Víkurfréttir - 01.03.2023, Blaðsíða 4

Útgefandi: Víkurfréttir ehf., kt. 710183-0319. Afgreiðsla og ritstjórn: Krossmói 4a, 4. hæð, 260 Reykjanesbæ, sími 421-0000. Ristjóri og ábyrgðarmaður: Páll Ketilsson, s. 893-3717, pket@vf.is. Fréttastjóri:
Hilmar Bragi Bárðarson, s. 898-2222, hilmar@vf.is Auglýsingastjóri: Andrea Vigdís Theodórsdóttir, s. 421-0001, andrea@vf.is. Blaðamenn: Jóhann Páll Kristbjörnsson og Sigurbjörn Daði Dagbjartsson.
Útlit og umbrot: Jóhann Páll Kristbjörnsson og Hilmar Bragi Bárðarson. Dagleg stafræn útgáfa: vf.is og kylfingur.is
„Bæjarstjórn Reykjanesbæjar
tekur undir það að mikilvægt
er að góð samskipti verði að
vera á milli aðila þegar kemur
að úrbótum húsnæðis þar sem
stofnanir sveitarfélagsins eru
með starfsemi sína og ítrekar
þakkir sínar til starfsfólks leik-
og grunnskóla sem hafa á síðustu
árum sýnt mikla þrautseigju og
þolinmæði í störfum sínum í
flóknum og krefjandi aðstæðum.
Saman gerum við gott samfélag
betra.“
Þetta kemur fram í bókun sem
bæjarstjórn Reykjanesbæjar lagði
fram á síðasta fundi hennar undir
fundargerðum fræðsluráðs og sam-
þykkti samhljóða.
Margrét Sanders, bæjarfulltrúi
Sjálfstæðisflokksins í Reykjanesbæ
lagði fyrr á fundinum fram bókun
vegna máls úr fundargerð bæjar-
ráðs frá 9. febrúar, þar sem raka-
skemmdir í stofnunum bæjarins
voru til umfjöllunar.
„Sjálfstæðisflokkurinn leggur
áherslu á að góð samskipti þurfi
að vera á milli fulltrúa Reykja-
nesbæjar, starfsfólks stofnana og
annarra notenda húsnæðis þar sem
mygla hefur greinst. Upplýsingar
þurfa að vera skýrar og mikilvægt
er að ekki sé gert lítið úr þeim ein-
kennum sem aðilar finna fyrir,“
segir í bókuninni sem Margrét
Sanders, Helga Jóhanna Odds-
dóttir og Birgitta Rún Birgisdóttir
rita undir.
Vikuna 6.–10. febrúar fengu
nemendur í 7./8.–10. bekk í
Reykjanesbæ fræðslu um m.a.
kynímynd, kynvitund, kynheil-
brigði, samskipti kynja, mörk og
kynferðislegt ofbeldi.
N ý t t t e y m i
(Forvarnarteymi)
tók til starfa á
síðasta ári í öllum
g r u n n s k ó l u m
Reykjanesbæjar.
Teymin star fa
samkvæmt þingsályktun um for-
varnir meðal barna og ungmenna
gegn kynferðislegu og kynbundnu
ofbeldi og áreitni, ásamt áætlun
um aðgerðir fyrir árin 2021–2025.
Markmið teymanna er að tryggja
að öll börn á grunnskólaaldri fái
fræðslu. Teymin hafa verið að kort-
leggja og skipuleggja þá fræðslu
í vetur í samræmi við alþjóðleg
markmið UNESCO um kynfræðslu
og kennslu á kynheilbrigði. Af-
raksturinn birtist í bekkjarnám-
skrám skólanna á næsta skólaári.
Lýðheilsuráð Reykjanesbæjar
tók málið fyrir á síðasta fundi
sínum og þakkar forvarnarteymum
grunnskóla Reykjanesbæjar fyrir
flott starf.
Að undangengnu útboði á trygg-
ingum Suðurnesjabæjar hefur
verið gengið frá samningi um
allar tryggingar sveitarfélagsins
við Vátryggingafélag Íslands,
VÍS. Suðurnesjabær hefur átt
gott samstarf við VÍS um trygg-
ingamálin undanfarin ár og eftir
útboð á tryggingum mun sam-
starfið halda áfram næstu árin.
Þetta kemur fram á vef sveitar-
félagsins.
Suðurnesjabær fagnar áfram-
haldandi samstarfi við VÍS og var
samningur milli aðila undirritaður
í síðustu viku. Um leið þakkar
Suðurnesjabær öðrum trygginga-
félögum fyrir þátttöku í útboði
trygginganna.
Meðfylgjandi mynd var tekin af
Magnúsi Stefánssyni bæjarstjóra
og Magnúsi Geir Jónssyni hjá VÍS
þegar samningur var undirritaður.
Umhverfis- og skipulagsráð
Reykjanesbæjar hefur öðru sinni
hafnað erindi Eignakaupa ehf.
um heimild til að minnka versl-
unarrýmið á jarðhæð við Hafn-
argötu 23 og breyta því í íbúð.
Fyrirtækið óskaði eftir endur-
upptöku málsins 19. desember sl.
þar sem fyrra erindi var ítrekað.
Erindinu var hafnað vegna þess
að breyting er ekki talin styðja
við þróun Hafnargötu.
Í afgreiðslu umhverf is- og
skipulagsráðs þar sem vísað er í
greinargerð aðalskipulags Reykja-
nesbæjar 2015–2030, kemur fram
um svæði M2: „Hafnargatan hefur
verið aðalmiðbæjargata bæjarins.
Þróunarmöguleikar líflegs mið-
bæjarumhverfis eru góðir. Lögð
er áhersla á að styrkja stoðir smá-
og fagverslana og veitingastaða.“
Sú stefna sem þarna er mörkuð
er ítrekuð við endurskoðun aðal-
skipulags, þar er sett inn svohljóð-
andi ákvæði: „Lögð er áhersla á að
viðhalda lifandi götuhliðum með
innsýn í verslunar- og þjónustu-
rými. Ekki er heimilt að breyta at-
vinnuhúsnæði á jarðhæð í íbúðar-
húsnæði.“ Skipulagsáætlanir við
götuna sem hafa verið samþykktar
síðustu ár s.s. Hafnargata 12 og
Hafnargata 22–28 styðja við þessa
stefnu. Í vinnslu er deiliskipulag
fyrir Hafnargötu fyrir reit sem
markast af lóðum nr. 15 að nr. 41.
Áætlað er að það skipulag komi til
afgreiðslu á vormánuðum en þar
verður m.a. nánar skilgreind nýting
rýma á jarðhæð húsa við götuna.
Lagt er til að sérstakar húsnæðisbætur Reykjanesbæjar taki mið af
hækkun almennra húsnæðisbóta frá 1. janúar síðastliðnum en þá
hækkuðu almennar húsnæðisbætur um 13,8%. Sérstakar húsnæðis-
bætur hækkuðu til samræmis við hækkun almennra húsnæðisbóta
2022 um 10% til að tryggja að hækkunin skili sér til húsnæðisleigj-
enda. Sérstakur húsnæðisstuðningur var til umfjöllunar á síðasta
fundi velferðarráðs Reykjanesbæjar.
Viðmiðunarmörk sérstaks hús-
næðisstuðnings yrðu þá 751 kr. á
hverjar 1.000 kr. í greidda húsa-
leigu frá 1. janúar 2023 og hámark
almenns og sérstaks húsnæðis-
stuðnings samanlagt yrði 75.108 kr.
Velferðarráð mælir með að til-
lagan verði samþykkt og vísar
málinu til bæjarráðs. Lögð er
áhersla á mikilvægi hækkunar
sérstaks húsnæðisstuðnings til
að draga úr áhrifum verðbólgu á
lífskjör viðkvæmustu hópa sam-
félagsins, hún er til þess fallin að
styðja við tekjulægstu hópa leigj-
enda.
Góð samskipti mikilvæg milli aðila í úrbótum húsnæðis
Þakkir til forvarnar-
teyma grunnskóla
Reykjanesbæjar
Sérstakar húsnæðisbætur verði hækkaðar
Suðurnesjabær semur við
VÍS um vátryggingar
Áhersla á að viðhalda lifandi
götuhliðum á Hafnargötu
4 // vÍkurFrÉttir á suðurNEsJuM