Árbók Tryggingarstofnunar ríkisins - 01.12.1942, Blaðsíða 26
24
l>að, hvort slofna sknli sjúkrasamlög. Um þessar atkvæðagreiðslur, svo
og um atkvæðagreiðslur, er síðar kynnu að þurfa að fara fram vegna
þess að tilskilinn meiri hluti næst eigi í fyrri atkvæðagreiðslu, fer að
öðru leyti eftir 29. gr. laganna.
B. Lög um lífeyrissjóð starfsmanna ríkisins.
f. gr. — Lífeyrissjóður embættismanna og ekkna þeirra, er stofnaður
var með lögum nr. 51 27. júní 1921, skal eftirleiðis heita Lífeyrissjóður
starfsmanna ríkisins, og starfar hann með því markmiði og skipulagi,
sem segir í lögum þessum.
2. gr. — Sjóðfélagar eru þeir nefndir í lögum þessum, er skylt er að
greiða iðgjöld í sjóðinn og rétt eiga á lífeyri úr honum.
3. gr. — Sjóðfélagar eru:
1. Allir þeir, sem laun taka eftir hinum almennu launaiögum.
2. Allir aðrir starfsmenn, sem taka laun úr ríkissjóði og ráðnir eru til
ekki skemmri tíma en eins árs eða með þriggja mánaða uppsagnar-
fresti, enda sé starf þeirra í þjónustu ríkisins aðalstarf þeirra.
Þeim starfsmönnum ríkisins, sem rétt eiga á lífeyri úr öðrum
sjóðum, er slofnaðir eru með lögum fyrir tilteknar starfsgreinir
sérstaklega, er þó eigi skylt að gerast sjóðfélagar.
4. gr. — Stjórn sjóðsins skal heimilt að taka í tölu sjóðfélaga:
1. Starfsmenn við ríkisstofnanir, sem sérstakan fjárhag hafa.
2. Starfsmenn bæjar-, sýslu- eða sveitarfélaga.
3. Starfsmenn við sjálfseignarstofnanir, er starfa í almenningsþarfir.
Starfsmenn þeir, sem ræðir um í 1—3 hér að framan, skulu full-
nægja skilyrðum þeim, er greinir í 3. gr„ um ráðningartima.
5. gr. — Nú bætast við nýir sjóðfélagar samkvæmt 3. gr. 2. tölul. eða
4. gr„ og skal þá heimilt að kaujja þeim réttindi í sjóðnum fvrir starfs-
tíma, sem þeir hafa unnið, áður en þeir urðu sjóðfélagar. Stjórn sjóðs-
ins ákveður, eftir tillögum tryggingarfræðings hans, upphæð þá, er
greiða skal fyrir réttindi þessi, eftir því sem nánar verður ákveðið í
reglugerð sjóðsins.
6. .gr. — Stjórn sjóðsins skal skipuð þremur mönnum. Skal einn
þeirra tilnefndur af hæstarétli, og er hann fórmaður stjórnarinnar.
Annar skal skipaður af fjármálaráðherra, en hinn þriðji kosinn af
sjóðfélögum eða félagsskap þeirra, svo sem nánar verður ákveðið í
reglugerð sjóðsins.
Skipunar- og kjörtimi stjórnarmanna er þrjú ár.
7. gr. — Tryggingastofnun ríkisins annast reikningshald og dag-
lega afgreiðslu sjóðsins fyrir þóknun eftir samkomulagi hennar og
stjórnar sjóðsins.
Reikningsár sjóðsins er ahnanaksárið. Reikningar sjóðsins skuluend-
urskoðaðir af hinni umboðslegu endurskoðun án sérstakrar þóknunar.