Feykir - 23.11.2022, Blaðsíða 2
Eins og langflestir hafa áttað sig á er Heimsmeistara-
keppnin í knattspyrnu hafin í Katar og mætti þá ætla að
sérhver fótboltaáhuga- uuu, -maður, -kona, -kvár, -mann-
eskja, að gleðjast. En berin eru
súr, svo rammandskoti súr að
margir hafa látið að því liggja að
þeir ætli ekki að horfa á einn
einasta leik. Flestir ætluðu hvort
sem er ekki að horfa á nokkurn
leik.
Þegar við hér á Landinu bláa
„eigum samtal“ um jafnréttismál,
réttindi samkynhneigðra, feðra-
veldið fornfræga og hvort konur séu líka menn og þá hvort
kvár sé þá einnig maður eða þá að við séum bara öll
manneskjur, þá er erfitt að setja sig í spor þeirra sem höllum
fæti standa í þeim málum í Arabaríkjum eins og Katar.
Það hefur staðið í mörgum að annarri eins íþróttahátíð
og heimsmeistaramót er skuli hafa verið ætlaður staður í
landi eins og Katar, sem þekkt er fyrir alvarleg mannrétt-
indabrot og ýmsa samfélagsglæpi sem flest, ef ekki öll,
vesturveldi fordæma. Hvernig má það þá vera að mótið fari
fram á þessum stað. Það er ekki eins og þetta hafi verið
ákveðið í fyrra. Nei, það var gert árið 2010, fyrir tólf árum
síðan þannig að heimsbyggðin hefur haft rúman áratug til
að koma sínum skoðunum og mótmælum á framfæri. Á það
hefur verið bent með góðum rökstuðningi að spilling hafi
verið í spilunum og stjórnarmenn FIFA þegið mútur.
En svona er staðan, boltinn rúllar í Katar, konur þurfa að
láta lítið fyrir sér fara, samkynhneigðir bara helst ekki, og
lítrinn af bjór kostar álíka og tunna af olíu. Og fyrst minnst
er á olíu þá má geta þess að þriðju stærstu gas- og olíulindir
heims má finna í Katar og eru þær metnar meiri en 25
milljarðar tunna. Þessar auðlindir hafa gert Katar að einu
ríkasta landi heims og mest þróaða landi Arabaheimsins,
segir á Wikipedíu.
En hvað gengur furstanum í Katar til. Fótbolti er íþrótt
sem ekki á sér neina sögu í landinu en nefnt hefur verið að
reynt sé að fegra laskaða ímynd en sagt er að Katarar vilji
auka ferðamannaiðnaðinn í landinu. Ég er ekki viss um að
sú ráðagerð heppnist því kastljósi fjölmiðla er ekki síður
beint að þeim fjölmörgu farandverkamönnum sem störfuðu
við uppbyggingu mannvirkja HM og hvernig farið var með
þá m.t.t. alls aðbúnaðar, launa og vörslu vegabréfa, sem
ekki er nokkru ríki sæmandi.
Ég er alla vega ekki á leiðinni til Katar fyrr en raun-
verulegur árangur hefur náðst í réttindabaráttu í landinu og
fólk geti gengið um göturnar án þess að eiga það á hættu að
vera stungið í steininn fyrir það eitt að tjá ást sína eða
klæðast regnbogalituðum bol.
Góðar stundir.
Páll Friðriksson, ritstjóri
LEIÐARI
Ferðamannaparadísin Katar
Óháð fréttablað á Norðurlandi vestra - alltaf á miðvikudögum
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Óli Arnar Brynjarsson, oli@feykir.is
Sigríður Garðarsdóttir, siggag@nyprent.is | Klara Björk Stefánsdóttir, klara@nyprent.is
Prófarkalestur: Fríða Eyjólfsdóttir
Auglýsingastjóri: Sigríður Garðarsdóttir, siggag@nyprent.is
Áskriftarverð: 649 kr. hvert tölublað með vsk. Lausasöluverð: 795 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
AFLATÖLUR | Dagana 13.–19. nóvember á Norðurlandi vestra
Tæpum 553 tonnum landað á Skagaströnd
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Viktor Sig HU 66 Handfæri 903
Samtals á Skagaströnd 552.539
SAUÐÁRKRÓKUR
Drangey SK 2 Botnvarpa 131.416
Greifinn SK 19 Handfæri 405
Helga María RE 1 Botnvarpa 101.550
Málmey SK 1 Botnvarpa 116.876
Viðey ER 50 Botnvarpa 105.266
Samtals á Sauðárkróki 455.513
SKAGASTRÖND
Bárður SH 81 Dragnót 92.567
Bergur Sterki HU 17 Þorskfisknet 7.425
Eskey ÓF 80 Línutrekt 37.459
Fengsæll HU 36 Handfæri 283
Fjölnir GK 157 Lína 99.994
Geir ÞH 150 Dragnót 37.493
Gulltoppur GK 24 Landbeitt lína 29.377
Hafrún HU 12 Dragnót 7.747
Páll Jónsson GK 7 Lína 113.888
Sighvatur GK 57 Lína 125.403
Það voru ellefu bátar sem lönduðu á Skaga-
strönd í síðustu viku. Heildaraflinn þeirra var
552.539 kg sem náðist í 27 löndunum. Afla-
hæstur var línubáturinn Sighvatur GK 57 sem
landaði rúmum 125 tonnum og aflalægsti
báturinn var Fengsæll HU 36 sem var við veiðar
með handfæri og landaði 283 kg.
Á Króknum voru svo aðeins fimm togarar/
bátar við veiðar og lönduðu tæpum 456 tonnum
í sex löndunum. Aflahæst var Drangey SK 2 með
rúmt 131 tonn en aflalægstur var handfæra-
báturinn Greifinn SK 19 með 405 kg.
Enginn bátur landaði á Hvammstanga né
Hofsósi og var því heildaraflinn í síðustu viku á
Norðurlandi vestra 1.008.052 kg í 33 löndunum.
/SG
Á dögunum mættu galvaskar konur úr Kven-
félagi Sauðárkróks á Heilbrigðisstofnun
Norðurlands á Sauðárkróki til þess að afhenda
formlega gjöf til minningar um Sigríði Sig-
tryggsdóttur, móður Hannesar Péturssonar,
skálds.
Sigurdríf Jónatansdóttir, fráfarandi formaður
félagsins, afhenti Kristrúnu Snjólfsdóttur, yfir-
hjúkrunarfræðingi, gjafabréf sem staðfesti gjöf-
ina og sagði aðdraganda vera á þá leið að Hannes
hefði haft samband við hana og viljað minnast
móður sinnar með smá gjöf til Kvenfélagsins, ef
þar væri sjóður sem sjúkrahúsið gæti nýtt.
Sigurdríf sagði að það væri vel hugsanlegt
og úr varð að Hannes bað um reikningsupp-
lýsingar þar sem hann ætlaði að leggja inn smá
upphæð. Sigurdríf segir að þessi upphæð hafi
svo reynst vera mun hærri en „smá“ þar sem ein
milljón króna kom inn á reikninginn. Lýsti hún
því svo hvernig stjórnin hefði fengið sjokk þegar
þetta rann upp fyrir henni. Í kjölfarið var haft
samband við stjórnendur sjúkrahússins og
ákveðið að þar á bæ yrði fundið út í hvað
fjármunirnir væru best nýttir.
„Þetta var í fyrsta lagi sólarhrings blóð-
þrýstingsmælir, sem tilheyrir heilsugæslunni, og
það sem því fylgir, og er mikið notað,“ sagði
Kristrún þegar hún veitti gjafarbréfinu viðtöku.
„Svo aftur á móti var einnig keyptur lífs-
markamælir á sjúkradeild, sem mælir blóð-
þrýsting, hita og mettun og svo skanni sem flýtir
fyrir skráningu í sjúkraskrárkerfið,“ útskýrði
Kristrún og sagði skannann, sem notaður er til að
nema strikamerki á armböndum sjúklinga, spara
mikinn tíma við skráningar og auka öryggi.
Þakkaði hún höfðinglega gjöf og sagði öll tækin
eiga eftir að nýtast mjög vel í framtíðinni. /PF
Höfðingleg gjöf á sjúkrahúsið
Til minningar um móður skáldsins
Menningarfélag Gránu bauð sl.
sunnudag Jóni Jónssyni, þjóð-
fræðingi, til samkomu í Gránu
frá tvö til fjögur. Aðgangur
ókeypis. Gamla verslunarsvæð-
ið var þéttsetið fólki af eldri
kynslóðinni sem meðtók efni
frásagna Jóns þjóðfræðings og
tók stundum andköf.
Frásagnir af Gvendi dúllara,
Símoni Dalaskáldi, Sölva
Helgasyni og fjölmörgum föru-
mönnum og flökkurum urðu
ljóslifandi. Fjallað var um
nítjándu aldar fólk allt fram
til ársins 1950. Óskráð lög voru
um dvöl flakkaranna en
næturnar máttu aldrei verða
fleiri en þrjár til gistingar þó
vafalaust hafi verið á því undan-
tekningar. Flakkararnir voru
sögumenn og til skemmtunar í
fásinninu sjaldan með vinnu-
Skemmtikraftar og skaðræðisgripir
Sögur af förufólki
Jón Jónsson, þjóðfræðingur og Ester Sigfúsdóttir MYND: HI
framlag. Fréttamenn síns tíma
og eftirhermur.
Þekking Jóns á samfélags-
gerð sem mætti flökkurunum
er áhugaverð enda hefur hann
gefið efnið út á bók. Eiginkona
Jóns, Ester Sigfúsdóttir, sá um
stutta hljóðritaða kafla með
dúlli og sérstæðum sálmasöng.
Jón Jónsson, þjóðfræðingur, er
alinn upp vestra við Stein-
grímsfjörð og var um þriggja
ára skeið við Fjölbrautaskól-
ann hér á Sauðárkróki og náði í
leiðinni í konuefni sitt frá
Siglufirði, Ester Sigfúsdóttir, en
langafi hennar var Fúsi í Hlíð,
þekktur Siglfirðingur. Þetta var
góð heimsókn að vestan.
/Hörður Ingimarsson
2 44/2022