Harmonikublaðið - 15.05.2019, Blaðsíða 12

Harmonikufélag Rangæinga anno 2018
Starfsárið hófst með spilamennsku á
þorrablótum á Selfossi, Hellu og í Sandgerði
en Rófustappan sá um það verkefni.
Rófustöppuna skipa þeir Grétar Geirsson,
Þórður Þorsteinsson og Sigurður Guðjónsson
á harmonikur, Tryggvi Sveinbjörnsson á gítar,
Haraldur Birgir Haraldsson á bassa. Eftir það
hófust reglulegar æfingar og æft til skiptis á
Hellu og Selfossi eftir venju. Þann 20. apríl
var spilað íTónlistarskóla Rangæinga á Hellu
og 21. apríl í sundlauginni á Selfossi á „Vori
í Arborg“. Þann 1. maí var spilað á Kirkjuhvoli
við vígsluathöfn nýbyggingar Kirkjuhvols,
dvalarheimilis aldraðra á Hvolsvelli. 12. maí
var farið í Skyrgerðina í Hveragerði með
æfingadagskrá vetrarins og 16. maí var sama
dagskrá spiluð í Hvoli Hvolsvelli. Orka
náttúrunnar var með starfsmannaskemmtun
í Básnum í Olfusi 25. maí og bað um
harmonikutónlist og fór hluti Rófustöppunnar
í það verkefni. Þriðji júní var aðstand-
endadagurinn haldinn á Kirkjuhvoli og var
beðið um okkur þar. Spiluðum þar við góðan
orðstír og fengum meira að segja greitt fyrir.
A aðstandendadeginum gera aðstandendur
íbúa á dvalarheimilinu Kirkjuhvoli á
Hvolsvelli, sér glaðan dag með vistfólki. Þar
var einnig Hjördís Geirs og tókum við nokkur
lög með henni, eða hún með okkur. Þann 8.
- 10. júní var slegið í útihátíð á Borg í
Grímsnesi með Selfyssingum og var ball á
föstudags- og laugardagskvöldi ásamt
tónleikum á laugardegi. Ágætis mæting og
smá tekjur í bónus. 24. júní var
harmonikumessan í Arbæjarkirkju og var hún
á hendi okkar heimamanna. Eftir þetta var
smáhlé hjá spilurum. Þann 27. júlí var spilað
á Lundi á Hellu og Kirkjuhvoli á Hvolsvelli
um miðjan daginn en um kvöldið var farið á
Langbrók í Fljótshlíð og spilað á Veltingi,
hinni árlegu útihátíð „brókara“, sem eru
eigendur Langbrókar. Þar var mikið stuð og
mikið gaman. Þann 10. ágúst var beðið um
harmonikutónlist á Hótel Skálakoti undir
Eyjafjöllum. Þar er hin glæsilegasta aðstaða og
spiluðum við þar um kvöldið á stórum útipalli
í góðu veðri í góðri stemningu og fengum
greitt fyrir og var þetta mjög gaman og vel
heppnað í alla staði og lögðu þeir meira að
segja til dansstjóra. Þann átjánda ágúst var
komið að Töðugjöldunum á Hellu, en þar
var spilað í morgunmatnum og svo eftir hádegi
á Blómstrandi dögum í Hveragerði. Grétar
lék á milli skúra á ljósahátíð í Múlakoti.
Spilarar hittust svo á Langbrókinni 11.
september, þar sem sumarstarfinu lauk með
grilli og tilheyrandi og svo var talið í nokkur
lög. Ekki var langt hlé í boði því 4. okt. voru
húsaleigutónleikarnir í Menningarsalnum á
Hellu en þar er okkar miðvikudagsæfmgaaðstaða.
Var okkar framlagi vel tekið og hófust svo
reglubundnar æfingar eftir það. Svo var spilað
á Kirkjuhvoli í nóvember og Lundi í desember
samkvæmt hefð með Lionsklúbbnum á Hellu.
Allt var þetta gert í góðri samvinnu við félaga
okkar á Selfossi og á góðu æfingakvöldi eru
10 harmonikur, bassagítar og svo tveir
gítarleikarar. Vert er að geta þess að við höfum
einnig átt mjög gott samstarf við Tónlistarskóla
Rangæinga og þar eru sem stendur 10
nemendur í námi á harmonikur undir
handleiðslu Eyrúnar Gylfadóttur en hún tók
við kennslunni af Grétari í Ashól sem hefur
verið harmonikukennari skólans um langt
árabil og á allan veg og vanda af þessu góða
starfi tónlistarskólans, en þess má geta að
Eyrún er einmitt nemandi hans. Þessir 10
nemendur sem allt eru strákar hafa stofnað
harmonikuhljómsveit sem fékk nafnið
„Harmonikufélag Rangæinga, yngri“.
Auðvitað, hvað annað. Eins og sjá má af
ofantöldu þá erum við ekki aðgerðarlaus með
öllu og er það vel. Það sem er framundan er
svo „Dagur harmonikunnar“ 4. maí en þá
troðum við upp í Skyrgerðinni í Hveragerði
kl 14:00 og á Hvoli Hvolsvelli 5. maí einnig
kl. 14:00 en um þessa helgi stendur yfir
handverkssýning eldri borgara í Rangárþingi.
Þann 31. maí eru svo lok vetrarstarfsins í vetur
en þá blásum við til tónleika í Hvoli og þar
verður stuð og stemmari að hætti heimamanna.
Helgina 7.-9. júní verður hin árlega útihátíð
á Borg í Grímsnesi og eins og harmoniku-
unnendur þekkja þá verður enginn svikinn af
því að mæta þangað.
Haraldur Konráðsson formaður
Harmonikufélags Rangœinga
Myndir Siggi Harðar
Birgir, Þórður og Tryggvi (Hank) d stóra sviðinu á Borg Sameinaðir Rangxingar og Selfyssingar á Borg
12
Munið myndasíðuna á netinu: www.harmoniku-unnendur.com