Mosfellingur - 17.11.2022, Page 30

- Aðsendar greinar4230
Síðustu vikur hefur verið að störf-
um starfshópur um uppbyggingu
leikskóla í Mosfellsbæ. Tilurð
hópsins má rekja til þess að nauð-
synlegt þótti að rýna betur í áætl-
anir sveitarfélagsins um byggingu
annars leikskóla í Helgafellslandi.
Frá því að upphaflegar áætlanir
voru settar fram um mitt síðasta ár
hefur kostnaður við byggingu skólans auk-
ist um 56% bæði vegna verðlagshækkana
og einnig vegna kostnaðar við að byggja
á óhentugri lóð. Heildarkostnaður hefur
verið áætlaður um 1900 milljónir en það er
án búnaðar. Þessa kostnaðaráætlun þarf að
endurskoða í heild sinni. Það væri óábyrgt
af núverandi meirihluta að gera það ekki og
gefa sér ekki tíma til að ræða hvort þetta sé
besta leiðin fyrir Mosfellsbæ.
Á sama tíma og bæjarfulltrúar Sjálfstæð-
isflokksins vilja drífa í þessu og bjóða út
bygginguna eru önnur sveitarfélög að fá
engin tilboð eða tilboð sem eru langt um-
fram kostnaðaráætlun í sambærilegar bygg-
ingar. Tímasetningin á því að bjóða út slíkt
verk hefur því verið einstaklega óhentug þar
sem mikil þensla er á byggingamarkaði. Við
sjáum það líka á öðrum verkefnum en eins
og komið hefur fram þá bárust engin tilboð
í þjónustubyggingu við Varmá í vor.
Niðurstaða
Niðurstaða starfshópsins er að það sé
vissulega heppilegast að byggja annan
leikskóla í Helgafellslandi. Það geti þó ekki
verið fyrir opinn tékka. Við verðum að setja
okkur raunhæf markmið og ná byggingar-
kostnaði niður. Það er hægt að gera með
ýmsum hætti og einn af þeim þáttum sem
hefur áhrif eru tímasetningar. Bæði hvenær
boðið er út og hvaða tímarammi er á verk-
inu sjálfu. Því meira sem við flýtum okkur
því hærri kostnaður.
Niðurstaða hópsins er einnig
sú að Mosfellsbær geti áfram
stækkað leikskólastarfsemi sína og
tekið á móti þeim fjölda barna sem
þurfa pláss á allra næstu árum þó
að leikskólinn verði ekki byggður
alveg strax. Kostnaðurinn við það
verður alltaf réttlætanlegur og að-
staðan nýtt til framtíðar.
Áframhaldandi góð þjónusta
Mosfellsbæ hefur vegnað vel að takast á
við aukinn fjölda leikskólabarna á síðustu
árum og náð að bæta þjónustuna við ung
börn á sama tíma og bærinn stækkar. Nýr
meirihluti mun taka við keflinu og halda
uppbyggingunni áfram. Það er þó mikil-
vægt að gæta að því að rekstur leikskóla
snýst ekki bara um húsnæði. Starfsum-
hverfið í leikskólum og „vinnudagur“ leik-
skólabarna er eitthvað sem við sem sam-
félag þurfum að ræða og takast á við. Það
er mikilvægt í þessu samhengi að muna
að eitt hentar ekki öllum þegar kemur að
þjónustu við ung börn og fjölskyldur þeirra
og fjölbreytni er mikilvæg. Stórar einingar,
litlar einingar, dagforeldrar, einkareknir
skólar og jafnvel heimgreiðslur til foreldra
ættu allt að vera leiðir sem hægt er að fara
í þessum efnum.
Undirrituð þakkar öllum sem að vinn-
unni komu en í hópnum voru fulltrúar frá
meirihluta og minnihluta í bæjarstjórn
ásamt starfsfólki Mosfellsbæjar. Það var
gagnlegt að taka samtalið í þessu ferli og
ég hlakka til áframhaldandi samstarfs þar
sem raddir allra fá að heyrast og viðhöfð
eru lýðræðisleg vinnubrögð.
Aldís Stefánsdóttir,
bæjarfulltrúi Framsóknar
Uppbygging leikskóla
í Mosfellsbæ
Á dögunum fór fram fyrri
umræða um fjárhags-
áætlun Mosfellsbæjar.
Að mörgu leyti er hún
skynsamleg og góð enda
byggð á góðum grunni
stefnumótunar og vinnu
undanfarinna ára.
Það er þó áhyggjuefni
þegar brýnum fram-
kvæmdum er skotið á
frest. Samkvæmt áætlun
er tveggja ára seinkun á
uppbyggingu á íþrótta-
svæðinu að Varmá auk
þess sem leikskólinn
sem rísa átti í Helgafelli
hefur verið settur á bið og óvíst hvert
framhaldið verður. Hvort tveggja eru þetta
framkvæmdir sem ráðast átti í strax á þessu
ári og vera langt komnar á því næsta.
Athygli vekur að á meðan uppbygging
nýja leikskólans hefur verið stöðvuð á að
leggja 225 milljónir í bráðabrigðalausn á
leikskólaplássum.
Þá munu Mosfellingar nú búa við einna
hæstu álögur og gjöld sveitarfélaga á höf-
uðborgarsvæðinu, hugsanlega að frátöld-
um Reykvíkingum. Fasteignagjöld munu
nefnilega hækka svo að um munar þó svo
að fréttatilkynning frá meirihluta í bæjar-
stjórn hafi gefið annað í skyn. Sú tilkynning
hljóðaði nefnilega upp á að fasteignaskattar
muni lækka. Þar var í sjálfu sér ekki farið
með rangt mál. Fasteignaskattar lækka
vissulega lítillega. Þessi lækkun hefur þó
afar takmörkuð áhrif til lækkunar á fast-
eignagjöldum sem í reynd munu því hækka
um að minnsta kosti 15% og það munar
um minna þegar horft er til umtalsverðra
hækkana á fasteignamati ásamt síauknum
útgjöldum heimilanna.
Til viðbótar verður útsvar
hækkað í það hámark
sem lög heimila.
Það má velta fyrir sér
hvort nauðsynlegt sé að
hækka álögur og gjöld
á íbúa eingöngu vegna
þess að lög gefa kost á
því? Væri ef til vill nær-
tækara að taka pólitíska
ákvörðun um að keyra
af stað þau verkefni sem
fram undan eru og geta
verið veigamiklir tekju-
stofnar á komandi árum
í stað þess að sækja tekj-
urnar beint í vasa bæjarbúa?
Bæjarfulltrúar Sjálfstæðisflokksins lögðu
fram alls 9 tillögur til breytinga á fjárhags-
áætlun. Þær tillögur miða m.a. að því að
lækka álögur og gjöld á íbúa, flýta fram-
kvæmdum að Varmá ásamt leikskólanum
í Helgafelli.
Jafnframt að leggja áherslu á úthlut-
un lóða í 5. áfanga Helgafellshverfis og í
Hamraborg, sem til stóð að gera á þessu
ári með tilheyrandi tekjum fyrir sveitarfé-
lagið.
Að lokum má svo leiða hugann að því
hvort þessi framsetning á upplýsingum
er varða lækkanir á fasteignasköttum sé í
samræmi við þær áherslur sem boðaðar
voru í málefnasamningi nýs meirihluta,
um heiðarleika og gagnsæi.
Verður áfram best að búa í Mosó?
Bæjarfulltrúar Sjálfstæðisflokksins,
Jana Katrín Knútsdóttir
Ásgeir Sveinsson
Rúnar Bragi Guðlaugsson
Helga Jóhannesdóttir
Verður áfram best
að búa í Mosó?
Síðumúli 13, 108 Reykjavík | S. 577 5500 | atvinnueign.is
Fasteignamiðlun
EIRHÖFÐI 18, 110 REYKJAVÍK
Halldór Már
Löggiltur
fasteignasali
s. 898 5599
Evert
Löggiltur
fasteignasali
s. 823 3022
Ólafur Ingi
Löggiltur
fasteignasali
s. 847 7700
Ólafía
Löggiltur
leigumiðlari
s. 864 2299
Davíð Jens
Löggiltur
leigumiðlari
s. 846 7495
Til leigu eða sölu allt að 4.316 fm atvinnuhúsnæði við Grænásbraut (Ásbrú - Reykjanesbæ).
Um er að ræða tvö samliggjandi hús sem geta verið leigð út í sitthvoru lagi en eru eingöngu seld saman.
I) Verslunarrými, 2.061 fm sem m.a gæti hentað mjög vel fyrir matvöruverslun og veitingastaði.
II) Vöruhús/lager 2.255 fm með 9 metra lofthæð þar sem hæst er og fjórum innkeyrsluhurðum.
Lóðin er 31.883 fm sem býður upp á marga möguleika á þessu skemmtilega svæði.
Stórt malbikað útsvæði er við húsið. Vöruhúsið er í útleigu og verslunarrýmið er laust nú þegar.
Allar nánari upplýsingar veitir: Halldór Már Sverrisson lögg. fasteignasali, viðskiptafr. og leigumiðlari í síma 898 5599 eða halldor@atvinnueign.is
Atvinnuhúsnæði til leigu
Skannaðu kóðann
og skoðaðu eignina
Atvinnueign kynnir til leigu 672.2 fm. lager- og skrifstofuhúsnæði við Eirhöfða 18 í Reykjavík.
Húsnæðið er að hluta til á tveimur hæðum. Húsnæðið er innréttað sem skrifstofur, lager- og þjónustuhúsnæði.
Nánari lýsing: Inngangur, sunnan við húsið, komið er inn í rúmgott anddyri, móttöku, salerni, kaffistofu starfsmanna ásamt starfsmannaaðstöðu. Inn af móttöku er
lager sem er með um 6 metra lofthæð en einnig er hluti lagers með rúmlega 3 metra lofthæð. Góð innkeyrsluhurð fyrir lager. Við anddyri er stigi upp að 2. hæð, þar er
um 190 fm innréttað skrifstofuhúsnæði sem skiptist í fundarherbergi og opið vinnurými. Laust strax.
Allar nánari upplýsingar veitir: Halldór Már Sverrisson lögg. fasteignasali, viðskiptafr. og leigumiðlari í síma 898 5599 eða halldor@atvinnueign.is
Lager- og skrifstofuhúsnæði til leigu
Skannaðu kóðann
og skoðaðu eignina
GRÆNÁSBRAUT - ÁSBRÚN, 262 REYKJANESBÆR
Atvinnu- og geymslurými að Brúarfljóti
Skannaðu kóðann
og skoðaðu eignina
Atvinnueign kynnir til leigu 25,6 fm og 51,2 fm atvinnu- og geymslurými að Brúarfljóti
í Mosfellsbæ. Bílastæði fylgir hverju rými. Lóð verður afgirt og með aðgangsstýringu.
Nánari upplýsingar veitir Davíð Jens Guðlaugsson, löggiltur leigumiðlari
í síma 846-7495 eða í tölvupósti á david@atvinnueign.is.