Árbók Reykjavíkurborgar - 01.10.1986, Side 186
Hlutkesti ræður á hverjum byrja skal. Við nafnakali er borgarfulltrúa
skylt að greiða atkvæði, nema hann færi rök fyrir undanfærslu sinni, er
forseti metur gild. Ef borgarfulltrúi vill ekki una úrskurði forseta, má
hann skjóta úrskurðinum til borgarstjórnar, sem sker úr án umræðna.
14. gr.
Hver borgarfulltrúi, sem taka vill til máls, skal óska heimildar
forseta.
Að jafnaði skulu menn taka til máls í þeirri röð, sem þeir hafa kvatt
sér hljóðs. Heimilt er að víkja frá þessu, ef um er að ræða borgarstjóra
eða framsögumann svo og borgarfulItrúa, sem gera vill stutta athugasemd eða
leiðrétta ummæli um sjálfan hann.
Ef tveir eða fleiri kveða sér samtímis hljóðs, ákveður forseti í hvaða
röð þeir tala.
Borgarfulltrúi skal vera í ræðustól, meðan hann talar, nema forseti
leyfi annað.
Borgarstjórn getur heimilað, ef 2/3 borgarfulltrúa samþykKja, að maður
utan borgarstjórnar megi tala á borgarstjórnarfundi.
15. gr.
Borgarfulltrúi skal beina máli sínu til forseta.
Framsögumaður má tala þrisvar við hverja umræðu máls, en aðrir
borgarfulltrúar tvisvar. Borgarfulltrúa er þó heimilt að taka oftar til
máls til að bera af sér ámæli eða gera stutta athugasemd um fundarsköp.
Ekki má lesa upp prentað mál, nema forseti leyfi.
16. gr.
Ef forseti telur umræður dragast úr hófi fram, getur hann lagt til að
ræðutími hvers borgarfulltrúa megi ekki fara fram úr ákveðinni tímalengd
eða umræðum hætt.
Þá getur forseti, hvenær sem er, lagt til, að umræðu skuli lokið á
ákveðnum tíma. Ekki má þó takmarka umræðu svo, að hún standi skemur en tvo
tíma, meöan nokkur borgarfulltrúi kveður sér hljóðs.
Borgarstjórn afgreiðir tillögur ræðulaust. forseta, skv. 1 . og 2. mgr. um-
Ákvæði um takmörkun ræðutíma eiga frumvarp að fjárhagsáætlun. ekki við, þegar fjallað er um
17. gr.
Skylt er borgarfulltrúa að lúta valdi forseta í hvívetna, er að því
lýtur, að gætt sé góðrar reglu.
Ef borgarfulltrúi ber aðra menn brigslum eða víkur verulega frá
umræðuefninu, skal forseti víta hann. Ef borgarfulltrúi er víttur tvisvar
á sama fundi, getur forseti lagt til við borgarstjórn, að hann verði
sviptur málfrelsi, það sem eftir er fundar. Skal sú tiliaga afgreidd
umræðulaust.