Vesturbæjarblaðið - jan. 2023, Blaðsíða 12

12 Vesturbæjarblaðið JANÚAR 2023
Sólarhringsvakt: 581 3300 & 565 5892
Komum til aðstandenda og ræðum skipulag sé þess óskað
Sverrir Einarsson
S: 896 8242
Jón G. Bjarnason
S: 793 4455
Jóhanna
Eiríksdóttir
Útfararstofa Íslands
www.utforin.is w Auðbrekku 1, Kópavogi
Útfararstofa Hafnarfjarðar
www.utfararstofa.is w Dofrahellu 9b, Hafnarfirði
Stemning og
stuð í Frosta
Mikið var um að vera í félagsmiðstöðinni Frosta í desember. Í
byrjun mánaðar var spænskt kvöld þar sem unglingarnir elduðu
ýmislegt gómsætt í spænsku eldhúsi. Um miðjan desember voru
haldin jólaböll fyrir 10- til 12 ára og Hagaskóla, Það var stuð
og stemning á báðum dansleikjum en unglingar úr Hagaskóla
hjálpuðu til með miðstigs ballið bæði með afgreiðslu í sjoppu
og að skífuþeyta.
Þá er ýmislegt spennandi á döfinni í janúar, Danskeppni Samfés,
hönnunarkeppnin Stíll og söngkeppni Tjarnarinnar. Söngkeppnin
er undankeppni fyrir söngkeppni Samfés einn stærsta viðburð
ársins. Það verður stemning og stuð í Frosta eftir áramót og hlakkar
starfsfólk til að gera skemmtilega og gefandi hluti með börnum og
unglingum Vesturbæjar.
Jólaskreytingar í Frosta í aðdraganda jóla.
Nú stunda rúmlega 130 nemendur nám í
alþjóðadeildinni og um 230 í íslensku deildinni í
Landakotsskóla. Alls voru 24 erlendir nemendur
skráðir í skólann þegar alþjóðadeildin þar var
stofnuð 2015.
Alþjóðlegum nemendum hefur fjölgað mikið á
undanförnum árum og nú stunda um 50 indverskir
nemendur nám við skólann svo dæmi sé tekið. Alls eru
nemendur af 42 þjóðernum í Landakotsskóla og fjöldi
tungumála sem eru töluð þar er viðlíkur. Kennslan við
alþjóðadeildina fer fram á ensku og athyglisvert er að
sjá hversu vel nemendunum tekst að aðlagast íslensku
skólasamfélagi, sama frá hvaða landi þau koma. Ýmsar
ástæður eru fyrir því að hinir erlendu nemendur eru
hér á landi. Margir eru komnir vegna atvinnutækifæra
foreldra og á síðasta ári bættust nemendur við vegna
fólks sem komið hefur hingað vegna stríðsins í í
Úkraínu. Í Landakotsskóla má sjá nemendur frá Úkraínu
og Rússlandi sitja hlið við hlið í skólastofum þar sem
stríðsátök heimalanda þeirra eru víðs fjarri.
Landakotsskóli
Tónmenntakennsla í Landakotsskóli.
Alþjóðadeildin vex stöðugt
Dansgarðurinn - Óskandi á Eiðistorgi býður
upp á fjölbreytt dansnám og hreyfingu, allt frá
fjölskyldukrílatímum í metnaðar fullt grunnnám
í listdansi og fjölbreytta hreyfingu fyrir fullorðna
eins og pilates, flamenco og ballett. Það má segja
að dansskólinn Óskandi á Eiðistorgi sé falin perla í
hverfinu okkar segir Guðrún, skólastjóri Óskanda.
Óskandi var opnað með það að leiðarljósi að bjóða
upp á jákvætt, faglegt og uppbyggilegt umhverfi þar sem
áhersla er á samvinnu, vellíðan, metnað og sköpun.
Samvinna kallar á samtal og er þroskandi og mikilvægur
hluti skólastarfs. Vellíðan skiptir miklu máli, manneskjan
lærir best þegar hún er í umhverfi sem henni líður vel
í, fær verkefni við hæfi og upplifir árangur. Metnaður er
lagður í starfið og ef nemendur leggja metnað í nám sitt þá
uppskera þeir eins og þeir sá og eiga síðan auðveldara með
að takast á við fjölbreytt og krefjandi verkefni. Síðast en
ekki síst er sköpun en sköpun örvar forvitni, ímyndunarafl
og opnar á nýja möguleika. Sköpun er eiginleiki sem við
öll fæðumst með en bælum oft niður þegar við eldumst.
Það að halda áfram að skapa og uppgötva er mikilvægur
eiginleiki sem við búum yfir og getum styrkt.
Á vorönn verður margt í boði fyrir allan aldur. Fyrir
yngstu dansarana okkar er það kríladans sem er
fjölskyldusamverustund fyrir börn frá 3 mánaða með
forráðamanni þar sem við spjöllum um hreyfiþroskann,
syngjum, leikum og dönsum saman. Gólfið er fyrsti
leikvöllur barnsins og mikilvægt að barn fái tækifæri til að
vera á gólfinu í frjálsum leik. Þessar samverustundir eru
yndislegar og gaman að fylgjast með hvað er að gerast hjá
hverju barni segir Guðrún sem er með samverustundirnar.
Fyrir aðeins eldri nemendur eða frá 3 ára er hægt að
sækja balletttíma þar sem ballett er kynntur í gegnum
sköpun og leik. Frá 4 ára eru skapandi danstímar
og síðar nútímadanstímar í boði. Þegar nemendur
eru um 8 - 9 ára er boðið upp á grunnnám í listdansi
sem er kennt samkvæmt aðalnámskrá listdansskóla
frá Menntamálaráðuneytinu. Einungis örfáir skólar á
landinu bjóða upp á þetta nám sem samanstendur af
klassískum ballett, nútímalistdansi, spuna, táskótækni,
karakterdönsum og dansverkum. Þannig það þarf ekki að
leita langt í metnaðarfullt listdansnám, segir Guðrún.
Hreyfing er mikilvæg fyrir unga sem aldna og mikilvægt
að hver og einn finni hreyfingu við hæfi. Við höfum frá
upphafi boðið upp á ballett fyrir fullorðna enda er það
mjög skemmtileg leið til að hreyfa sig en upp á síðkastið
höfum við bætt við flamencotímum sem hefur verið
mjög skemmtilegt. Alejanda sem kennir þá tíma er mjög
fær og leggur mikla ást og metnað í tímana sína. Einnig
bjóðum við upp á pilatestíma í hádeginu á mánudögum
og miðvikudögum. Pilates sem var hannað af Joseph
Pilates fyrir um einni öld og er eitt af fáum æfingakerfum
sem staðist hefur tímans tönn. Pilates er hannað til að
styrkja, liðka og leiðrétta líkamsstöðu á náttúrulegan og
heilbrigðan hátt, gert með skilningi, öndun og virðingu
fyrir líkamanum. Það sem er svo frábært við pilates er að
það hentar fjölbreyttu getustigi. Það hentar bæði þegar
fólk er að byrja aftur að hreyfa sig eftir veikindi eða meiðsli
en líka fyrir fólk sem er nú þegar í annarri hreyfingu.
Katla sem kennir tímana er algjör reynslubolti og nær að
bjóða upp á fjölbreytta og skemmtilega pilatestíma í hlýju
umhverfi.
Það nýjast sem við erum að bjóða upp á núna eru
fjölskyldutímar fyrir börn frá 9 ára með foreldri/foreldum.
Góð tengsl foreldra og barna eru mjög mikilvæg, ekki
síst þegar börnin eldast. Við byrjuðum janúar á
salsafjölskyldutíma en planið er að bjóða upp á fjölbreytta
danstíma einu sinni í mánuði þar sem foreldrar, ásamt
börnum og unglingum, geta komið saman einu sinni í
mánuði og dansað og átt gæðastund saman.
Falin perla á Eiðistorgi
Skeifan 8 | 108 Reykjavík | sími 517 6460 | www.belladonna.is

Erum að taka upp nýjar vörur
VOR 2023