum). Sex kepp-
endur frá Aftureldingu tóku þátt og stóðu
sig mjög vel.
Aþena Kolbeins varð Íslandsmeistari í
einstakling og para poomsae, þá fékk hún
silfur í hópapoomsae.
Ásta Kristbjörnsdóttir fékk silfur í ein-
staklingspoomsae og hópapoomsae
Hilmar Birgir Lárusson fékk silfur í ein-
staklingspoomsae
Justina Kiskeviciute varð Íslandsmeistari
í einstaklingspoomsae, þá fékk hún silfur í
hópapoomsae
Patrik Bjarkason komst ekki á pall í þetta
skiptið en stóð sig mjög vel.
Sigurður Máni Guðmundsson fékk silfur
í einstaklingspoomsae
Sunnudaginn 6. nóvember fór fram
Íslandsmót í sparring (bardaga). Einn
keppandi frá Aftureldingu tók þátt og stóð
sig mjög vel.
Justina Kiskeviciute varð Íslandsmeistari
í sínum flokki.
Vel heppnaður starfsdagur
100 manna vinnustofa fyrir alla þjálfara Aftureldingar
Flottur hópur þjálFara
Íslandsmeistarar
Mosfellsku knattspyrnumennirnir Jason Daði, Anton Ari og
Ísak Snær áttu frábært tímabil með Breiðabliki í efstu deild í
sumar og hömpuðu Íslandsmeistaratitlinum í lok tímabils.
aþena og justina
Góður árangur á Íslandsmeistaramóti í taekwondo
Íþróttir - 27