Blysið : skólablað Gagnfræðaskóla Austurbæjar - 01.03.1966, Síða 22

Hvers vegna eru sumir ungu mannanna
reiðir? Þessi spurning getur verið dálítið
þung í vöfum. Hefur ekki æskan alltaf leik-
ið lausum hala og farið sínu fram? Að visu
hefur hún ekki fyrr gert sig hása, rifið hár
sitt og meitt á bftlasamkomum eins og nú
tíðkast, en leitað útrásar á annan hátt.
T.d. dýrkaði Egill Skallagrímsson Bakkus
á yngri árum og einnig fullorðinn, og byrj-
aði fyrr á ólifnaði sínum en flestir ungling-
ar á vorum dögum gera, og jafnar það met-
in.
Fljótt á litið virðist þetta allt vera rétt
og satt. En, ef málin eru skoðuð frá hærri
sjónarhóli, sjáum við, að félagsandinn hef-
ur breytzt og það meira en lftið, vegna
þess að við erum öll með sama marki
brennd. Því valda breyttar þjóðfélagsað-
stæður.
Algengt er að börn hafi lftil samskipti
við móður sína. Börnin eru send á dag-
heimili eða til einhverrar stelpuskjátu í
næsta húsi. Hún nennir kannske ekki einu
sinni, að skipta á, ef börnin eru lftil, en
ræðir í séfellu heimsvandamálin við vin-
konur sínar, talar um bítla, sem giftust
f fyrradag, eða um nýjustu Rolling-Stonse
plötuna, jafnvel um stráka.
En móðirin vinnur úti. Afleiðingin af,
þessu er sú, að börnin þekkja foreldra
sína ekki sem skildi. FöðUrnum dettur oft
ekki í hug þessar slæmu afleiðingar eða
stendur á sama hvernig fer. Krakkarnir
eru látnir bjarga sér sjálfir án leiðsagn-
ar.
Enginn leggur þeim lífsreglurnar fyrr
en f barnaskóla og gefst það oft misjafn-
lega, því þótt skömm sé frá að segja, er
þar mest lagt upp úr einkunnum, þótt aðal-
verkefnin þar ættu, að vera uppeldið. Ekki
er hirt um, þótt illgresi vaxi innan um
ungviðið.
Allir eru að flýta sér. Árangurinn sýn-
ir sig. Hinn græni stofn fer að visna og þá
er blaðinu snúið við. Allir fara að ala ungl-
ingana upp, því miður, stundum lögregl-
an. En þá er það orðið of seint. Þetta unga
fólk hlýtur því að vera mjög reitt.
Sigurður Þórðarson
H. - A.
- 22 -