Ferðir - 01.04.1953, Page 6
2. blaðsíða
[Ferðir
Hvernig á að grafa sig í fönn?
Ef þú villist, eða stórhríð heftir för þína, þá leitaðu
skjóls meðan tími er til. Frestaðu því ekki, þar til myrkrið
dettur á eða þreytan er að yfirbuga þig. Sértu holdvotur og
hafir þú ekkert til skipta, eða sértu illa búinn, skalt þú tefla
djarft til að komast í húsaskjól. Aðalatriðið er, að nota
hvern möguleika til þess að forðast kuldann, því að á meðan
þér er notalega heitt, heldur þú kröftum. Seztu ekki niður
til að hvíla þig á bersvæði, livað þreyttur sem þú kannt að
verða. Svefninn sækir á þig fyrr en varir, og ef til vill kemur
dauðinn í kjölfar hans, eða þá að þú vaknar kalinn og nærri
ósjálfbjarga. Komist þú ekki til bæja eða í húsaskjól, þá
minnztu þess, að það er skjól í hverjum skafli, jafnvel þótt
ekki sé unnt að byggja vandað snjóhús.
Veldu þér skafl, helzt með þykkri skaraskán efst. Haltu
vel á þér hita á meðan þú hreiðrar um þig, en varastu að
svitna. Grafðu þig inn undir skaraskánina á móti vindi
með hverju því, er að gagni getur komið, t. d. skíðum,
diski eða með höndunum einum, ef þú ert ekki svo hepp-
inn að hafa með þér reku eða snjóhníf. Reyndu að búa svo
um þig undir skaraþakinu, að þú getir setið uppréttur,
haft fataskipti, legið og fengizt við matseld, ef svo ber undir.
Láttu loft skýlisins mynda skáflöt, eins og loft í súðarher-
bergi. Það fyrirbyggir eða dregur úr leka. Ef þú ert með
skíði, skaltu nota þau sem botn í skýlið, ef þú ekki þarfnast
þeirra til annars. Merktu slóð þína til staðarins, þar sem
þú leitar skjóls. Það auðveldar þér að taka stefnuna, þegar
þú brýzt úr híði þínu. Láttu skíðastaf eða annaÖ vísa á, hvar
þú hvílir undir. Þegar þú hefur tekið allt dót þitt með þér
inn í skýlið, lokar þú því svo vel sem verða má. Verkaðu
af þér alla fönn. Sértu rakur í fætur, þá farðu í þurrt, ef þú
átt þess kost. Þú skalt fara í röku sokkana utan yfir hina.
Þeir þorna á þér. Klæddu þig í öll þau föt, sem þú átt völ á,