Feykir - 05.01.2022, Blaðsíða 4

Árni Björn er Maður ársins á Norðurlandi vestra
„Heppinn með fólkið
í kringum mig“
Árni Björn Björnsson á
Sauðárkróki er Maður
ársins 2021 á Norðurlandi
vestra að mati lesenda
Feykis og Feykir.is. Árni
Björn er eigandi veitinga-
staðarins Hard Wok Cafe á
Aðalgötunni á Sauðárkróki,
ásamt Ragnheiði Ástu
Jóhannsdóttur konu sinni.
Líkt og undanfarin ár stóð
Feykir fyrir kjöri á manni ársins
á Norðurlandi vestra. Blaðinu
bárust sjö tilnefningar og gafst
lesendum kostur á að velja á
milli þeirra. Þátttaka var góð og
varð niðurstaðan sú að vertinn
Árni Björn hlaut flest atkvæðin
í kosningunni.
Þau Árni Björn og Ragn-
heiður Ásta hafa verið dugleg
að rétta fram hjálparhönd við
ýmis málefni og styðja við það
sem er að gerast í samfélaginu.
„Til dæmis karfan, stuðningur
við fjölskyldu Erlu og svo ótal-
margt annað. Þau gera mjög
mikið fyrir okkar samfélag og
alltaf tilbúin að rétta hjálpar-
hönd,“ segir í meðmælum
þeirra er tilnefndu Árna.
Árni segir útnefninguna
koma sér skemmtilega á óvart
en vill ekki eigna sér hana einn.
Margir hafa lagt hönd á plóg í
þeim söfnunum sem farið hafa
fram á hans vegum og eiga
stóran hlut í þessum verkefnum.
„Við vonum náttúrulega
alltaf að aldrei þurfi að safna en
því miður þá gerist það að fólk
verður fyrir skakkaföllum og þá
reynum við bara að létta undir.
Að gefa svona einn dag marg-
faldar áhrifin, t.d. með því að
leggja fram 100 þúsund krónur
sem getur orðið að einni mill-
jón með hjálp fólks. Venjulega
fáum við birgja til að styðja við
okkur þannig að við erum
kannski að leggja tiltölulega
lítið fram peningalega séð,“
útskýrir hann. „Maður horfir
bara á hlutina þannig og þetta
brýtur líka upp hversdags-
leikann og svo kynnist maður
nýju fólki.“
Tækifæri í Kóvidinu
Árni segir reksturinn ganga vel
á Hard Wok og segir tækifæri
hafa leynst í Kóvidinu. Þannig
hafi árið 2020 t.d. toppað öll
önnur ár á undan. „Við fundum
alveg fyrir Covid í mars og apríl
en reyndum að vera dugleg við
að hafa alls kyns fjölbreytni í
boði til að búa til tekjur og
borga starfsfólki. Og svo hefur
árið 2021 slegið öll met. Við
höfum ekki látið Covidið
stoppa okkur heldur brugðist
við breyttum aðstæðum, stund-
um erfitt en alltaf gengið upp.“
Árni segist mjög ánægður
með fólkið í kringum sig og
segir frá einum viðskiptavin
sem hældi starfsfólkinu. Árni
sagðist þá vera heppinn með
fólk og sagði þá viðskipta-
vinurinn að það væri hæfileiki
að vera heppinn. „Þannig að ég
hlýt að vera hæfileikaríkur. Ég
trúi því að maður laði að sér
það sem maður gefur af sér,“
segir hann „...það gefur að gefa.
Ég er mjög heppinn með fólkið
í kringum mig hvort sem um er
að ræða starfsfólk, fjölskyldu,
vini eða samfélag og ekki síst
góða viðskiptavini. Þessu fólki
er ég þakklátur.“ /PF
Feykir sagði frá því snemma í
desember að tvö ungmenni af
Norðurlandi vestra höfðu þá
verið valin í U21-landsliðshóp
Landssambands hestamanna
fyrir árið 2022. Guðmar Hólm
Ísólfsson Líndal, úr Hesta-
mannafélaginu Þyt í Húnaþingi
vestra og Þórgunnur Þórarins-
dóttir, Skagfirðingi. Guðmar
svaraði spurningum Feykis í
síðasta blaði ársins, sem kom út
fyrir jólin, og nú er komið að
Þórgunni. Hún býr á Sauðár-
króki, dóttir þeirra Þórarins
Eymundssonar, hestahvíslara,
og Sigríðar Gunnarsdóttur,
sóknarprests.
Þórgunnur segir tilfinninguna
hafa verið mjög góða þegar hún
fékk að vita að hún hefði verið
valin í U21-landsliðshóp LH 2022
enda mjög spennandi og mikill
heiður. „Það er skemmtilegt að
uppskera vel eftir gott ár og vita
að maður hafi verið að gera vel.
Þetta er líka mikil hvatning fyrir
mig að gera ennþá betur,“ segir
hún.
Segðu frá keppnum sumarsins
og hvernig hafa þær gengið hjá
þér? „Keppnir sumarsins gengu
oftast mjög vel. Það var mikil
keyrsla í sumar og mikið ferðalag
á okkur fjölskyldunni eins og
vanalega. Ég lærði mikið í sumar
og hestarnir mínir stóðu sig
frábærlega. Aðalmót sumarsins
voru Fjórðungsmót Vesturlands
og Íslandsmót yngri flokka. Á
Fjórðungsmótið mætti ég með
Hnjúk frá Saurbæ. Hann er átta
vetra stóðhestur úr ræktun for-
eldra minna. Við fórum í Borgar-
nes að keppa í unglingaflokki og
það gekk prýðilega, við höfnuðum
í þriðja sæti. Ég hafði ekki háar
væntingar til hans þar sem hann
var bara að stíga sín fyrstu skref í
keppni og við höfðum ekki verið
lengi saman. Íslandsmót barna og
unglinga var svo nokkrum dögum
seinna. Ég vissi að Hnjúkur átti
helling inni fyrir það mót og við
fórum beinustu leið í A-úrslit eftir
forkeppni V1. Einnig urðum við
Íslandsmeistarar í fimikeppni á
því móti. Hann stóð sig alveg
framar vonum. Ég mætti líka með
þá Takt frá Varmalæk og Djarf frá
Flatatungu á mótið. Þeir fóru báðir
í A-úrslit í fimmgangi og ég endaði
svo í 2. sæti með Takt í úrslitum.
Einnig tók ég þátt í minni mótum
eins og stórmóti Hrings. Þar náði
ég mínum fyrsta tíma í 100 m
skeiði á Gullbrá frá Lóni, 7.72
sekúndur. Það var mjög
skemmtileg upplifun.“
Þau eru sigursæl feðginin,
ásamt litlu systur, Hjördísi Höllu,
sem nældi sér í tvo Íslands-
meistaratitla síðasta sumar svo
það er forvitnilegt að vita hvort
ekki sé hörð samkeppni um
keppnishrossin. En eins og gott
lið á að vera segir Þórgunnur
samkomulagið með keppnis-
hrossin alltaf gott: „Við erum öll
bara með okkar keppnishesta en
auðvitað skiptumst við stundum
á,“ segir hún.
Íþróttafélag: -Hestamannafélagið
Skagfirðingur.
Helstu íþróttaafrek: -Íslands-
meistari í fimi unglinga og að vera
valin í U-21 landsliðið.
Skemmtilegasta augnablikið: -Á
svo mörg skemmtileg móment,
það var virkilega gaman að taka
þátt í landssýningunni í Borganesi
í sumar. Það var geggjað veður
og við Djarfur frá Flatatungu
vorum í góðum gír.
Þórgunnur og Hnjúkur frá
Saurbæ á Íslandsmóti yngri
flokka í Hafnarfirði
síðastliðið sumar.
MYND: SIGRÍÐUR G.
Reynir að undirbúa sig
vel fyrir hverja keppni
ÍÞRÓTTAGARPURINN | palli@feykir.is
Þórgunnur Þórarinsdóttir
Neyðarlegasta atvikið: -Þegar ég
lendi í rokum inni á keppnis-
vellinum.
Einhver sérviska eða hjátrú?
-Ég er ekki hjátrúarfull. Það er
kannski engin sérviska en ég vil
alltaf vera eins vel undirbúin og
ég get og vera búin að græja allt
degi fyrir keppni. Mér líður mikið
betur þegar ég veit að allt er klárt
og þá verða líka minni líkur á ein-
hverju óþarfa stressi.
Uppáhalds íþróttamaður? -Sara
Björk Gunnarsdóttir, [knattspyrnu-
kona].
Ef þú mættir velja þér and-
stæðing, hver væri það og í
hvaða grein mynduð þið spreyta
ykkur? -Ég myndi vilja keppa í
kappreiðum á Gullbrá okkar frá
Lóni við meistara Konráð Val á
Kjarki frá Árbæjar-hjáleigu.
Hvernig myndir þú lýsa þeirri
rimmu? -Það yrði allt sett í botn
og við Gullbrá gæfum þeim ekkert
eftir.
Helsta afrek fyrir utan íþrótt-
irnar? -Að fara í göngur hjá Einari
frænda mínum í Flatatungu.
Lífsmottó: -Hugurinn ber þig
hálfa leið.
Helsta fyrirmynd í lífinu: -For-
eldrar mínir eru mínar helstu
fyrirmyndir í lífinu. Þau standa
alltaf við bakið á mér í öllu sem ég
geri og hafa kennt mér nánast allt
sem ég kann. Ég er ævinlega
þakklát fyrir að eiga þau að.
Hvað er verið að gera þessa
dagana? -Það er bara verið að
þjálfa hesta á fullu og vinna í
hesthúsinu alla daga. Undirbún-
ingur fyrir komandi keppnis-
tímabil gengur vel og er ekki
síður skemmtilegt en að keppa.
Svo er ég bara í skólanum og
eitthvað að reyna að læra á bíl og
alls konar fleira gaman.
Hvað er framundan? -Það er að
halda áfram að þjálfa og verða
betri með hverjum deginum, svo
byrja mótin í febrúar.
Eitthvað sem þú vilt koma á
framfæri? -Megi 2022 færa okkur
öllum gæfu og gleði.
Til hamingju Árni Björn! MYND: PF
VIÐTAL
Páll Friðriksson
4 01/2022