Feykir - 06.04.2022, Blaðsíða 5

14/2022 5
Geggjaðir litir í ár
Feykir skoðar fermingartískuna 2022
Satínefnið nýjasta æðið
hjá stelpunum
Það sem er áberandi í fermingarlín-
unni hjá stelpunum í ár eru fallegir
hnésíðir kjólar og má finna þá úr
fallegri blúndu, með alls konar blóma-
mynstrum eða einlita. Það sem ein-
kennir sniðið er að þeir eru wrap eða
vafðir utan um mittið, hvort sem það
sýnist vera bundið eða er það. Þá er
hálsmálið yfirleitt v-hálsmál eða lokað
alveg upp í háls. Undanfarin ár hafa
samfestingar verið áberandi en í ár
virðast þeir vera á undanhaldi og hafa
dragtir tekið við keflinu og það í
skemmtilega geggjuðum litum eins og
t.d. bleiku eða grænu. Það sem ég er
hins vegar hrifnust af er satínefnið og
má sjá það t.d. í fallegum skyrtum og
kjólum og gefur það einhvern róm-
aðan og fágaðan stíl á stúlkunum.
Skóbúnaðurinn er á svipuðum nótum
og síðustu ár, annaðhvort grófir skór
eins og t.d. Dr. Martens eða þá fínir
bandahælaskór með kubbahæl eða
mjóum litlum hæl.
Einlitir jakkar
og léttar buxur
Litlu herramennirnir okkar hafa feng-
ið svipaðan stíl að velja úr eins og
undanfarin ár. Við erum að tala um
fallega tvíhneppta jakkafatajakka,
annaðhvort einlita eða köflótta.
Innanundir klæðast þeir ljósum
skyrtum, hvítri eða ljósblárri eða
jafnvel bara einlitum bol ef þeir vilja
þægindin. Þá eru teknar léttar einlitar
buxur við með chino sniði. Fyrir þá
sem vilja vera extra flottir þá eru að
sjálfsögðu jakkafötin einnig vinsæl,
þá í gráum og bláum tónum. Skóbún-
aðurinn er svo léttir og þægilegir
strigaskór eða þá grófir skór eins og
Dr. Martens sem nýtast þá sem hvers
dagsskór eftir stóra daginn.

Hér á Norðurlandi vestra byrja
fermingarnar á pálmasunnudag og
eru þær síðustu alveg fram á miðju
sumri. Það er því nokkuð ljóst að
fjölskyldur fermingarbarna eru löngu
byrjaðar að undirbúa, ef ekki bara á
lokametrunum á tékklistunum sínum.
Vonandi gleymdist bara ekkert því
erfitt getur verið að redda sumu á
síðustu metrunum ef það fæst ekki í
heimabyggð. Ég segi því – það er
aldrei hægt að fara of oft yfir tékk-
listana sína og verum dugleg að deila
reynslunni okkar með öðrum. Ég
mæli með Facebook-síðu sem heitir
Fermingar undirbúningur og hug-
myndir sem gott er að styðjast við við
skipulagningu fermingardagsins og
þar er fólk duglegt að leita ráða með
alls konar tengt stóra deginum.
Munum svo bara að njóta!
MYNDIR: Gunnlöð Jóna Rúnarsdóttir | GALLERÍ 17 www.ntc.is
14/2022
Það sem ég hef mestan áhuga á
varðandi fermingarundirbúninginn
er án efa fatnaðurinn sem
krakkarnir klæðast. Verandi gamall
starfsmaður tískuvöruverslunar
þá fannst mér ekkert jafn
skemmtilegt en þegar maður náði
að gera bæði fermingarkrakkann
og foreldrana ánægða með
valið á fermingarfatnaðinum.
Lokaútkoman, uppáklæddir
krakkar í sínu fínasta pússi, full
af tilhlökkun og spenningi yfir
deginum mikla var æðisgengin.

Ég tók mig til og skoðað úrvalið í helstu
verslunum hér á landi og er engin
spurning að fermingarkrakkarnir eru í
góðum málum með að finna eitthvað við
hæfi því það er mjög gott úrval í boði
fyrir þennan hóp. Ég er reyndar fullviss
um að starfsfólk fataverslana í dag þrái
ekkert annað, eftir langan Covid faraldur
þar sem fólk sást ekki inni í verslunum
mánuðum saman, en að fá að aðstoða
þennan flotta hóp að finna rétta dressið
frá toppi til táar. Ég segi því við ykkur,
sem eruð að fara í þessa fataleit, gerið
ykkur ferð í verslunarleiðangur og látið
starfsfólkið hjálpa ykkur, það er bara allt
annað en að panta á netinu. Þið sparið
kannski tíma en þetta á að vera smá
upplifelsi fyrir krakkana... ekki taka það
af þeim því það er svo auðvelt að gera
þetta skemmtilegt fyrir þau.
UMFJÖLLUN
Sigríður Garðarsdóttir