Breiðholtsblaðið - 01.01.2023, Blaðsíða 14

14 Breiðholtsblaðið JANÚAR 2023
Frístundakortið er hvatn­
ing Reykjavíkurborgar
til barna og unglingar til
iðkun ar íþrótta og frístunda.
Þannig er öllum börnum
og unglingum gert kleift að
stunda eitthvað við hæfi óháð
efnahag. Allir geta stundað
uppibyggilegar íþróttir og
frístundir. Framlagið hefur
verið aukið í 75.000 kr. og
ætti það að vera enn frekari
hvatning. Fjölmargt er í boði
og fjölbreytnin hefur aukist til muna í
Breiðholti síðustu misserin, hvort sem
um ræðir framboð í íþróttastarfinu en
einnig frístundum ýmiskonar. Dæmin hafa
verið tekin fram í fyrri pistlum okkar eins
og badminton, blak, bandý, námskeið á
vegum Miðbergs og listir ýmiskonar.
Í byrjun árs viljum við hvetja foreldra til að
nýta framlagið sem best. Öll börn sem hafa
lögheimili í Reykjavík hafa rétt til að nýta
þessar 75.000 kr. við skráningu.
Börn sem eru á fyrstu tveimur
aldursskeiðum grunnskóla geta þar að
auki nýtt sér að prófa tvo möguleika,
íþróttafélögin fá greiðslu á móti. Það virkar
þannig að með því að skrá sig í ,,tvennu“
(á síðu íþróttafélaganna) greiðir barnið hálft gjald því borgin greiðir
helminginn á móti. Þannig geta foreldra nýtt frístundastyrkinn enn betur
og barnið getur prófað sig áfram í tvær greinar í stað einnar.
Fyrirkomulag Reykjavíkurborgar hefur sýnt sig vera hvetjandi til
iðkunar án nokkurs vafa og hafa mörg sveitarfélög tekið kerfið upp. Auk
þessa hafa mörg sveitarfélög frá löndunum í kring komið og skoðað þá
virkni sem frístundakortið er að gera fyrir okkur og tekið það upp.
Það má því segja að við höfum gott kerfi til að hvetja til íþrótta og
frístunda hér í borginni. En betur má ef duga skal. Við höfum síðastliðin
tvö ár, í verkefninu frístundir í Breiðholti og í raun miklu lengur, unnið
hörðum höndum að því að hvetja börn og foreldra til að vera virk og
nota styrkinn. Við erum í vegferð þar sem allir eiga að vera virkir. Sú
vegferð mun taka tíma, þó tilraunaverkið frístundir í Breiðholti endi í ár,
og ætlum að ná þeim árangri í samvinnu við ykkur öll.
Nýtum þetta framlag fyrir börnin okkar.
Jóhannes Guðlaugsson.
Mikilvægt að foreldrar
nýti aukið framlag
borgarinnar til
íþrótta og frístunda
HEILSUEFLANDI BREIÐHOLT
GETRAUNIR.IS
GETRAUNIR.ISGETRAUNANÚMER
LEIKNIS ER 109
Jóhannes
Guðlaugsson.
Sóknarmaðurinn Omar Sowe hefur
skrifað undir samning og leikur með
Leiknisliðinu í Lengjudeildinni á næsta
tímabili.
Omar Sowe skoraði tvö mörk í sautján
leikjum fyrir Breiðablik í Bestu deildinni
síðasta sumar.
Omar Sowe er 22 ára Gambíumaður sem
var hjá New York Red Bulls í Bandaríkjunum
áður en hann fór á láni til Breiðabliks.
Leiknir bindur miklar vonir við þennan
hæfileikaríka framherja.
Bjóðum Omar Sowe hjartanlega velkominn
í Leiknis-fjölskylduna.
Omar Sowe mættur í Leikni
Davíð Júlían Jónsson var á reynslu hjá hollenska liðinu NEC
Nijmegen í viku. Davíð steig upp sem einn af björtu punktum
seinni helmings tímabilsins í Bestu deildinni í fyrra. Hann
hafði fyrir þann tíma verði á láni hjá Þrótti Vogum fyrri part
sumars án þess að fá mörg tækifæri.
Kappinn er 18 ára miðjumaður sem var fyrirliði 2. flokks
áður en hann steig endanlega upp í meistaraflokk í fyrra. Davíð
er virkilega spennandi Leiknismaður og það verður gaman
að fylgjast með honum á næstunni, hvort sem hann ílengist
erlendis eða leggi sín lóð á vogarskálarnar fyrir Stoltið í sumar.
NEC-félagið þekkja Íslendingar ágætlega en Hannes Þór
Halldórsson spilaði þar um árið og það var þar sem hann
kynntist Guy Smit sem stóð öskrandi milli stanganna í 111
þangað til fyrir ekki svo löngu síðan.
Davíð Júlían til reynslu í Hollandi
Omar Sowe ásamt Vigfúsi þjálfara
meistaraflokks Leiknis.
Stefán Gíslason hefur verið útnefndur skíðakarl
ÍR 2022 og Signý Sveinbjörnsdóttir var útnefnd
skíðakona ÍR 2022.
Signý hóf árið á því að keppa á HM unglinga í
Kanada og stóð hún sig mjög vel. Einnig keppti
Signý á Ólympíuleikum æskunnar í Finnlandi
í fyrravetur. Ógleymanleg upplifun og reynsla
fyrir Signýju. Signý var krýnd bikarmeistari
Skíðasambands Íslands í kvennaflokki í
alpagreinum á Landsmóti sl. vor og Stefán stóð sig
sömuleiðis vel á því móti og var meðal annars á palli
í svigi í U18 ára flokknum.
Signý og Stefán æfa fyrir hönd skíðadeildar
ÍR, með sameiginlegu skíðaliði Reykjavíkur og
Breiðabliks. Æfingatímabilið fyrir veturinn 2022 til
2023 hófst í hitabylgju í ágúst í skíðahúsi í Hollandi.
Í október var ferðinni heitið á Hintertux jökul í
Austurríki þar sem þau æfðu við toppaðstæður. Í
nóvember var farið í æfingaferð til Senales á Ítalíu,
sömuleiðis mikið æfingagleði og toppaðstæður
fyrir okkar fólk. Í desember var svo stefnan sett á
skíðamót í Austurríki og Ítalíu og að þeim loknum
var stutt jólafrí heima á Íslandi. Núna í lok árs
dvelja þau svo með skíðaliðinu sínu í Ölpunum
og er stefnan sett á fjöldann allan af skíðamótum í
Austurríki og Ítalíu.
Signý og Stefán skíðafólk ÍR 2022
Signý Sveinbjörnsdóttir og Stefán Gíslason
skíðafólk ÍR 2022. Myndin var tekin á Landsmóti
vorið 2022.
www.leiknir.com