Ferðir - 01.03.1940, Blaðsíða 5

Ferðir]
3. blaðsíða
er Ketilfjall, Bœjarfjall í miðið og er það stærst, en Kví-
hólafjall syðst. Þeistareykir standa norðvestan undir
Bæjarfjalli, eru þar tvö hús og er það, er stendur nær
fjallinu, nýtt og reisulegt en óinnréttað, og notað til gist-
ingar gangnamönnum. Allt í kring eru gróðursælar
grundir, þ\7í að jörð er þarna volg og mörg hverasvæði
meðíram fjallinu. Auðvelt er að ganga á Bæjarfjall, en
þaðan er útsýn góð í björtu veðri. Gufuhverir eru uppi í
fjallinu og sjóðandi gufur koma upp um smásprungur
uppi á fjallsbrúninni.
Frá Þeistareykjum er góður klukkutímagangur austur
að Stóra- og Litlavíti á Reykjaheiði, er þá farið upp í
g'egnum skarðið milli Ketilfjalls og Bæjarfjalls en það
heitir Bóndhólsskarð og dregur annaðhvort nafn af hól,
sem er uppi í sjálfu skarðinu, eða ljósleitum hól, með
miklum jarðhita, sem er undir Bæjarfjallinu neðan und-
an skarðinu. Ur skarðinu er stefnt í háaustur yfir móa
og smá hraunmela. Ekki sjást Vítin langt að, þó hefur
dálítill hraunhryggur hlaðist umhverfis Stóravíti, en það
er gamall dyngjugígur. Það er bæði stórt um sig og mjög'
djúpt, en þó auðvelt að komast ofan í það. Litlavíti er
örlítið sunnar, hringmyndað gímald niður í slétta heiðina,
umgirt háum hömrum, svo hvergi verður niður komist.
Eiginlega eru vítin í sunnanverðri Þeistareykjabungu,
sem er dyngja mikil en tiltölulega flöt. Hátoppur dyngju
þessarar er skammt norðan af Vítunum, er þar allstór en
ekki tilkomumikill gígur, en útsýn þaðan norður yfir Ax-
aifjörð er mjög fögur. Lítið eitt norðan við hábunguna
á að vera mikið, hringmyndað niðurfall. Austur af Þeista-
reykjabungu er svæði það á Reykjaheiði, sem nefnist
Gjástykki, hefir þar orðið mikið jarðsig; eru þar gjár
stórar og háir gjáveggir. Sprungur þessar ná norður í
Kelduhverfi og allt suðui til Mývatns.
Frá Þeistareykjum til Mývatns mun vera um 30 km.
vegalengd, liggja götutroðningar þessa leið en allkrókótt,
því þeir þræða með fjöllunum. Bezt mun að fylgja gjám