Vesturbæjarblaðið - jan. 2023, Blaðsíða 6

6 Vesturbæjarblaðið JANÚAR 2023
Tvö fjölbýlishús að
rísa við Snorrabraut
Nú stendur yfir bygging tveggja
fjölbýlishúsa og verslunarrýma
við Snorrabraut. Áformað er að
þriðja fjölbýlishúsið muni rísa á
lóð bensínstöðvar ÓB á horni
Snorrabrautar og Egilsgötu.
Byggingavinnan er lengst komin
á Snorrabraut 62. Þar eru atvinnu­
rými á jarðhæð þegar komin í
sölumeðferð. Þá stendur til að
hefja sölu 35 íbúða í vor. Athygli
vekur að engin sérmerkt bílastæði
fylgja þessari húsbyggingu. Engin
aukabílastæði munu fylgja húsinu
heldur verður um lágmarksfjölda
bílastæða að ræða sem eru nú
þegar flest á lóðinni. Verið er að
höfða til fólks með bíllausan lífsstíl
og bent hefur verið á að meðal
annars á að þetta sé mjög heppi­
leg stað setning fyrir fólk sem starfi
á Landspítalanum og í næsta
nágrenni. Á næstu lóð á Snorra­
braut 54 er verið að grafa grunn
fyrir bílakjallara og viðbyggingu við
húsið. Stefnt er að afhenda megi
íbúðir þar haustið 2024 en þær
verða 39 talsins. Þá verða þrjátíu
bílastæði í bílakjallaranum.
Tölvugerð mynd af ásýnd Snorrabrautar að byggingu lokinni.
Nýtt sorp flokkun ar -
kerfi í vor
Á vormánuðum 2023 verður innleitt nýtt samræmt flokkunar­
kerfi á höfuðborgarsvæðinu þar sem fjórum úrgangsflokkum
verður safnað við hvert heimili. Þrátt fyrir að lög um hringrásar­
hagkerfi taki gildi um áramót hefjast tunnuskiptin ekki fyrr en í
vor og því urðu engar breytingar við heimili um liðin áramótin.
Meginmarkmið er að fjölga tunnum hjá íbúum eins lítið og hægt
er og í flestum tilfellum verður leitast við að koma tunnum fyrir í því
rými sem er þegar til staðar við heimili. Breytingar á tunnum íbúa, ef
einhverjar verða, hefjast í fyrsta lagi í vor. Íbúar í Reykjavík þurfa ekki
að gera neinar ráðstafanir þegar tunnuskiptin koma til framkvæmda.
Með lögum um hringrásarhagkerfi, sem tóku gildi um liði áramótin
varð skylt að flokka heimilisúrgang í fjóra flokka við heimili: pappír,
plastumbúðir, lífrænan úrgang (matarleifar) og blandaðan úrgang.
Sorphirða í Reykjavík.
Sjósund
við Ægisíðu
Nýtt líf er að færast í fjöruna við gömlu grásleppuskúrana á
Ægisíðu. Hafnar eru framkvæmdir við byggingu á aðstöðu fyrir
sjósundsiðkendur. Þar munu brátt rísa búningsklefar og útisturtur
fyrir fólk sem hyggst stinga sér til sunds.
Samkvæmt verklýsingu á að hanna aðstöðuna í svipuðum stíl og
gömlu skúrana en fyrir um það bil ári var annar skúranna gerður
upp. Þá er áætlað að tengingin við sæinn og atvinnusögu skúranna
yrði í hávegum höfð. Sem dæmi verður sjávargrjóti hlaðið upp við
veggi skýlisins. Um er að ræða hugmynd sem hlaut góðar viðtökur
í hugmyndasöfnuninni Hverfið mitt fyrir um það bil tveimur árum.
Áætlaður kostnaður við verkefnið er 10 milljónir króna.
Framkvæmdir við Ægisíðuna. Myndin var tekin áður snjóa fór
á jólaföstunni.
Borgarráð samþykkti fyrir áramót að fresta tíma­
mörkum samkomulags við Festi ehf. vegna fyrir­
hugaðrar uppbyggingar á lóðinni Ægisíðu 102. Því
var rekstri bensínstöðvar N1 og smurstöðvarinnar við
Ægisíðu ekki hætt um liðin áramót líkt og tiltekið var
í samkomulagi sem gert var sumarið 2021.
Ástæður frestunarinnar eru að ekki hefur verið gengið
frá samþykkt á nýju deiliskipulagi á lóðunum Ægisíðu
102 og Fiskislóð 15 til 21 vegna atvika sem ekki má rekja
til lóðarhafa voru teknar upp viðræður um endurskoðun
á því tímamarki sem rekstri eldsneytisstöðvar á
Ægisíðu 102 hafði verð sett. Í greinargerð skrifstofu
borgarstjóra og borgarritara kemur fram að nú sé
beðið eftir niðurstöðu Borgarsögusafns um verndun
bensínstöðva auk þess sem skipulagsfulltrúi sé að vinna
að minnisblaði um uppbyggingu á þeim lóðum þar
sem samið hefur verið um að bensínstöðvar víki. Þegar
rekstri bensínstöðvarnar verður hætt verður heimilt
að taka í notkun tvær dælur við verslun Krónunnar á
Fiskislóð 15 til 21.
Bensínstöð N1 við Ægisíðu.
Bensínstöðinni ekki
lokað um áramótin
Ægisíða