Fréttabréf Verkalýðsfélags Akraness - jun 2005, Qupperneq 4
4
Í samræmi við samkomulag milli
Alþýðusambands Íslands og Samtaka
atvinnulífsins um lífeyrismál, hefur verið
ákveðið að breyta réttindakerfi sjóðsins
frá og með 1. júlí 2005. Tekin verður upp
svokölluð aldurstengd ávinnsla réttinda.
Það þýðir í stuttu máli að sá tími sem
sjóðurinn hefur til að ávaxta iðgjöld
hefur bein áhrif á þau lífeyrisréttindi sem
iðgjöldin skapa. Hingað til hafa iðgjöld
skapað jöfn réttindi, óháð því hvenær
starfsævinnar þau hafa verið greidd.
Aldurstengt kerfi er því meira í samræmi
við þá hugsun að menn skuli uppskera
eins og menn sá. Hins vegar er rík áhersla
lögð á að hrófla í engu við áunnum
réttindum sjóðfélaga og tryggja farsæla
aðlögun þeirra að breyttu kerfi. Svipaðar
tillögur liggja fyrir hjá þorra lífeyris-
sjóða í landinu og er með þessu verið að
mæta þeim auknu skuldbindingum sem
skapast af hækkandi lífaldri fólks sem og
aukinni örorkutíðni.
Könnunarviðræður um
sameiningu lífeyrissjóða
Stjórn sjóðsins er í viðræðum við
Lífeyrissjóði Suðurnesja og Suðurlands
þar sem kanna á kosti þess að sameina
sjóðina þrjá. Megintilgangur sameiningar
sjóða er að ná frekari hagræðingu í rekstri
og auka áhættudreifingu og þar með getu
til að standa við lífeyrisskuldbindingar.
Starfsumhverfi lífeyrissjóða á Íslandi
hefur á síðustu árum breyst gífurlega með
auknum kröfum um fagleg vinnubrögð
og þjónustu. Stærri sjóður hefur meiri
burði til að mæta þessum kröfum.
Einnig er líklegt að breiðari grunnur
sjóðfélaga dragi úr tryggingafræðilegri
áhættu sjóða. Þannig er ljóst að sjóður
með staðbundinn sjóðfélagagrunn er
útsettari fyrir áföllum á svæði sínu.
Fjölgun sjóðfélaga og meiri dreifing,
bæði landfræðilega og starfsgreinalega,
dregur úr þessari áhættu.
Nýtt réttindakerfi tekið upp hjá
Lífeyrissjóði Vesturlands
Ráðgjöf um fjármál
heimilanna
Fyrsta námskeið félagsins um fjár-
mál heimilanna var haldið í vetur,
en aðsókn var fremur dræm. Fjár-
málanámskeið auglýsa sig þó yfirleitt
sjálf því þeir sem sótt hafa námskeiðin
gefa þeim góð meðmæli.
Nú er unnið að samningsgerð milli
Ráðgjafarstofu um fjármál heimilanna,
Svæðisvinnumiðlunar Vesturlands,
Akraneskaupstaðar og Verkalýðsfélags
Akraness um sameiginlega ráðgjafar-
þjónustu fyrir skjólstæðinga þeirra.
Atvinnuleitendur á starfssvæði
Svæðisvinnumiðlunar Vesturlands,
félagsmenn Verkalýðsfélags Akraness
og aðrir íbúar Akraness sem eiga í
greiðsluerfiðleikum geta þá fengið að-
stoð við að öðlast heildaryfirsýn yfir
fjármál sín og leita leiða til lausnar.
Ráðgjöfin verður auglýst nánar
þegar samningar liggja fyrir.
Aukin menntun leiðir til hækkunar
launa og betri möguleika á vinnumarkaði
og sífellt fleiri nota sér styrki til endur-
menntunnar.
Á skrifstofu félagsins liggja frammi
bæklingar sem athyglisvert er að skoða
fyrir þá sem hafa hug á að bæta við
þekkingu sína. Landsmennt er bækl-
ingur um námsstyrki Samtaka at-
vinnulífsins og samtaka verkafólks á
landsbyggðinni og úthlutunarreglur
má einnig skoða á vefsíðunni www.
landsmennt.is. Sjómennt er að sama
skapi bæklingur með upplýsingum um
reglur Samtaka atvinnulífsins, LÍÚ og
sjómannasambandsins og efni hans má
einnig skoða á vefsíðu www.sjomennt.is
Menntafélagið er skóli véltækni og
siglinga og námskeiðabæklingur skólans,
sem starfræktur er í Sjómannaskólanum,
liggur frammi á skrifstofu VLFA. Hægt
að velja um margvíslegar leiðir, s.s. tölvu-
námskeið, kennslu á sérhæfðar vélar,
málmsuðu, ratsjárnám og margt fleira.
Slóðin á vef Menntafélagsins er www.
mennta.is
Námskeið við allra hæfi
Símenntunarstöð Vesturlands býður
upp á mjög fjölbreytilega kosti í menntun
og þar geta allir fundið eitthvað við sitt
hæfi. Þeir sem hafa ákveðnar óskir um
námskeið ættu endilega að hafa samband
við Símenntunarstöðina því oft er hægt að
fá leiðbeinendur til námskeiðahalds eftir
pöntun ef næg þátttaka fæst.
Þeir sem hafa áhuga á að skoða þá
endurmenntun sem í boði er geta leitað
til skrifstofu VLFA að Sunnubraut 13.
Námskeiðahald liggur að mestu niðri yfir
sumarið, en það er gott að nota tímann til
að velja nám við hæfi.
Fjölbreytt endurmenntun í boði
Félagsmenn í VLFA eiga rétt á endurgreiðslu sem nemur allt að
75% af námskostnaði - að hámarki 35.000 krónum
Fjöldi bæklinga um símenntun liggur frammi á
skrifstofu félagsins.
Gylfi Jónasson framkvæmdastjóri Lífeyrissjóðs
Vesturlands.