Vesturbæjarblaðið - mar. 2023, Blaðsíða 8

8 Vesturbæjarblaðið MARS 2023
Búið er að gera einn grásleppu­
skúranna við Ægisíðu upp.
Skúrarnir hafa verið í umsjá
Borgar sögu safns Reykjavíkur frá
2017. Vorið 2020 var sá grásleppu­
skúr sem stóð vestast fjarlægður
til viðgerðar en viðgerðaráætlun
var á vegum Borgasögusafnsins.
Reynt var að nota allt nýtilegt
sem til var af byggingarefni.
Eitt af því sem kom í ljós við
endur bygginguna voru leifar af
tjörupappaklæðingu sem var á
skúrnum eftir miðja síðustu öld
og einnig gluggasetning. Fyrir
nokkrum misserum var skipt um
jarðveg í kringum skúrana. Einnig
fór fram fornleifarannsókn á þeim
hluta svæðisins sem hróflað var
við og þá fundust m.a. aldargömul
ummerki um mannanna verk
á svæðinu.
Grásleppuútgerð frá Ægisíðu á sér
langa sögu. Þegar mest var þá voru
sextán bátar gerðir þaðan út. Því eru
um merkar atvinnuminjar að ræða
fyrir Reykjavík. Hætt var að róa frá
Ægisíðunni fyrir rúmum tveimur
áratugum. Skúrarnir hafa látið mjög
á sjá og eru lýti í augum sumra en
aðrir sjá í þeim fegurðina og söguna.
Þar hafa tekist á gamalkunnug
sjónarmið um mengun eða minjar. Í
byrjun árs 2005 var hafist handa um
að rífa flesta skúrana. Talin var hætta
á því að skúrarnir gætu brotnað og
hlutar af þeim fokið í slæmu veðri
og valdið hættu og tjóni. Einnig var
talið að fíkniefnaneytendur hefðust
við í skúrunum yfir sumartímann,
enda sumir af þeim opnir.
Hugmyndir um
minningarreit
Nokkrir skúranna fengu að standa
áfram. Um var að ræða skúra sem
einhver kannaðist við að eiga og
vildi halda. Sú hugmynd kom fram
að hafa nokkurs konar minjareit
um þessa grásleppuútgerð á
þessum stað í framtíðinni. Af þeim
sökum voru spil og bátagrindur
sem notuð voru til að ná bátunum
á land ekki sett í brotajárn, heldur
geymt í geymslum borgarinnar og
ef til vill notað þegar ákveðið hefur
verið hvernig staðið verður að
minningarreitnum.
Endurvakning
útgerðarinnar
Ári síðar 2006 lagði Kjartan
Magnússon borgarfulltrúi til að
endurvekja grásleppuútgerð í
Grímsstaðavör við Ægissíðu í
Reykjavík. Hann lagði tillöguna um
endurvakningu útgerðarinnar og
friðun grásleppuskúranna fram í
menningarmálanefnd. Kjartan benti
þá á að skúrarnir við Ægissíðu væru
elstu minjar um smábátaútgerð í
Reykjavík og því afar mikilvægt sé að
varðveita þá.
Viðgerðir hafnar –
hugmyndir um sjósund
Stefán Pálsson sagnfræðingur
lagði til lagfæringar á skúrunum
og öðrum mannvirkjum sem
við þá standa í grein 14. október
2004. „Með vinnu og alúð mætti
endurvekja blæ þess tíma þegar
róið var úr annarri hverri vör og
fiskiskúrar stóðu með fram allri
strandlengju borgarinnar,“ sagði
í greininni. Guðjón Friðriksson
sagnfræðingur og sérfræðingur í
sögu Reykjavíkur var sama sinnis.
„Mér finnast skúrarnir setja
ákveðinn sjarma á þetta svæði.
Þeir eru orðnir fastir punktar í
Reykjavík og tengjast minningum
fólks,“ sagði Guðjón í viðtali. Ellý
K. J. Guðmundsdóttir þáverandi
forstöðumaður Umhverfis og
heilbrigðisstofn Reykjavíkur segði
reynt yrði að leysa málið þannig að
um það ríki sátt. „Ég held að það
sé enginn ágreiningur um þetta,
allir eru sammála um að þetta
eru minjar en þær líta ekki vel út
í augnablikinu.“ Guðný Gerður
Gunnarsdóttir borgarminjavörður
var sama sinnis og kvað fulla
ástæðu til að varðveita skúrana
og gera þá upp svo prýði sé af á
því fjölfarna útivistarsvæði sem
Ægisíða er. „Þetta eru minjar um
sjósókn við Skerjafjörðinn og
merkur þáttur í sögu borgarinnar,“
sagði Guðný. Nú hafa viðgerðir á
fyrsta grásleppuskúrnum staðið yfir
um tíma og ljóst má vera að þessar
minjar um sjósókn og útveg fyrri
tíma fái að standa. Þá hefur verið
unnið að því að útbúa aðstöðu til
sjósunds við grásleppuskúrana.
Grásleppuskúrarnir við Ægissíðu.
Grásleppuskúrarnir við Ægisíðu
Minjar um
merka starfsemi
Löng hefð er fyrir því að kalla hrognkelsi tveimur nöfnum, hrygnan er
nefnd grásleppa og hængurinn rauðmagi.
Vilja byggja
á Sólvallagötu 47
Nýverið barst skipulagsfulltrúanum í Reykjavík fyrirspurn um
Sólvallagötu 47. Fyrirspyrjandi var Jakob Líndal arkitekt þar sem
spurst var fyrir um að hvort rífa mætti núverandi íbúðarhús á
lóðinni eða flytja það.
Á lóðinni við Sólvallagötu 47 stendur litið einbýlishúsi á stórri lóð á
milli tveggja fjölbýlishúsa. Ætlun fyrirspyrjanda er að leita leyfis til að
byggja nýtt fjölbýlishús þess í stað. Staðsetningin þykir henta til þess
að byggja fjölbýli og fjölga þar með íbúðum í hjarta Vesturbæjarins.
Málinu var vísað til umsagnar verkefnisstjóra.
Sólvallagata 47.
IÐA byggir
eftirtektar verða
blokk við Frakkastíg
Bygginga­ og ráðgjafafélagið Iða hefur gengið frá hluta­
fjáraukningu og fengið öfluga fjárfesta í lið með sér. Ætlunin er að
byggja framúrstefnulegt fjölbýlishús við Frakkastíg 1 í miðborg
Reykjavíkur. Hönnun hússins er einkar eftirtektarverð. Þá verður
húsið reist eftir aðferðum hringrásarhagkerfisins.
Björt Ólafsdóttir fyrrum umhverfis- og auðlindaráðherra og nú
framkvæmdastjóri IÐU segir á facebooksíðu sinni að gengið hafi
verið frá hlutafjáraukningu og fengnir öflugir fjárfestar til að hleypa af
stokkunum áhugaverðu og krefjandi verkefni til að hanna og byggja
fjölbýlishús á Frakkastíg 1. Hún segir að eitt skref í byggingaiðnaðinum
vera að huga að byggingarefnunum og vera ekki sífellt að henda
dýrmætum auðlindum, heldur upphanna og skapa nýtt. Samhliða
uppbyggingunni á Frakkastíg er IÐA að vinna fyrir geirann í heild
sinni og hefur fengið til þess styrk úr ASKI Mannvirkjasjóði. Danska
arkitektastofan Lendager með Arnhildi Pálmadóttur arkitekt í broddi
fylkingar sem sér um hönnun hússins við Frakkastíg 1.
Þannig hugsa hönnuðir sér útlit blokkarinnar við Frakkastíg 1. Til
hliðar má sjá Arnhildi Pálmadóttur arkitekt og Björt Ólafsdóttur
framkvæmdastjóra.
www.borgarblod.is