Feykir - 23.11.2022, Síða 6

Heilir og sælir lesendur góðir.
Það er Pétur Stefánsson sem leggur okkur
til fyrstu vetrarvísurnar að þessu sinni.
Vorsins þýðu veðrin blíð
vetur stríður huldi.
Þung er víða þessi tíð
þrálát hríð og kuldi.
Nú er köld vor æviönn
ylur burtu líður.
Daginn langan frost og fönn
faðminn okkur býður.
Ekki tekur frostið frí
frýs nú vatn í lindum.
Full af éljum skrugguský
skripla á fjallatindum.
Ennþá vandast gleðigjörð
grimmt er stand á öldu.
Fölt er land og frosin jörð
frekar andar köldu.
Við kuldatakið hugur hrýs
hér má klakann líta.
Leggur vakin veðradís
vetrarlakið hvíta.
Það mun hafa verið Þórarinn Eldjárn sem
gaf eftirfarandi upplýsingar:
Hann Valþjófur veit allt og getur
og viskuna færir í letur.
Ég sé hann oft hér,
þá segir hann mér,
hið sanna. Ég veit þó betur.
Ein ágæt kemur hér næst eftir Davíð
Hjálmar.
Björgólfur bóndi á Síki
bjarg mörgu lambi úr díki
og kapli úr svaði
hann fann konur í baði
en aðeins með öflugum kíki.
Ekki virðist Jóna Guðmundsdóttir vera í
vanda með að yrkja limru.
Að karlmanni leitaði Lóa
og að lokum hitti hún Jóa.
Hann var djarfur og hress
og dugði til þess
að rugga bátnum og róa.
Einhvern tímann í sumar var sagt frá
því í fréttum að kona nokkur hefði lent
í deilum við Sjúkratryggingar vegna
þess að hún var heyrnarlaus á öðru
eyra og óskaði eftir því að fá stuðning til
lagfæringar þar á. Mun því alfarið hafa
verið hafnað og töldu tryggingarnar ekki
víst að konan þyrfti að heyra með báðum
eyrum. Sá snjalli Davíð Hjálmar mun hafa
spurt þessi tíðindi og ort svo:
Tryggingar bjóða góðar bætur
og bilaðir fá löguð meinin sín.
Og maðurinn sem missir báða fætur
fær metna eina löpp ef þörf er brýn.
Alltaf gaman að heyra frá Bjarna frá Gröf.
Yndi færir ævin mér
æskan mærir sporin,
lífið hlær og leikur sér
líkt og blær á vorin.
Vísnaþáttur 820
( GUÐMUNDUR VALTÝSSON ) palli@feykir.is
Ekki eins glatt yfir þessari vísu Guð-
mundar Arnfinnssonar.
Degi hallar, dimmir skjótt
dvínar spjall á vörum.
Skýjahallir hrynja fljótt
héðan allir förum.
Það er Hólmfríður Bjartmarsdóttir sem
segir okkur næst frá ferð sem endaði
betur en á horfðist.
Presturinn byrjaði að blessa
er búin var hefðbundin messa.
Loks er hann þagði
Þuríður sagði:
Látum nú vinir vínið andann hressa.
Kannski hefur það verið á heimleið frá
kirkju sem frúin orti þessa:
Oftast nær er alveg nóg
andann Guði að fela.
Til öryggis ég átti þó
ögn í vasapela.
Nokkur æsingur hefur nú undanfarið
verið vegna hækkandi matvælaverðs
í búðum, og jafnvel gefið í skyn að það
allt sé bændum að kenna. Kannski hefur
verið svipuð umræða í gangi þegar Jón
Bjarnason, bóndi í Garðsvík, orti svo:
Íslenski bóndinn veit upp á hár
að ódýrt ei framleitt getur.
Sá er berjast má ár eftir ár
við átta mánaða vetur.
Enn rifjast upp ágætar vísur eftir Davíð
Hjálmar. Þegar rætt var um að konum
gengi vel að ná jafnrétti á hinum ýmsu
sviðum, varð þessi til:
Jafnrétti er konum kært
í karla spor þeim vel er fært,
launaháar lærðar og
leggjast margar inn á Vog.
Gott hefur verið að dvelja úti við eftir
næstu vísu að dæma.
Opnar dyrnar upp á gátt
Ingveldur í Sogni.
Naumast blæs þar nokkur átt
nema í stafalogni.
Öldruð kona sagði frá því að hún kviði
því ekki að fara á elliheimili því börn
hennar hefðu lofað sér því að færa henni
brennivín þangað. Davíð Hjálmar metur
stöðuna svo:
Þótt hún sturlist, missi mátt
muni ekkert, sjái fátt,
hönd sé köld en holdið blátt
og hárið líkist ösku
brosir hún, því börnin kaupa flösku.
Gott er þá að leita til Guðmundar Arn-
finnssonar með lokavísuna.
Hafs í veldi hnígur sól
hrynja ölduveggir,
sofna höldar, heims um ból
hljóðna nöldurseggir.
Veriði þar með sæl að sinni.
Guðmundur
Valtýsson
Eiríksstöðum,
541 Blönduósi
Sími 452 7154
ÍÞRÓTTAFRÉTTIR F
Tindastólsmenn héldu til
Grindavíkur á mánudag þar
sem hálf lemstraðir heimamenn
biðu þeirra með einn erlendan
leikmann í sínum röðum þar
sem einn var í banni og annar
ekki kominn með leikheimild.
Þrátt fyrir það voru heimamenn
sprækir og börðust allt til
síðasta blóðdropa en á
endanum voru Stólarnir of
sterkir og héldu glaðbeittir
heim á Krók með stigin tvö í
pokahorninu. Lokatölur 83-94
og bæði lið með sex stig að
loknum sex umferðum.
Hefðu Stólarnir hitt eðlilega
fyrir utan 3ja stiga línuna þá
hefðu þeir nú átt þægilegra
kvöld. Key var 0/6, Raggi 0/5,
Pétur 0/3, Arnar 1/9, Zoran
2/7, Taiwo 3/7 og Drungalis 3/4
sem gerir 22% nýtingu. Taiwo
var öflugastur í gærkvöldi með
Subway-deildin | Grindavík – Tindastóll 83–94
Góður sigur í Grindavík
Taiwo Badmus var bestur Stólanna í leiknum sl. mánudag. Hér er hann í troðslu-
hugleiðingum gegn liði Njarðvíkur í vor. MYND: DAVÍÐ MÁR
23 stig og sjö fráköst, Keyshawn
skilaði 21 stigi og sex fráköstum,
Drungalis endaði með 19 stig,
Zoran gerði 12 og Arnar 10.
Pétur átti fínan leik því þó hann
skilaði aðeins fjórum stigum á
töfluna var hann með níu
fráköst og átta stoðsendingar.
Næsti leikur er hér í Síkinu
á morgun en þá kemur topplið
Breiðabliks í heimsókn en
Blikar hafa komið á óvart það
sem af er tímabili. Með sigri
koma Stólarnir sér betur fyrir á
stigatöflunni og því mikilvægt
að ná góðum leik. /ÓAB
Lið Tindastóls og Þórs Akur-
eyri mættust í Síkinu í 10.
umferð 1. deildar kvenna sl.
miðvikudag. Þórsliðið, sem er
ansi vel mannað, hafði
yfirhöndina lengstum en eftir
jafnan fyrri hálfleik náði lið
Tindastóls forystunni fyrir
hlé. Það var síðan í fjórða
leikhluta sem Akureyringar,
með Maddie Sutton og
Marínu Lind í miklum ham,
náðu að hrifsa stigin frá
Stólastúlkum og unnu góðan
sigur, lokatölur 66-87.

Það var auðvitað skarð fyrir
skildi í liði Tindastóls að eftir
að hafa fengið þrjár villur í
fyrri hálfleik þá náði Emese
Vida aðeins að spila í um
þrjár mínútur í síðari hálfleik
áður en hún var komin með
fimm villur og spilaði aðeins
tæpar 16 mínútur í leiknum.
Á þessum tíma lék hún vel og
hafði gert 15 stig og hirt ellefu
fráköst. Frákastadrottningin
Maddie Sutton tók 22 fráköst
fyrir lið Þórs í leiknum, gerði
23 stig en hún spilaði aftur á
móti tæpar 39 mínútur.
Chloe var stigahæst Stóla-
stúlkna með 30 stig, Emese
sem fyrr segir með 15, Eva
Rún gerði átta stig og Fanney
setti sjö. Munurinn á liðun-
um að þessu sinni lá í frá-
köstunum því lið Þórs slátraði
heimastúlkum á því sviði, tók
62 fráköst á meðan Stóla-
stúlkur náðu 35. /ÓAB
Þórsliðið reyndist
sterkara í blálokin
1. deild kvenna | Tindastóll – Þór Ak 66–87
6 44/2022