Heimili og skóli - 01.12.1961, Qupperneq 9

HEIMILI OG SKÓLI
125
Auk rannsókna á einstökum börn-
um, athugar deildin þau börn, sem
sækja um vist á heimavistarskólanum
á Jaðri og hefur byrjað leiðbeiningar-
starf með starfsfólki þar.
Nýr skóli fyrir debile-börn tók til
starfa í haust í Reykjavík. Hér er um
að ræða sérskóla fyrir börn með mjög
skert, en þó nokkurt námshæfi, sem fá
alls ekki notið sín í almennum barna-
skólurn, ekki lreldur í „lökustu“ bekkj-
um. Engin börn eru flutt í hinn nýja
skóla, nema að undangenginni rann-
sókn hjá sálfræðideild skóla, og þó því
aðeins að foreldrar æski þess að breyt-
ingin fari fram.
Stofnun þessa sérskóla er tvímæla-
laust mikið framfaraspor í skólamál-
um og hefur þegar gefið góða raun,
hvað snertir líðán barnanna sjálfra.
Lesendur Heimilis og skóla munu
ef til viJ 1 spyrja, hvenær foreldrar og
kennarar úti um land fái notið sál-
fræðiþjónustu. Hér skal engu um það
spáð. Skynsamlegt virðist að gera fyrst
tilraun með ferðaþjónustu, sem gæti
komið að verulegu gagni. Slíka þjón-
ustu mætti tengja beint við skrifstofu
fræðslumálastjóra í Reykjavík eða
þær deildir, sem teknar eru til starfa
°g nefndar hafa verið hér að framan.
En síðar kann að koma að því, að sál-
fræðiskrifstofum fyrir skólana verði
komið upp í stærri bæjum út um land,
og sinni þær jafnframt þörfum nær-
liggjandi byggðarlaga.
Jónas Pálsson.
Bækur og rit
Reikningsbók fyrir 11 og 12 ára börn
eftir Kristján Halldórsson.
Eins og kunnugt er, búa íslenzkir barna-
skólar við mjög úreltar kennslubækur í
reikningi. Því hafa kennarar orðið að bjarga
sér að miklu leyti sjálfir í þeim efnum. Þeir
hafa fjölritað verkefni fyrir börnin og lagt
í það mikla vinnu.
Nú hefur kennari einn í Reykjavík gefið út
tvö fjölrituð hefti af reikningsbók fyrir 11
og 12 ára börn, sem ætlazt er til að hægt sé
að nota, þangað til Ríkisútgáfan gefur út
reikningsbækur í samræmi við kröfur tímans.
Segir Kristján, að bækur þessar séu unnar
upp úr verkefnum, sem hann hefur tekið
saman undanfarin ár og notað við kennslu í
11 og 12 ára bekkjum.
Fyrra heftinu er skipt í 43 kafla af stígandi
þyngd, og er þetta mikið dæmasafn, sem
kemur sér vel fyrir kennara að nota. Fyrstu
kaflarnir eru upprifjun á námsefni tíu ára
barna, en 43 síðari kaflarnir eru miðaðir við
námsskrá ellefu ára barna með smáprófum
inn á milli.
Síðara heftið skiptist í 69 kafla og þar að
auki í nokkra undirkafla, og er allt þetta
hefðti miðað við námsskrá tólf ára barna.
Þessir kaflar skiptast svo bæði í orðadæmi og
talnadæmi. Þarna eru auðvitað bæði nefndar
tölur, almenn brot og tugabrot og lítið eitt
af flatarmálsdæmum.
Ekki verður sagt um ágæti þessara bóka
með fullri vissu fyrr en þær hafa verið not-
aðar, en svo sýnist í fljótu bragði, sem þær
séu mikill fengur fyrir kennara, sem kenna
reikning í þessum ársdeildum.
Þótt hefti þessi séu fjölrituð, hefur það
tekizt óvenjulega vel, og frágangur á þeim
er hinn bezti.