Fréttablaðið - 28.03.2023, Blaðsíða 4

ggunnars@frettabladid.is
stjórnmál „Það kemur mér ekki
á óvart að forsætisráðherra Vinstri
grænna vilji grípa til skattahækk-
ana. Hún hefur aldrei farið leynt
með þá skoðun sína. Rétt eins og ég
hef aldrei farið dult með þá skoðun
mína að við eigum ekki að gera það,“
segir Óli Björn Kárason, þingmaður
Sjálfstæðisflokksins.
Hann segir hugmyndir Katrínar
Jakobsdóttur um hærri álögur til að
koma böndum á rekstur ríkissjóðs
og halda aftur af verðbólgu sér ekki
að skapi, en búist er við að fjármála-
ráðherra leggi fram fjármálaáætlun
ríkisstjórnarinnar til næstu fjögurra
ára síðar í þessari viku.
Óli Björn segist margsinnis hafa
lýst því yfir að álögur íslenska rík-
isins séu þegar komnar langt upp
Hugmyndir um skattahækkanir ekki skynsamlegar
Óli Björn Kára­
son, þingmaður
Sjálfstæðis­
flokksins
fyrir það sem hófsamt geti talist.
Skattar hér séu of háir í alþjóðlegum
samanburði og það dragi úr sam-
keppnishæfni íslenskra fyrirtækja.
„Þessar hugmyndir eru ekki bara
varhugaverðar, þær eru hreinlega
óskynsamlegar. Auknar álögur
draga líka úr getu okkar til að laða
hingað starfsfólk og skapa verð-
mæti.“
Óli Björn segir engu líkara en að
verið sé að nálgast verkefnið frá
röngum enda.
„Ef markmiðið er að leiðrétta
hallarekstur ríkissjóðs þá gerum
við það ekki með skattahækkunum.
Við gerum það með því að gæta hófs
og draga úr útgjöldum.
Ég hef haft áhyggjur af útgjalda-
aukningu undanfarinna ára og
hvernig þeir fjármunir eru nýttir,“
segir Óli Björn. n
Væntanlegt aðhald hjá ríkinu getur
þýtt að starfsfólki verði fækkað
Forsætisráðherra boðar
aðhald í ríkisfjármálum sem
kann að þýða fækkun starfs-
manna, fækkun verkefna
og fækkun eða sameiningu
stofnana.
ser@frettabladid.is
EFnAHAGsmál Katrín Jakobsdóttir
forsætisráðherra segir að samstaða
sé innan ríkisstjórnarinnar um þær
leiðir sem boðaðar verði um miðja
vikuna um aðhald í ríkisfjármálum.
„Það liggur alveg fyrir að við erum
að tala um aðhald,“ segir Katrín.
„Og það skilja allir hvað það þýðir,“
bætir hún við. „Það getur þýtt
fækkun starfsmanna og það getur
líka þýtt fækkun verkefna.“
Hún nefnir að hægja megi á eða
fresta einhverjum verkefnum á
vegum ríkisins, án þess þó að nefna
hvaða verkefni þar er um að ræða. Í
öllu falli blasi niðurskurður við.
Hún segir það ekkert launungar-
mál að ríkisstjórnin hafi verið að
vinna að því á undanförnum mán-
uðum að sameina ríkisstofnanir og
eftir atvikum að fækka þeim, sem
þurfi þó alls ekki að draga úr þjón-
ustustigi hins opinbera, heldur jafn-
vel þvert á móti.
Hún segir að samhliða aðhaldi
í rekstri verði ríkissjóður að af la
frekari tekna. Í þeim efnum útilokar
hún ekki skattahækkanir, en leggur
áherslu á að verja almannaþjónust-
una og hag þeirra tekjulægstu sem
hafa orðið mest fyrir barðinu á verð-
hækkunum og vaxtahækkunum að
undanförnu.
„Það er alveg ljóst að verðbólgan
er okkar stærsta viðfangsefni núna,
hún hefur áhrif á okkur öll, þar á
meðal lántakendur vegna hærri
vaxta og það þarf ekki annað en að
fara út í búð til að verða var við verð-
hækkanir á nauðsynjum.“
Yfir tuttugu prósenta fjölgun ríkisstarfsmanna frá 2015
Ríkisstarfsmönnum hefur
fjölgað langt umfram það sem
gerst hefur á almennum vinnu­
markaði á síðustu árum.
Í nýrri skýrslu Félags atvinnu­
rekenda um þá þróun segir að á
ára bilinu 2015 til 2021 hafi opin­
berum starfs mönnum fjölgað
um 11.400. Sam kvæmt þeim
tölum hefur fjöldi opin berra
starfs manna aukist um ríf lega
21,4 prósent á þessum sex árum.
Á sama tíma fjölgaði starfs­
fólki á al menna markaðnum um
4.200 sem er um þriggja pró­
senta aukning.
Fjölgun ríkisstarfsmanna er
mest í opin berri stjórn sýslu en
þar hefur starfs mönnum fjölgað
um 4.600 frá árinu 2015. Það er
um 60 prósenta aukning á sex
árum.
Katrín Jakobsdóttir forsætisráðherra segir augljóst að nýta ríkisfjármálin til að vinna með Seðlabankanum að því að
ná niður verðbólgunni og bendir á að allar stofnanir samfélagsins þurfi að róa í sömu átt. Fréttablaðið/Sigtryggur ari
Í svona árferði verði að bregðast
við af fullum þunga. „Og augljós-
lega nýtum við ríkisfjármálin til að
vinna með Seðlabankanum að því
að ná niður verðbólgunni,“ segir
Katrín.
Hún óttast ekki andstöðu við
boðaðar aðhaldsaðgerðir og aukna
tekjuöflun innan samstarfsf lokk-
anna í ríkisstjórn. Nú ríði á að allar
stofnanir samfélagsins rói í sömu
átt.
„Við eru öll sammála um markmið-
in,“ segir hún um ráðherra stjórnar-
innar og stjórnarþingmenn. n
benediktboas@frettabladid.is
rEykjAnEs Móðir sem kvaðst hafa
drukkið 200 millilítra af vodka
eftir að hafa sótt fimm ára son sinn
á leikskóla var sýknuð í Héraðs-
dómi Reykjaness á föstudag af
ákærum um að hafa sparkað í hann
og klórað.
Sýknudómurinn yfir konunni var
birtur í gær.
Í blástursprófi á lögreglustöð eftir
handtöku mældist konan með 1,97
prómill af áfengi í blóðinu
Hið meinta brot átti sér stað
mánudaginn 9. maí 2022. Móður-
inni var gefið að sök að hafa sparkað
einu sinni í búk sonar síns inni í
svefnherbergi drengsins og síðar
slegið einu sinni í vinstri síðu hans í
stofu heimilisins.
Drengurinn gaf skýrslu fyrir dómi
í Barnahúsi þar sem hann sagði að
móðir hans hefði meitt hann með
hendinni og benti á vinstri síðu og
maga. Hann sagði að móðir hans
hefði einnig sparkað í hann og það
hefði verið vont. Hann hefði fundið
til í maganum og farið að gráta. Í
kjölfarið hefði hún sagst ætla að
lemja hann.
Drengurinn lýsti því að móðir
hans hefði meitt hann mörgum
sinnum og í eitt skiptið hefði hann
dottið í gólfið og meitt sig meira.
Þá sagði drengurinn að faðir hans
væri að lemja hann með hendinni
í rassinn og hausinn og það hefði
gerst mörgum sinnum. Þegar fað-
irinn lemdi hann í bossann tæki
faðir hans buxur brotaþola niður
og hann meiði sig í bossanum.
Segir í niðurstöðu dómstólsins að
varhugavert sé að telja það sannað,
svo hafið sé yfir skynsamlegan
vafa, að móðirin hafi gerst sek um
það ofbeldi sem henni var gefið að
sök. Hún verði ekki dæmd fyrir þá
hegðun sem greini frá í ákærunni og
sé því sýknuð. n
Drakk vodka en sýknuð af ákæru um að berja son sinn
Barnið sýndi lögreglumanni sem
kom á vettvang áverka á síðu og
sagði að móðir hans hefði sparkað í
hann og sýndi með látbragði hvernig
hún hefði sparkað. Fréttablaðið/getty
benediktarnar@frettabladid.is
FluG Þýska f lugfélagið Condor
hefur tilkynnt að hætt verði við
áætlunarflug til Akureyrar og Egils-
staða frá Frankfurt á þessu ári. Til
stóð að flogið yrði um miðjan maí
og fram í október, en ljóst er að ekk-
ert verði úr því.
Að sögn Sigrúnar Bjarkar Jakobs-
dóttur, framkvæmdastjóra Isavia,
hefði þurft meiri fyrirvara til að
tryggja betri bókanir. Hún vonast
til að það verði úr millilandaflug-
inu milli Þýskalands og Norður- og
Austurlands á næsta ári. n
Condor frestar að
fljúga til Íslands
Áfram er þó stefnt að því að Condor
fljúgi til Akureyrar og Egilsstaða.
benediktarnar@frettabladid.is
FAstEiGnir Alls voru 411 kaup-
samningar gefnir út í janúar á land-
inu öllu og hafa ekki verið færri
síðan í janúar 2012. Þetta kemur
fram í mánaðarskýrslu Húsnæðis-
og mannvirkjastofnunar.
Um 700 íbúðir voru teknar úr sölu
í febrúar. Tólf mánaða verðhækkun
íbúðarhúsnæðis mælist nú 12,4
prósent á höfuðborgarsvæðinu og
fer hratt lækkandi. Þá jókst hlutfall
íbúða á höfuðborgarsvæðinu sem
seldust á yfirverði um 2 prósent. n
Ekki færri keypt
íbúð í janúar í
meira en áratug
4 fréttir FRÉTTABLAÐIÐ 28. mARs 2023
ÞriÐJUDAGUr